ཀརྨ་བསྟན་འཛིན།
 ངའི་མིང་ལ་ཀརྨ་བསྟན་འཛིན་ཟེར་གྱི་ཡོད། ང་རང་༡༩༩༢ ལོར་རང་ཡུལ་དང་བྲལ་ནས་རྒྱ་གར་ཚ་བའི་ལུང་པར་སློབ་སྦྱོང་བྱེད་དུ་ཡོང་བ་ཡིན། ཕྲན་འཛིན་རིམ་བཅུ་གཉིས་བར་དྷ་སྟེང་བོད་ཁྱིམ་དུ་སློབ་གཉེར་བྱས་པ་དང༌། དེ་རྗེས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་བོད་ཀྱི་རིག་གནས་སྐོར་ལ་ལོ་གཅིག་ལྷག་ཙམ་རིང་ཟུར་ཞུགས་སློབ་སྦྱོང་བྱས་ཤིང༌། ད་ལྟ་བོད་གཞུང་སྨན་རྩིས་མཐོ་སློབ་ཁང་དུ་བོད་ཀྱི་གསོ་བ་རིག་པར་སློབ་སྦྱོང་བྱེད་བཞིན་ཡོད།
དེ་ལས་མང༌།...
བློ་བཟང་ཆོས་དར།
 གུས་མོའི་མིང་ལ་བློ་བཟང་ཆོས་དར་ཟེར་ཞིང༌། ད་ལྟ་ས་རཱ་མཐོ་སློབ་ཏུ་སློབ་སྦྱོང་བྱེད་བཞིན་པ་ཡིན། ངས་གོ་སྐབས་འདི་བཟུང་ནས་རེ་སྐུལ་ཞིག་ཞུ་འདོད་བྱུང༌། གངས་ཅན་པ་ཚོས་ད་ལྟ་ང་ཚོའི་གནད་དོན་དེ་ཇི་ལྟར་བྱས་ནས་བཟློག་ཐུབ་བམ། འདས་པའི་དུས་དང་དུས་རབས་གསར་པ་འདིའི་ཁྲོད་དུ་བཟོད་མི་ཐུབ་པའི་རྐྱེན་ངན་ཞིག་རེད། དེ་འདྲ་ཡིན་དུས་རྩམ་ཟན་བྱེ་བྲག་པ་རེ་རེ་ལ་འོས་འགན་ཡོད་པ་སྨྲ་མི་དགོས། ང་ཚོ་བཙན་བྱོལ་བ་རྣམས་རྐུབ་སྟེགས་ཡོད་པ་ཙམ་དང༌། ཡང་ན་འཚོ་བའི་མཐུན་རྐྱེན་འཛོམས་པ་ཙམ་གྱིས་ཡིད་ཚིམས་ཤིང༌། ཤེས་རིག་ལ་དོ་སྣང་མེད་པ། བརྩོན་འགྲུས་ལ་ཞེན་པ་དག་སྲོལ་རྒྱུན་དང་ལད་བཟློས་ཁོ་ན་བྱས་ནས་བསྡད་ན། ང་ཚོ་མི་རབས་གསར་པ་ཡིན་ནའང་ཤེས་རིག་གསར་གཏོད་ཀྱི་ཕྱོགས་ལ་འཕེལ་རྒྱས་དཀོན་ཞིང༌། འབྱུང་འགྱུར་གྱི་གོམ་སྟབས་གསར་པའི་མདུན་དུ་སྟ་གོན་གསར་པ་དེ་བས་ཀྱང་བྱེད་མི་ཐུབ། དུས་རབས་གསར་པ་འདིའི་སྐབས་རྙིང་ཞེན་དང་བག་འཁུམས་ཀྱི་སྒོ་ནས་དཀའ་ངལ་ལ་སྐྲག་ཅིང༌། ལེ་ལོའི་སྣང་ཚུལ་དེ་དག་གི་ཤུགས་རྐྱེན་འོག་རྗེས་ལུས་དང་ཉམས་དམས་ཀྱི་དྲ་རྒྱ་ལས་ཐར་ནས་རང་ཉིད་བསམ་ཕོད་པ་དང༌། སྒྲུབ་ཕོད་པའི་སྙིང་སྟོབས་དེ་བཀོལ་སྤྱོད་ཀྱི་ཐོག་ནས་མགོན་པོ་གང་ཉིད་ཀྱིས་བགྲོད་ལམ་གསར་གཏོད་གནང་བ་དེའི་ཕྱོགས་སུ་ང་ཚོས་གོམ་པ་མདུན་དུ་སྤོ་ཐུབ་པའི་འབོད་སྐུལ་ཞུ་བཞིན་ཡོད།། ཚུལ་ཁྲིམས་དཔལ་ལྡན།
 ཕྲན་གྱི་མིང་ལ་ཚུལ་ཁྲིམས་དཔལ་ལྡན་ཟེར་ཞིང༌། སྐྱེས་ཡུལ་ནི་དབུས་ལྷ་སའི་ལྷོ་ཁ་གོང་དཀར་ཕྱོགས་སུ་ཡིན། ཕ་མ་གཉིས་ཀྱིས་རེ་བ་དང་ཕུགས་བསམ་གྱི་དར་དཀར་མཇིང་པར་གཡོགས་ཏེ་ཆུང་དུས་ནས་བཙན་བྱོལ་དུ་བརྫངས་ཀྱང་དེ་ལྟར་དུ་མ་བྱུང༌། དེ་རིང་བར་གྱི་མི་ཚེ་ཆོས་སྒོར་བསྐྱལ་ཞིང་འབྱུང་འགྱུར་ལ་དེ་ལྟར་ཡོང་བའི་རེ་བས་ད་ལྟ་ས་རཱ་མཐོ་སློབ་ཏུ་སློབ་སྦྱོང་བྱེད་ཁུལ་ལགས། ངས་གོ་སྐབས་འདི་བཟུང་སྟེ་གངས་ཅན་པའི་ན་གཞོན་རྣམས་ལ་འབོད་སྐུལ་ཞིག་ཞུ་འདོད་པ་དེ་ནི། བྱུང་ན་ཁྱེད་ཀྱི་ལས་ལ་བརྩོན་ཞིང་དཔའ་ངར་ལྡན་པའི་བོད་མི་རིགས་ཀྱི་ཆོ་ལོ་ཐོགས་ཏེ་གང་བསམ་པ་དེ་བཤད་ཕོད་པ་དང༌། བཤད་ཕོད་པ་ཇི་བཞིན་ལས་ཕོད་པ་ཞིག་གནང་སྟེ་རྒྱ་ཟས་ལེའུ་བཅོ་བརྒྱད་ལ་འགྱུར་བ་གནང་རོགས། མ་བྱུང་ན། གཏམ་རྫིག་པོ་དང་ལས་ཆེན་པོ་དེ་ཚོ་དོར་ཏེ། སོ་སོའི་སྒོ་གསུམ་གྱི་འགུལ་ཤུགས་རེ་རེའི་ཁྲོད་ན་གདོང་དམར་བའི་དར་རྒུད་ཤེས་པའི་རྩམ་པ་ལྷད་མེད་པ་ཞིག་གནང་རོགས། ཧ་་་་ཧ་མདོར་བསྡུས་ནས་ཞུ་འདོད་པའི་ཚིག་གཉིས་ནི། ཁ་བཤད་ཆུ་ཡི་ལྦུ་བ། ལག་ལེན་གསེར་གྱི་ཐིགས་པས་བོད་རྒྱལ་ཁབ་མ་སྐྱོང་རོགས་གནང༌། ཐུགས་རྗེས་གཟིགས།ཕུན་ཚོགས་སྒྲོལ་དཀར།
 ཕྲན་གྱི་མིང་ལ་ཕུན་ཚོགས་སྒྲོལ་དཀར་ཟེར་ཞིང་དམ་ཆོས་ཉི་མའི་འོད་ཟེར་འཕྲོ་ས་སྟེ། གངས་ཅན་བོད་ཀྱི་རྒྱལ་སར་འབོད་པའི་ལྷ་ལྡན་ཆོས་ཀྱི་ཞིང་ཁམས་ཀྱི་ཉེ་འཁྲིས་མལ་གྲོ་གོང་དཀར་རྫོང་ཁོངས་སུ་སྐྱེས། ལོ་ན་ཧ་ཅང་ཆུང་བའི་བྱིས་པའི་དུས་ཚོད་ནི་བརྩེ་བའི་ཕ་མའི་བཀའ་མངགས་བཞིན་སློབ་གྲྭའི་རྭ་བ་ལས་བསྐྱལ་བ་དང༌། དེ་རྗེས་བཙུན་དགོན་གར་དགོན་བསམ་གཏན་གླིང་དུ་ཆོས་ཞུགས་ཀྱི་སྐལ་བཟང་གོ་སྐབས་ཐོབ། ཁ་བ་རི་བོའི་ཡུལ་དུ་སྔ་ན་མ་གྲགས་པའི་ལོ་རྒྱུས་ཀྱི་དུས་འགྱུར་གནམ་ས་བླ་འོག་བརྗེས་པ་ལྟ་བུར་བྱུང་ཞིང༌། བོད་མི་སྤྱི་བོ་གནམ་བསྟན་ཡོངས་དང་ལྷག་ཏུ་ནང་བསྟན་ཆེད་གཉེར་གྱི་གྲྭ་བཙུན་དག་ལ་བསམ་གྱིས་མི་ཁྱབ་པའི་ཆག་སྒོ་ཚབས་ཆེན་བྱུང་རྐྱེན་རང་ཡུལ་དུ་སྡོད་པའི་ཐོབ་ཐང་བྲལ་བ་དང༌། ྋརྒྱལ་བའི་གསེར་ཞལ་ཟླ་བའི་ལང་ཚོ་ལ་མཇལ་བའི་འདུན་པ་བཟློག་ཏུ་མེད་པས་གསོལ་བཏབ་སྟེ་འཕགས་པའི་ཡུལ་དུ་བཙན་བྱོལ་དུ་འབྱོར་ནས་བཙུན་དགོན་སྒྲོལ་མ་གླིང་དུ་སློབ་གཉེར་གྱི་བགྱི་བ་དང་དུ་བླངས། ད་ལྟ་སཱ་ར་བོད་ཀྱི་མཐོ་རིམ་སློབ་གཉེར་ཁང་དུ་ལོ་མཐའ་མའི་སློབ་གཉེར་ལ་རྫོགས་ཚིག་འགོད་ལ་ཉེ་བའོ།
་བློ་བཟང་ཐུབ་བསྟན།
 ཁོ་བོའི་མིང་ལ་བློ་བཟང་ཐུབ་བསྟན་ཟེར། ཕྲན་ནི་བོད་ཕྲུག་ཁྱིམ་སྡེ་གྷོ་པལ་པུར་སློབ་གླིང་ནས་འཛིན་གྲྭ་བཅུ་གཉིས་མཐར་ཕྱིན། ད་ལྟ་རང་ཉིེད་ཀྱི་ཚེ་སྲོག་དང་འདྲ་བའི་བོད་ཀྱི་སྐད་ཡིག་སྦྱོང་སའི་བསྟི་གནས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་སློབ་སྦྱོང་ལ་འབད་བརྩོན་བྱེད་བཞིན་ཡོད། ཧམ་པ་ཆེ་དྲག་ཀྱང་བདག་གི་ཕུགས་བསམ་ནི་མཐོ་སྒང་གི་བསམ་བློ་བ་ཞིག་བྱ་རྒྱུ་དེ་ཡིན། རང་ཉིད་ཀྱི་རྒྱལ་ཁབ་དང་མི་རིགས་ཀྱི་སླད་དུ་ངས་རྟག་ཏུ་ཡིད་ལ་བསམ་པ་དང་ཁ་ནས་བརྗོད་འདོད་པའི་སྐད་ཆ་ནི། ང་ཚོ་ནི་ཡར་ལུང་གཙང་པོའི་འགྲམ་རྒྱུད་ནས་འཚར་ལོངས་བྱུང་བའི་ཁྱིམ་ཚང་ཞིག་ཡིན།
བསྟན་འཛིན་ཆོས་འཕེལ།
 གུས་པའི་མིང་ལ་བསྟན་འཛིན་ཆོས་འཕེལ་ཟེར་ཞིང༌། དུས་རབས་ཉི་ཤུ་པའི་ལོ་རབས་བརྒྱད་ཅུ་པའི་ནང་ལ་བོད་ཀྱི་རྒྱལ་ས་ལྷ་སའི་ཉེ་འགྲམ་འཕན་ཡུལ་དུ་སྐྱེས། བོད་མི་སྤྱི་དམངས་ཀྱི་ལས་དབང་ལྟར་ཕྲན་ཡང་༡༩༩༧ ལོར་བཙན་བྱོལ་ཡུལ་གྱར་བའི་སྐྱིད་སྡུག་མཉམ་མྱོང་ལ་ལྷགས། ལྷ་གཅིག་ཕྱག་ན་པདྨོའི་བཀའ་དྲིན་ཉག་གཅིག་ལ་བརྟེན་ནས་འདས་པའི་བརྒྱུད་རིམ་ནང་རང་འདོད་ཀྱིས་ཤེས་བྱའི་གར་སྟེགས་ཐོག་སྦྱང་བརྩོན་གྱི་རོལ་རྩེད་ཕྲན་བུ་རྩེས། ད་ཆའང་རྐང་དྲུག་བུང་བ་དང་འདྲ་བའི་བདག་ནི་རང་བློར་འཚམས་པའི་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་སྣ་མང་ཤེས་བྱའི་པད་ཚལ་ལ་འཇུག་མུས་ཡིན། འདིར་གླེང་འདོད་པ་ལ།
དཀོན་མཆོག་རྒྱ་མཚོ༌
ཕྲན་དཀོན་མཆོག་རྒྱ་མཚོ་ནི་༡༩༨༥ ལོར་མདོ་སྨད་རྔ་ཡུལ་ཨ་འདུས་སྡེ་བར་སྐྱེས་ཤིང༌། ཕྱི་ལོ་༡༩༩༨ ལོར་འཕགས་ཡུལ་ལ་འབྱོར་ནས་དགའ་ལྡན་ཤར་རྩེ་གྲྭ་ཚང་དུ་ཆོས་ཞུགས་བྱས་ཏེ་ནང་ཆོས་ཅུང་ཙམ་སྦྱང་ཁུལ་བྱས་པ་ཡིན། ད་སྐབས་བརྡ་སྤྲོད་གཞུང་ལུགས་ལ་སྦྱང་བའི་ཁུལ་ཡིན།
མཐའ་མའི་བསྐྱར་བཅོས། ( གཟའ་པ་སངས།, ༠༢ ཕྱི་ཟླ་བཞི་པ། ༢༠༡༠ ༠༩:༣༠ )
བདག་གིས་གླེང་སྟེགས་འདི་བརྒྱུད་ནས་མི་རིགས་ཤིག་གི་སྐད་ཡིག་གི་དགེ་ཕན་ཅུང་ཙམ་སྨྲ་འདོད་བྱུང༌། བསོད་ནམས།
བསྟན་འཛིན་བདེ་སྐྱིད།
དགེ་འདུན་ཆོས་འཕེལ།
ཉི་མ།
བསྟན་འཛིན་སྒྲོལ་མ།
མཁྱེན་རབ་རྒྱ་མཚོ།
ཚེ་རིང་སྒྲོལ་དཀར།
ཁོང་གིས་བོད་མིས་བོད་དོན་ལས་འགུལ་སྤེལ་ཕྱོགས་སྐོར་བསམ་ཚུལ་གསུང་དོན། གཡུ་སྒྲོན།
ཁོང་གིས་ང་ཚོ་བཙན་བྱོལ་བའི་སློབ་མ་ཞིག་གི་ངོས་ནས་བཤད་ན་ང་ཚོའི་སྤྱི་ཚོགས་ནང་དམིགས་བསལ་གྱིས་དོ་སྣང་དང་མཉམ་འཇོག་བྱེད་དགོས་པའི་གནས་སྟངས་སྐོར་གསུང་དོན། ཡེ་ཤེས་དབང་མོ།
ཚེ་རིང་དཔལ་ལྡན།
ད་ལྟ་བྷེལ་ཀོབ་བོད་ཁྱིམ་སློབ་གྲྭའི་འཛིན་རིམ་༡༢ པར་སློབ་སྦྱོང་བྱེད་མུས་ཡིན་པ་རེད། ཁོང་གིས་རྒྱ་གར་ནང་བོད་ཀྱི་སློབ་ཕྲུག་ཚོའི་བོད་ཀྱི་སྐད་ཡིག་ཤེས་ཚད་སྐྱོ་བོ་ཡིན་པའི་རྒྱུ་རྐྱེན་དང་དེ་ལས་གཡོལ་ཐབས་སྐོར་གསུངས་དོན། རྭ་རྒྱ་འཕྲིན་ལས།
བསྟན་འཛིན་སྒྲོལ་མ།
བསྟན་འཛིན་སྒྲོན་མཛེས།
བློ་བཟང་བཀྲ་ཤིས།
གཞོན་སྐྱེས་རྣམས་ཀྱི་སློབ་གསོའི་ནུས་ཤུགས་དང་བསམ་བློའི་ཁྱེར་སོའི་སྐོར་བརྗོད་དོན། ལི་ཐང་འཇམ་བཟོད།
བོད་ཡིག་མི་ཤེས་པ་རྒྱུ་མཚན་དུ་བྱས་ནས་བོད་དོན་སྐྱུར་མི་རུང་བའི་སྐོར་བརྗོད་དོན། བློ་བཟང་ཆོས་འགྲུབ་བམ་བློ་དགའ།
བློ་བཟང་ཚུལ་ཁྲིམས།
ཁོང་གིས་བོད་པར་དགའ་ཆོག་ཆོག་དང་སྡུག་ཆོག་ཆོག་གི་གཤིས་ཀ་ཞིག་ཡོད་པ་དོར་ནས་སེམས་པ་བཟང་པོ་དགོས་སྐོར་གསུང་དོན། བྱང་ཆུབ་སྙིང་པོ།
ཁོང་གིས་བཙན་བྱོལ་བོད་རིགས་ཀྱི་ཛ་དྲག་གནས་སྟངས་དང་མཐོ་སློབ་ཁག་ལ་ཟབ་སྦྱོང་གི་ཕན་ནུས་སྐོར་གསུང་དོན། |
|
གསར་གནས་དེ་ལས་མང་བ།
|
| JPAGE_CURRENT_OF_TOTAL |
ཟླ་འདིའི་ཚེས་༢ ཉིན་བཙན་བྱོལ་བོད་གཞུང་གི་མང་གཙོའི་གཞུང་དབུ་བརྙེས་ནས་མི་ལོ་ཧྲིལ་བོ་༥༠ འཁོར་བའི་དུས་དྲན་སྲུང་བརྩིའི་མཛད་སྒོ་ཞིག་རྒྱ་གར་ལྷོ་ཕྱོགས་མོན་གྷོ་གཞིས་ཆགས་མི་མང་ཚོགས་ཁང་དུ་འཚོགས་ཡོད་པ་དང།
བོད་ཀྱི་གསོ་བ་རིག་པའི་སྨན་བཅོས་ལམ་ལུགས་དེ་རྒྱ་གར་གྱི་གྲོས་ཚོགས་གོང་མས་རྒྱ་གར་གཞུང་གིས་ངོས་ལེན་ཡོད་པའི་སྨན་བཅོས་ལམ་ལུགས་གྲས་སུ་འཇོག་རྒྱུའི་གྲོས་ཆོད་བཞག་ཡོད་པ་རེད།
འཆར་གཞི་གཅིག་དང་མཇུག་འབྲས་གཉིས།
བོད་གཞུང་མང་རྒྱལ་ཡོངས་ཚོགས་ཆེན་ཐེངས་པོ་དེ་ཕྱི་ལོ་༢༠༡༠ ཟླ་༨ ཚེས་༢༦ ནས་༣༡ བར་རྒྱ་གར་ལྷོ་ཕྱོགས་བྷེལ་ཀོབ་གཞིས་ཆགས་སུ་འཚོགས་ཡོད་པ་དང་།
འབྲས་སྤུངས་ཏྲེ་ཧོར་འཁྲུངས་གསར་རིན་པོ་ཆེ་བསྟན་འཛིན་དཔལ་ལྡན་མཆོག་ནི། ཕྱི་ལོ་ ༡༩༧༠ ལོར་འབྲུག་ཡུལ་དུ་ཡབ་ངག་དབང་དང༌། ཡུམ་ལྷ་དབང་གཉིས་ཀྱི་སྲས་སུ་སྐུ་འཁྲུངས། ༼གླ་ཡོད།༽
དྭངས་བླངས་སྤྱི་འཐུས།
བལ་ཡུལ་དུ་གནས་སྡོད་བློ་བཟང་དོན་གྲུབ་ལགས་ཀྱིས། ཁོང་སྤྱི་འཐུས་འོས་འདེམས་ནང་དྭངས་བླངས་ཀྱིས་ཞུགས་རྒྱུ་ཡིན་མི་མང་གིས་འོས་བླུགས་རོགས་ཞེས་ཁྱབ་བསྒྲགས་བྱུས་འདུག ༼གླ་ཡོད།༽
བོད་ཡིག་གི་རིན་ཐང་ནི་ཡུལ་གྱར་འགྲུལ་བཞུད་དང་ལས་ཀ་ཆུང་ཚག་རིགས་གཉེར་རྒྱུའི་ཆེད་ཁོ་ན་ག་ལ་ཡིན། ཁོ་བོའི་མིང་ལ་རྭ་རྒྱ་འཕྲིན་ལས་ཟེར་ཞིང་ཕ་ཡུལ་མཚོ་སྔོན་མཚོ་ལྷོ་ནས་ཡིན་ལ། ད་སྐབས་དྷ་རམ་ས་རུ་རང་འཚོ་ཙམ་དུ་བསྡད་ཡོད། ནམ་རྒྱུན་རང་གི་ཟ་རོགས་འཐུང་རོགས་ཚོ་ལ་རང་གི་རིག་གཞུང་ཐད་ཀྱི་སྐད་ཆ་སྣ་ཚོགས་ཀྱིས་རྣ་བ་སུན་པར་བྱས་པ་ཐེངས་གཅིག་ག་ལ་ཡིན་མོད། 
ལི་ཐང་འཇམ་བཟོད་ནི། ༡༩༧༩ ལོར་ལི་ཐང་མཚོ་གསུམ་གྱི་ཡ་གྱལ་འཇའ་བར་སྐྱེས། ༡༩༩༠ ལོར་བཙན་བྱོལ་དུ་འབྱོར་ནས་ལྷོ་ཕྱོགས་དང༌། ནོར་གླིང་མཐོ་སློབ་སོགས་འགྲིམས། ༢༠༠༣ ལོ་ནས་ནོར་གླིང་ཉམས་ཞིབ་སྡེ་ཚན་དུ་ལས་དོན་གཉེར་མུས་ཡིན།
བློ་བཟང་ཚུལ་ཁྲིམས་ནི། བྷེ་ལ་ཀོ་པེ་རུ་འཛིན་གྲྭ་དང་པོ་ནས་བཅུ་གཉིས་བར་སློབ་སྦྱོང་བྱས་པ་དང༌། ད་ལྟ་ལྡི་ལི་མཐོ་སློབ་ཏུ་སློབ་སྦྱོང་བྱེད་བཞིན་པ་རེད།
བྱང་ཆུབ་སྙིང་པོ་ནི། མ་སུ་རི་གཏན་སློབ་ནས་འཛིན་གྲྭ་བཅུ་གཉིས་བར་སློབ་སྦྱོང་དང༌། དེང་སྐབས་བྷ་རོ་ཌ་མཐོ་སློབ་ལོ་རིམ་གཉིས་པ་ས་ཁམས་རིག་པའི་སྐོར་ལ་སློབ་སྦྱོང་བྱེད་མུས་རེད།