དངོས་དགའ་
སྐྱ་རེངས་བུ་མོས་རྟ་བདུན་བསུས་པར་གློ་བུར་བརྡོལ་བའི་ཆུ་བུ་མིན།།
གླིང་གཞན་ན་ཡང་འཁོར་ལོ་འཆང་བའི་ངལ་གསོ་དུས་ལ་རྡོག་པས་བརྫིས།།
ནངས་པར་རི་བོའི་ཕྲག་ལས་བརྒལ་བར་གསར་བུ་སྐྱེས་བར་ཡིན་སྙམ་ཡང་།།
ཡོད་ཚད་གཞན་ཕན་འཁོར་ལོ་བཆང་བར་སླར་ཡང་འདིར་རུ་སྣང་བ་བཀྱེ།།
|
|
|
2012.01.20
 00:05:14
|
|
|
|
2012.01.16
01:58:34
|
|||
|
འཚང་ཀའི་ཁྲོད་དུ་གདན་ཞིག་འཁྱེར་ནས་གསུང་ཆོས་རྭ་བ་ནང་དུ་ཕྱིན་པའི་གང་སར་མིས་ཁེབས་པས་ཕྱི་རྒྱ་བ་རྣམས་ཕེབས་སྒོ་ཞིག་གི་ཉེ་སར་ཉི་མའི་དྲོད་དང་ཆར་ཆུའི་བརླན་ལ་གདོང་ལེན་བྱས་ནས་་དེ་རུ་འཚང་ཀའི་ངང་དུ་སྡོད་པ་ཡིན།
|
|||
|
2012.01.12
11:37:58
|
|||
|
ཉི་གཞོན་འཆར་ཀའི་དཔལ་འཕྲོགས་ཤིང་།། བཅུ་དྲུག་གཞོན་ནུའི་ལང་ཚོ་རྫོགས།། ཟག་མེད་བདེ་བའི་དཀྱིལ་འཁོར་བཀྲ།། འཇམ་དཔལ་ཡེ་ཤེས་བདག་ལ་རྩེན།།
|
|||
|
2011.10.13
12:51:05
|
|||
|
གངས་དཀར་ཆུ་བོས་ཆ་ཙམ་མཚོན་པའི་ཤྭཀྱའི་རིགས་ཀྱི་སྲས་པོ་ལས།། ཆུ་ཕྲན་འཛོམས་པའི་པཎ་གྲུབ་རྣམས་ཀྱིས་གཞུང་ལུགས་རིན་ཆེན་མཐའ་རུ་སྲིངས།། སྡུག་བསྔལ་ངལ་རྩོལ་ལྟོ་བ་ལ་འཁྱིལ་སེམས་ཅན་ཕོངས་བར་གྱུར་པ་ན།། སེམས་ཀྱི་གསང་བ་བརྒྱ་ཕྲག་གཏོར་བའི་རིན་ཆེན་དུ་མའི་གཞུང་ལུགས་བསྐྲུན།།
|
|||
|
2011.06.18
11:26:05
|
|||
|
ཉ་དང་འབུ་སྲིན་སྐྱེས་ཤི་འཁོར་ཡང་རྒྱ་མཚོའི་ཧམ་པས་རྟག་པར་རློམ།། ས་གཞིའི་གཏུམ་མོའི་གདོང་པ་རལ་ཡང་བརླན་གཤེར་དམ་བསྒྲིལ་ནུས་པ་སྤུངས།། མེ་ལྷའི་འཐབ་འཁྲུགས་རི་བོ་འབར་ཡང་བསིལ་རེག་བུ་མོས་གླུ་གར་རོལ།། རླུང་འཚུབ་དྲག་པོས་སྟོང་སང་གོང་ཡང་རྒྱ་མཚོའི་ཧར་རྒོད་གཅིག་གིས་ཟློག།།
|
|||
|
2011.04.04
01:54:23
|
|||
|
རྟ་བདུན་འོད་ཀྱིས་སྐྱ་རེངས་བསུས་པར་གློ་བུར་བརྡོལ་བའི་ཆུ་བུ་མིན།། གླིང་གཞན་སྣང་བས་ལྟོ་བར་རྒྱོངས་ཏེ་ངལ་གསོ་དུས་ལ་རྡོག་བརྫིས་ཏེ།། ནངས་པར་རི་བོའི་ཕྲག་ལས་བརྒལ་བར་གསར་བུ་སྐྱེས་བར་ཡིན་སྙམ་ཡང་།། ཡོད་ཚད་གཞན་ཕན་འཁོར་ལོ་བཆང་བར་སླར་ཡང་འདིར་རུ་སྣང་བ་བཀྱེ།།
|
|||
|
2011.02.15
11:22:18
|
|||
|
ལམ་ལུགས་ས་ཁྲའི་མཁན་པོར་གྱུར་པས་གསུང་བཤད་འདོད་དགུ་འཇོ་བ་ལས།། ཕྱི་ནང་དུ་མའི་ལམ་ལུགས་བདེ་བས་ཡིད་དབང་འཕྲོགས་པའི་གསར་གཏོད་སྦྱིན།། དར་སྐུད་རིང་པོའི་མཐའ་ལ་བཟུང་བའི་སྐུ་ངོའི་བརྫི་ཁུལ་ཕར་སྐྱེལ་ནས།། སྐྱ་བའི་གསེབ་ནས་ལྷད་མེད་འཆང་བའི་གཞོན་ནུའི་གསར་པའི་གདོང་ལེན་བསུས།། ཡོད་མེད་མི་ཤེས་སྐར་ཆུང་རྡོག་པོ་ཧཱ་ཝཱ་གཙུག་ལག་ཐིམ་པ་ལས།། འཛམ་གླིང་གསལ་བའི་ཟླ་བར་གྱུར་པ་ཀུན་གྱིས་འཛུམ་མདངས་འོད་ཟེར་འཐུལ།། དམ་བཅའ་གསུམ་པོ་རྒྱན་དུ་འདོགས་པའི་གངས་ཅན་གཞོན་ནུ་གསར་པ་དེས།། ཚོར་འདུ་ཉོབ་པའི་ན་གཞོན་རྣམས་ཀྱང་འཛམ་གླིང་སྟེགས་སུ་དྲངས་ངེས་སོ།།
|
|||
|
2011.02.10
06:20:00
|
|||
|
སྣང་བ་ལགས། ཞོགས་པ་ཁྱེད་ཀྱི་འཛུམ་མདངས་མཐོང་བ་ལ་སྐམ་པས་ཆུ་འདོད་དང། ཕྱི་དྲོ་ཁྱེད་ཀྱི་འཛུམ་མདངས་བསྡུ་བ་ལ་མགོན་མེད་འཇིགས་སྣང་ཞིག་སྐྱེས། ཁྱེད་མེད་ན་ཅི་ཡང་མི་མཐོང་ལ་གདུག་ཅན་སྲིན་པོའི་ཚོགས་ཀྱང་འཕེལ་ངེས་སྙམ།
|
|||
|
2010.12.20
04:48:25
|
|||
|
སུན་སྣང་གི་འཁུན་སྒྲ་དེ་སིམ་མེར་གྱི་དབྱིངས་སུ་མཆེད་། རྙོག་འཛིང་གི་ཁྲ་ལམ་དུ་སེམས་ཆུང་གིས་གཞི་རྟེན་འཚོལ། འཚོལ་རྟེན་ཡ་འཚོལ་རྟེན་་་་་་་་་་་ང་ཁྱོད་ལ་དགའ།།
ངོ་གདོང་གི་རི་མོ་དེ་སེམས་ཁྱོད་ཀྱི་གསང་མྱུལ་གོ། གྲགས་ཚོད་ཀྱི་མཚོན་མིན་སྐྱོ་ངལ་གྱི་དུར་ཁར་བསྐྱུར། ཡིད་ཆེས་ཡ་ཡིད་ཆེས་་་་་་་་་་་་་ཁྱོད་འཚོལ་ཨེ་ཡོད།།
ཁྱོད་ང་ཡི་སྙན་ངག་གི་སློབ་དཔོན་དང་ངེས་འབྱུང་གི་ཕ་མ། ཁྱོད་ང་ལ་སྐྱོ་སྣང་ཞིག་མ་སྟེར་ན་ངས་རྡོག་འགྲོས་གང་དུ་རྒྱག། ངོ་མ་ཁྱོད་དྲིན་ཅན་ཡིན།།
ངུ་མ་དགོད་ཀྱི་སྐད་ཆ་དེ་ཁྱོད་ལ་མི་ཚོར་སྐམ་དུ་་གནས། ངས་མི་ཤེས་པ་ནི་ངོ་མ་མི་ཤེས་པ་ཡིན། མིག་བཙུམས་ནས་འཆོངས་དགོས་སམ། ཧོ་་་་ང་དྲང་བདེན་ལ་དགའ་སྟེ་དེས་ལྷོད་མེད་གཏིང་གི་སྤྲོ་སྣང་སྦྱིན།།
|
|||
|
2010.11.30
06:19:05
|
|||
|
བརྩོན་འགྲུས་མེ་ལྕེའི་རླབས་ཕྲེང་མཁའ་རུ་འཕྱུར།། སྒྲིབ་གཉིས་གདོན་ཆེན་སྟུག་པོ་ལྷག་མེད་བསྲེགས།། ཚེ་གཅིག་མཆོག་གི་གོ་འཕང་མཐོར་གཤེགས་པའི།། རྣལ་འབྱོར་དབང་ཕྱུག་སྤྱི་བོའི་གཙུག་གིས་འཛིན།།
|
|||
|
2010.11.07
09:05:04
|
|||
|
རྣམ་རྟོག་འཁྱམ་པོས་ཁོག་ཏུ་འཚང་ཡང་འབོད་སྒྲའི་ལམ་བུ་སེམས་ཀྱིས་འགོག།། གཡོ་ཁྲམ་ཝ་མོས་སྤྱང་གྲུང་བདེ་ཡང་ཡིད་ཆེས་ལྐུག་མོས་སྦར་མོ་ཤོར།། ཆུ་ཤེལ་འཕང་བར་མལ་དུ་བསྒོམས་ཀྱང་ཁྱོད་ཀྱིས་ཁོང་ཁྲོའི་འདུ་ཚོགས་བསྐངས།། ཚངས་པའི་དབྱངས་ཀྱི་རྟ་རུ་བླངས་ཀྱང་ཁྱོད་ཀྱིས་མི་གཙང་དགུ་དཀྱོག་བསྒྱུར།།
|
|||
|
2010.10.24
04:08:23
|
|||
|
ཚོར་འདུ་སྙིང་དུ་ལྡིར་བའི་འབོད་སྒྲ་ལས།། སེམས་ཀྱི་གོམ་བགྲོད་འཁྱོར་བའི་གར་སྟེགས་སུ།། ཧམ་སེམས་ལག་རྡུམ་བཅོས་པའི་མཇའ་ཚོན་གུར།། མི་རྟག་སྒེག་མོའི་འཕང་བར་དེ་མར་ཡིབ།།
གདིང་སྤོབས་མཁར་བ་འཆང་ནས་སྒང་མཐོ་བའི།། རི་བོའི་ངོགས་སུ་ཡིད་མཆིས་ལྷོད་ནས་བགྲོད།། ཕྱི་ནང་མི་མཚུངས་རྫུན་པའི་མཁར་བ་ཡིས།། ཇི་ཙམ་ཐེག་པ་སོམ་ཉིའི་གྲོགས་སུ་གྱུར།།
|
|||
|
2010.10.24
03:56:22
|
|||
|
གོ་ལའི་ས་ཡི་ཐིག་ལེ་ཕྲ་མོ་ཞིག། འོད་སྣང་འབྱིན་པའི་གོ་ལ་ཧྲིལ་པོ་གསལ།། མི་རྟག་རྫས་ཀྱིས་མྱོས་པའི་བཟི་གཏམ་ཞིག། རེ་ཞིག་འཕངས་ཏེ་ཏིང་འཛིན་མལ་དུ་བཞུགས།།
|
|||
|
2010.09.19
11:56:00
|
|||
|
དར་ཆེན་དམར་པོ་ཕྱོགས་སུ་བསྒྲེངས་པ་དེ།། གངས་ལྗོངས་བདག་དབང་ཟིན་པའི་མཚོན་རྟགས་མིན།། བཙན་པོའི་རུས་ལས་སྐྱེས་པའི་མི་རྣམས་ལ།། སེམས་ཀྱི་རྨ་སྒོ་རྒྱས་པའི་དུག་རྗས་ཡིན།།
|
|||
|
2010.08.30
10:54:32
|
|||
|
མཁྱེན་བརྩེའི་དྲི་མེད་མཁའ་ལ་བསྒྱུར་བའི་རྨོངས་མུན་སེལ་བའི་ཉིན་བྱེད་དེ། དུས་ཀྱི་འགྱུར་བའི་ཟླ་ལ་གཏད་པའི་གླིང་གསུམ་འགྲོ་བར་ལྡིང་སྐོར་བྱས།། སྐྱོ་ངལ་སྤྲིན་གྱིས་ཇི་ལྟར་བསྒྲིབས་ཀྱང་ཞི་བདེའི་འོད་སྣང་འབར་བ་ལས།། དུས་ཀྱི་ཁེམ་པར་ཡིད་ཐང་ཆད་པའི་གོ་སྐབས་ཆ་ཤས་ཅི་ཡང་མེད།།
|
|||
|
2010.08.17
10:20:45
|
|||
|
འཆད་རྩོད་རྩོམ་པའི་གཡུལ་འགྱེད་ཀྱང་།། སྡར་མས་མི་གཡོ་བརྟུལ་ཞུགས་གནས།། བརྒལ་བརྟག་སྒོ་མོ་རབ་ཕྱེ་ཡང་།། ཁྱོད་ལ་སྒོ་འཕར་དེ་བས་ལྕི།།
|
|||
|
2010.08.07
12:33:22
|
|||
|
གནམ་ཨ་སྔོན་དབྱིངས་སུ་ཆུ་འཛིན་ལོང་ལོང་འཁྲིགས།། ཕྱོགས་དྲག་རླུང་སྐྱུར་མོས་ལང་ཚོའི་མཛེས་སྡུག་བཅོམ།། དགུང་སྐར་ཚོགས་ཁྲོད་ནས་བསིལ་བྱེད་བདག་པོ་ཡིས།། གླིང་བཞི་རུ་དྲང་བདེན་ཚེ་སྲོག་འཚོལ་བཞིན་འདུག།
|
|||
ཟིན་བྲིས།
མཆན་གསར་པ།
|