དེ་རིང་ཕྱི་དྲོ་བོད་མི་མང་སྤྱི་འཐུས་ལྷན་ཚོགས་སྐབས་བཅུ་བཞི་པའི་གྲོས་ཚོགས་ཚོགས་དུས་༡༠ པའི་ནང་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་ཁག་ཅིག་སླེབས་པའི་ནང། རྒྱ་བལ་འབྲུག་གསུམ་དང། བྱང་ཨ་རི། ཡུ་རོབ་བཅས་ཕུད་པའི་ཕྱི་རྒྱལ་ཡུལ་གྲུ་གཞན་ཁག་ཏུ་གནས་སྡོད་བོད་མིའི་ཁོངས་ནས་སྤྱི་འཐུས་གཅིག་གི་ས་ཁོངས་སྤར་དགོས་པའི་ཁྲིམས་འཆར་ཞིག་སླེབས་ཡོད་པ་དང། མདོ་སྨད་སྤྱི་འཐུས་བསྟན་འཛིན་མགོན་པོ་ལགས་ཀྱིས་དགག་བྱ་གནང་ནས་མཐར་གྲོས་ཚོགས་ནས་བཅའ་ཁྲིམས་དགོངས་དོན་བཞིན་བསྐྱར་བཅོས་དེར་རྒྱབ་སྐྱོར་ཐོབ་མེད་པ་རེད།

དེ་རིང་ཕྱི་དྲོ་བོད་མི་མང་སྤྱི་འཐུས་ལྷན་ཚོགས་སྐབས་བཅུ་བཞི་པའི་གྲོས་ཚོགས་ཚོགས་དུས་༡༠ པའི་ནང་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་ཞིག་སླེབས་པ་དང། དེ་སྔོན་བཅའ་ཁྲིམས་ནང་ཨ་རི་དང། ཁེ་ཎ་ཌ་ཁུལ་གནས་སྡོད་བོད་མིའི་ཁོངས་ནས་འོས་བསྡུ་བྱས་པའི་སྤྱི་འཐུས་གཅིག་ཡོད་པ་དང་། དེ་རིང་སྤྱི་མོས་ཀྱིས་བསྐྱར་བཅོས་བྱས་པའི་ནང་དུ་བྱང་ཨ་རིའི་ཁུལ་གནས་སྡོད་བོད་མིའི་ཁོངས་ནས་འོས་བསྡུ་བྱས་པའི་སྤྱི་འཐུས་གཉིས་འདེམས་བསྐོ་བྱ་རྒྱུའི་བཅའ་ཁྲིམས་བསྐྱར་བཅོས་གནང་ཡོད་པ་རེད།

འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་གོ་སྒྲིག་འོག་ཕྱི་ཟླ་༩ ཚེས་༢ ཉིན་གྱི་ཕྱི་དྲོ་བྷེལ་ཀོབ་བདེ་སྐྱིད་སླར་གསོ་གཞི་ཆགས་ཀྱི་ཚོགས་ཁང་དུ། དེང་དུས་མང་གཙོའི་ལམ་ལུགས་ཐོག་འཕྲད་བཞིན་པའི་དཀའ་ངལ་དང་དེ་ལ་གདོང་ལེན་བྱེད་པའི་ཐབས་ལམ་སྐོར་བཀའ་བློན་ཁྲི་པ་མཆོག་གིས་གསུང་བཤད་གནང་ཡོད་པ་དང། སྐབས་དེར་ཆོས་བརྒྱུད་ཀྱི་སྤྱི་འཐུས་དགོས་མིན་དང་དེའི་གལ་གནད་སྐོར་གསུངས་ཡོད་པ་རེད།

དགོན་པ་ཁག་ལ་དམ་དྲག་བྱེད་པ་དང། བླ་མ་དང་སྤྲུལ་སྐུ། དེ་བཞིན་མཁས་དབང། གཞས་པ་སོགས་སོ་སོས་རྣམ་དཔྱོད་བཏོན་ནས་བོད་ནང་གི་སྤྱི་ཚོགས་ཁྲོད་དུ་རླབས་ཆེན་གྱི་ཕྱག་ལས་གནང་མཁན་དང། བོད་མིའི་བསམ་སྤྱོད་ལ་འགྱུར་བ་གཏོང་ཐུབ་པའི་གང་ཟག་མང་པོ་ཞིག་ལ་རྒྱ་ནག་གིས་གཅིག་གཅིག་གཉིས་གཉིས་བྱས་ནས། འཛིན་བཟུང་དང་བཙོན་འཇུག་བྱེད་པ་ལ་སོགས་པའི་ལས་འགུལ་སྣ་ཚོགས་སྤེལ་གྱི་ཡོད་རེད་ཅེས་ཚོགས་གཙོ་སྤེན་པ་ཚེ་རིང་མཆོག་གིས་གསུངས་སོང།

འོད་ཟེར་པོད་ཁུག་ལས་ནགས་ཤོད་སད་མིས་བོད་བསྒྱུར་བྱས།                                       
བོད་ལྗོངས་གསོ་རིག་སློབ་གླིང་སློབ་ཐོན་སློབ་མ་བརྒྱ་ཁ་ལྷག་ཅིག་གིས་བོད་རང་སྐྱོང་ལྗོངས་ཀྱི་སྒོ་ཁ་ནས་ངག་བཅད་ངོ་རྒོལ་བྱས་འདུག བོད་ལྗོངས་གསོ་རིག་སློབ་གླིང་གི་སློབ་ཐོན་སློབ་མ་རེ་གཉིས་པའི་གཞུང་ལས་པ་ཡར་བསྡུའི་གྲངས་འབོར་ཆེས་ཉུང་བས་༢༠༡༠ ལོའི་ཟླ་བ ༩ པའི་ཚེས ༢ ཕྱི་དྲོ་ཆུ་ཚོད  ༤ པར་སློབ་མ་ཚོས་རྒྱལ་དར་ཆུང་ཆུང་ཞིག་ཐོགས་ཏེ་ལྗོངས་མི་དམངས་སྲིད་གཞུང་གི་སྒོ་ཆེན་འགྲམ་ནས་ངོ་རྒོལ་བྱས་འདུག