ལྷ་སྨོན་པ།
15:51:32དབུ་མའི་ལམ་གྱི་ལས་འགུལ་ཁང་གི་བྱེད་སྟངས་ལ་བལྟས་པའི་ཚོར་སྣང་།
སྤྱིར་དབུ་མའི་ལམ་ནི་ད་ལྟ་རྒྱ་ནག་གིས་བཙན་གྱིས་དབང་བསྒྱུར་བྱེད་བཞིན་པ་ལྟ་བུ་མཐའ་གཅིག་དང་། བོད་རང་བཙན་གཙང་མ་དགོས་པ་མཐའ་གཅིག མཐའ་དེ་གཉིས་ཀྱི་གང་རུང་དུ་མ་ལྷུང་པའི་དཀྱིལ་ལམ་དབུས་ནས་བོད་དོན་ཐག་གཅོད་བྱེད་པའི་ཐབས་ལམ་ཞིག་ལ་གོ་དགོས་པ་ཡིན། བར་ལམ་ནས་དབུ་མའི་ལམ་དེ་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་ནས་མི་རིགས་ས་གནས་སྐྱོང་ཞིག་ལ་གོ་བ་ལེན་དགོས་པ་དེ་༧གོང་ས་མཆོག་གི་དགོངས་གཞི་དང་། བཙན་བྱོལ་བོད་གཞུང་གི་སྲིད་བྱུས་སུའང་གྱུར་ཟིན་པ་རེད། དེ་ལྟ་བུའི་ལམ་དེ་དབུ་མའི་ལམ་ཡིན་ནམ་མཐའ་ལ་ལྷུང་བའི་ལམ་ཡིན་བཤད་ཚོད་ཐིག་དཀའ་ཡང་གཞུང་འབྲེལ་གྱི་གོ་བ་ལེན་སྟངས་འདི་རང་ཡིན་པས་ཆ་འཇོག་བྱེད་དགོས་པ་ང་ཚོའི་ལས་འགན་དུ་གྱུར་ཡོད།
 |
|