|
|
|
2011.02.07
 01:14:16
|
|||
|
ཤར་ཕྱོགས་ཁུག་རྟའམ། དགེ་འདུན་ཆོས་འཕེལ་གྱི་སྤྲུལ་མིང་འཛིན་པ་བོད་གཞུང་བཀའ་ཤག་ངེས་མེད་སྡེ་ཚན་གྱི་ལས་བྱེད་པ་བློ་བཟང་ཆོས་འབྱོར་གྱིས་“བཀའ་ཁྲི་བཀྲས་མཐོང་ལ་ཐོབ་སོང།”ཞེས་རང་ཉིད་ཀྱི་འདོད་གཏམ་དང་འབྲེལ་བའི་བསམ་ཚུལ་ཐད་ཀར་བརྗོད་པར་དགའ་བསུ་ཡོད། བཀའ་ཁྲི་བཀྲས་མཐོང་ལ་ཐོབ་སྲིད་པ་རེད། འོན་ཀྱང་ཁྱོད་གཅིག་པུས་འོས་བླུགས་ནས་ཐོབ་སོང་ཟེར་བ་དེ་འདྲ་ཡང་མ་རེད།
|
|||
|
2010.09.26
08:26:29
|
|||
|
ད་ལྟའི་ཆར་དབུས་གཙང་ཆོལ་ཁའི་སྒྲིག་འཛུགས་ཀྱི་ཚོགས་གཙོའི་མིང་ཁུར་བ་སྤྱི་འཐུས་སྒྲོལ་མ་ཚེ་རིང་ཟེར་བ་དེ། རྒྱ་གར་ལྷོ་ཕྱོགས་སུ་དབུས་གཙང་ཆོལ་ཁའི་སྒྲིག་འཛུགས་ཀྱི་མིང་ཐོག་ནས་རྒྱ་གར་ལྷོ་ཕྱོགས་སུ་འབྱོར་འདུག ཕྱི་ཚེས་༢༤ ཉིན་བྷེ་ལ་ཀོ་པི་རུ་དབུས་གཙང་གི་ཚོགས་འདུ་ཞིག་འཚོགས་སོང་ཟེར། སྐབས་དེ་དུས་ཁོང་གིས་བཀའ་བློན་ཁྲི་པ་བཀྲས་མཐོང་བསྟན་འཛིན་རྣམ་རྒྱལ་ལ་རྒྱབ་སྐྱོར་མཐའ་གཅིག་ཏུ་བྱེད་དགོས་པ་དང་། དབུས་གཙང་ཆོལ་ཁའི་ངོས་ནས་འོས་གཞི་བཏོན་པ་ཁག་ལ་རྒྱབ་སྐྱོར་ངེས་པར་དུ་བྱེད་དགོས་པའི་སྐད་ཆ་བཤད་ཡོད་ཚུལ་འདུག
|
|||
|
2010.09.24
11:43:21
|
|||
|
ལ་དྭགས་ནས་ཡིན་པའི་བཀྲ་ཤིས་སྟོབས་རྒྱལ་ཞེས་པ་ཞིག་གིས་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་ལ་རྒྱབ་སྐྱོར་ཤུགས་ཆེ་བྱེད་བཞིན་པའི་རྣམ་པ་ཞིག་བཙན་བྱོལ་སྤྱི་ཚོགས་ནང་དངོས་སུ་མཐོང་རྒྱུ་ཡོད་པ་དང་། དེའི་རྒྱབ་ལྗོངས་ཀྱི་སྒྲུང་སྙན་པོ་རེ་ཡང་སྤྱི་ཚོགས་ནང་གོ་རྒྱུ་འདུག བཀྲ་ཤིས་སྟོབས་རྒྱལ་ཞེས་རྒྱ་རི་སྒྲོལ་མ་མཆོག་ལ་རྒྱབ་སྐྱོར་བྱེད་མཁན་དེ། རྩིས་ཞིབ་དྲུང་ཟུར་འཇིགས་མེད་འབྱུང་གནས་ལགས་ཀྱི་གྲོགས་པོ་དང་སྒེར་གྱི་འབྲེལ་བ་ཧ་ཅང་ཡག་པོ་ཡོད་པ་ཞིག་ཡིན་འདུག
|
|||
|
2010.09.13
08:29:46
|
|||
|
ཁ་སང་ངས་བོད་ཀྱི་དུས་བབ་ཀྱི་རྩོམ་སྒྲིག་པ་ལུང་རིགས་རྒྱལ་ཁེ་ན་ཌ་ནས་བོར་བརླགས་སུ་སོང་བའི་སྐོར་ཟིན་བྲིས་ཤིག་སྤེལ་བ་ཡིན་ཏེ་བསུབ་འདུག བསུབ་མཁན་དྲ་བདག་ཡིན་ངེས་པ་རེད། གཞན་བསུབ་ཐུབ་མཁན་སུ་གཅིག་ཡོད་པ་མ་རེད། དེར་བརྟེན་བོད་ཀྱི་བང་ཆེན་གྱི་ནང་དུ་ཟིན་བྲིས་པའི་སྨྲ་བརྗོད་རང་དབང་ལ་ཚད་བཀག་བྱེད་ཀྱི་འདུག རྩོམ་སྒྲིག་པ་སྤྱི་འཐུས་ཀྱི་མིང་ཁུར་མཁན་ཞིག་རེད་དེ་མང་གཙོའི་གོམས་གཤིས་ཟུར་ཙམ་ཡང་མེད་པ་དེ་ཧ་ཅང་བློ་ཕམ་གྱི་རང་བཞིན་ཞིག་ཏུ་གྱུར་མི་འདུག
|
|||
|
2009.07.24
23:39:10
|
|||
|
དྲ་གྲོགས་བཀྲ་ཤིས་འགྱུར་མེད་ལགས། ཁྱེད་ཀྱིས་དངོས་ཡོད་གནས་ཚུལ་དང་མི་མཐུན་པའི་སྐྱག་རྫུན་ཞིག་བཤད་འདུག་པ་དེ་ལ་གསལ་བཤད་ཅིག་མ་བྱས་ན། ཁྱེད་ལྟ་བུའི་དྲ་གྲོགས་མཐོང་རྒྱ་ཆུང་བ་རྣམས་མགོ་འཐོམ་རྒྱུའི་ཉེན་ཁ་འདུག ཁྱེད་ཀྱིས་ཧོར་སེར་ད་ར་ཁག་ལྔ་དང་། འབའ་ལི་རྒྱལ་གསུམ། རྒྱལ་རོང་ལྕགས་ལ་སོགས་ཁྲིམས་སྒོ་རང་བཙན་ག་འདྲ་བྱས་ནས་ཡིན། སིམ་ལའི་ཆིངས་ཡིག་གི་ནང་དུ་ཡུལ་དེ་ཚོའི་རྒྱ་སྡེའི་ཁོངས་ཡིན་པ་གསལ་པོ་བྱས་ནས་འཁོད་ཡོད་པ་རེད་ད། ཞེས་ཚིག་ཐག་ཆོད་པོས་བྲིས་འདུག་པས། དོན་དངོས་ཁྱེད་ཀྱིས་ཤིང་སྟག་སིམ་ལའི་ཆིངས་ཡིག་མཐོང་མྱོང་མེད་པ་གསལ་པོ་བསྟན་འདུག དེར་བརྟེན་ངས་དཀའ་ངལ་འཛེམས་མེད་ཐོག་གཤམ་དུ་ཤིང་སྟག་སིམ་ལའི་ཆིངས་ཡིག་དང་ཟུར་ཐོ་ཚང་མ་འདིར་བཀོད་ཡོད་པས་ཞིབ་ཏུ་བལྟས་ཏེ་གཞི་ནས་དགོངས་ཚུལ་གསུངས་རོགས། དེ་མིན་ཁུངས་མེད་ཀྱི་དཀྲོག་གཏམ་རིགས་ཉུང་ཙམ་སྤེལ་བའི་རེ་བའང་ཞུ་བཞིན་ཡོད།
|
|||
|
2009.07.23
05:21:55
|
|||
|
དགེ་འདུན་ཆོས་འཕེལ་གྱི་འདོད་པའི་བསྟན་བཅོས་ལས་ཟུར་འདོན་བྱས་པ་ཡུལ་སོ་སོའི་བུད་མེད་ཀྱི་སྤྱོད་པ་བཤད་པ། རྒྱ་གར་སྐད་དུ། ཀ་མ་ཤྰསྟྲ། བོད་སྐད་དུ། འདོད་པའི་བསྟན་བཅོས་ཞེས་བྱ་བ། སངས་རྒྱས་ལ་ཕྱག་འཚལ་ལོ། །བརྒྱད་དང་བརྒྱད་ཀྱི་མཐར་ལ་ཉེར་སོན་པའི། །མི་འགྱུར་རྡོ་རྗེ་དགའ་བའི་གློག་ཞགས་ཀྱིས། །བརྟན་གཡོའི་དངོས་པོ་གཅིག་ཏུ་བཟླུམ་མཛད་པ། །རང་བྱུང་ཕྱག་རྒྱ་ཆེན་པོས་ཁྱོད་ལ་སྲུངས། །དྲི་མེད་ནམ་མཁའི་མདོག་ཅན་ཡིད་འོང་སྐུ། །འཕོ་མེད་དགའ་བའི་དཔལ་ལ་རྟག་ཏུ་རོལ། །ཁ་བ་ཅན་གྱི་ཏི་སེ་གངས་ལ་བཞུགས། །དབང་ཕྱུག་ཆེན་པོའི་ཞབས་ལ་ཕྱག་འཚལ་ལོ། །མཛེས་པའི་ཞལ་རས་ཉ་གང་ཟླ་བའི་མདངས། །འཛུམ་པའི་ཚེམས་དཀར་མུ་ཏིག་ཕྲེང་བའི་སྤུན། །རྒྱས་པའི་ནུ་འབུར་དུང་གི་བུམ་པའི་གཟུགས། །ལྷ་མོ་གོོ་རིའི་ཞབས་ལ་བདག་ཕྱག་འཚལ། །འདོད་པའི་ཁམས་འདི་ནི་འདོད་ཆགས་ས་པ་སྟེ། །སྐྱེ་བོ་ཐམས་ཅད་འདོད་པ་དོན་དུ་གཉེར། །འདོད་པའི་ལོངས་སྐྱོད་ཀུན་གྱི་ཕུལ་བྱུང་བ། །ཕོ་མོ་གཉིས་སྦྱོར་འདོད་པའི་བདེ་བ་ཉིད། །བུད་མེད་མི་འདོད་སྐྱེས་པ་སུ་ཞིག་མཆིས། །སྐྱེས་པ་མི་འདོད་བུད་མེད་སུ་ཞིག་ཡོད། །ཕྱི་རོལ་བརྫུ་ཡི་ཁྱད་པར་མ་གཏོགས་པ། །ཐམས་ཅད་ཀུན་ཀྱང་འདི་ལ་དགའ་བར་ངེས། །
|
|||
|
བསོད་ནམས་ཚེ་རིང་།
