དེང་སང་བོད་ཡིག་ཡར་རྒྱས་ཀྱི་ཆེད་དུ་དམིགས་ནས་དབྱིན་རྒྱའི་ཚིག་མང་པོ་བོད་སྐད་ནང་གསར་གཏོད་བྱེད་བཞིན་པ་དེ་ཡར་འཐོན་དང་དགའ་འོས་པའི་གནས་སྟངས་ཤིག་ཡིན་ནའང་།  སྤེན་ཁྱི་སྤེན་སྐད་ཀྱི་དཔེ་ལྟར་རིགས་འགྲེལ་གྱིས་ཕུང་གི་འདུག་པ་དཔེར་ན།

 དེང་སང་ཡ་ཧོ་མེ་སེན་ཇར་yahoo messenger ལ་ཨེ་མ་ཕོ་ཉ་དང་ཊེ་ཝི་ཊར་twitter ལ་འཕྲུལ་སྒྲ་དང་ཧོཊ་མེལ་hotmail ལ་འཁོལ་འཕྲིན་ཟེར་བ་ལྟ་བུ་རེད།  ཡ་ཧོ་དང་ཊེ་ཝི་ཊར་སོགས་ལ་ཨེ་མ་དང་འཕྲུལ་སྒྲ་ཟེར་མཁན་དེ་འདྲ་བཏགས་པ་དེས་མི་རིགས་དང་སྐད་ཡིག་ལ་ཕན་ཐོགས་བྱས་པ་མིན་པར་སོ་སོའི་མི་རིགས་ཀྱི་སྐད་ཡིག་ལྐུགས་པ་བཟོས་པའི་བགྲངས་སུ་མི་འགྲོ་བའི་ངེས་པ་མེད།  འཛམ་གླིང་སྤྱིའི་འགྲོ་སྟངས་དང་མི་མཐུན་པར་ཡ་ཧོ་ལ་ཨེ་མ་ཟེར་བ་དེ་འདྲ་ལབ་བསྡད་ན་ཕྱིས་སུ་བོད་མི་ཞིག་གིས་ཡ་ཧོ་བེད་སྤྱོད་གཏོང་གིན་གཏོང་གིན་ཕྱི་རྒྱལ་བ་ཞིག་གིས་ཡ་ཧོ་ཁ་བྱང་ཡོད་པས་ཟེར་ན་ཧང་སངས་ནས་"མེད། ངས་ཨེ་མ་བེད་སྤྱོད་བྱེད་ཀྱི་ཡོད་"ལབ་རྒྱུའི་ཉེན་ཁ་ཡང་ཡོད། ལར་ན་དབྱིན་ཡིག་གི་མིང་ཚིག་ཚང་མ་བོད་སྐད་དུ་བསྒྱུར་ཐུབ་ཀྱི་འདུག་བསམས་ནས་བསྒྱུར་བསྡད་པ་ཡིན་ན། རྗེས་མ་མིའི་མིང་ཊེ་གྷར་ཝུཌ་tiger wood ལ་སྟག་གི་ཤིང་ཟེར་བ་དང་།  ཧོ་ལི་ཝུཌ་hollywoodལ་རྟག་སྔོན་གྱི་ཤིང་ཟེར་བ་དང་། ཕེ་རི་མན་freemanལ་རང་བཙན་མི་ཟེར་བ་ལྟ་བུ་དང་། ཀ་ཇོལ་kajol ལ་མིག་སྨན་ཟེར་བ་འདྲ་མ་ལབ་པའི་ངེས་པ་མི་འདུག་པས།  རྗེས་མ་འཛམ་གླིང་ནང་གི་མིའི་མིང་དེ་ཚོ་ཡང་ཧ་མི་གོ་བ་ཆགས་ཡོང་ཉེན་མེད་པ་རེད་མི་འདུག

འོ་ན་སྔོན་མ་རྒྱ་གར་གྱི་པཎ་གྲུབ་ནཱ་ག་ཇུ་ན་ལ་མགོན་པོ་ཀླུ་གྲུབ་དང་ཨརྱ་དེ་བ་ལ་འཕགས་པ་ལྷ་ཞེས་པ་ལྟ་བུ་བསྒྱུར་འདུག་པ་དེ་ཇི་ལྟར་ཡིན་ཞེ་ན།  དེ་ནི་མཁས་པ་དེ་དག་བོད་ལ་གྲགས་ཆེ་ཞིང་། ལྷག་པར་དེ་དང་དེའི་གཞུང་བོད་དུ་ཚང་བར་བསྒྱུར་དགོས་པས་དང་། ཁྱད་པར་དུ་མཁས་པ་དེ་དག་ལ་བོད་རང་གི་མིང་རེ་བཏགས་ལ་ཡིད་ལ་འཐད་ཅིང་བློ་ཐག་ཉེ་བ་དང་། དད་པ་སྐྱེ་བདེ་བའི་ཆེད་དུ་ཡིན་ནམ་སྙམ།  དེ་ལྟར་མ་ཡིན་ན། ན་ལེནྜ་དང་བྲི་ཀརྨ་ལ་ཤི་ལ་ཆོས་སྡེའི་མིང་དེ་ཚོ་ཡང་བོད་སྐད་དུ་བསྒྱུར་དགོས་པ་ལས་བསྒྱུར་ཡོད་ལུགས་མི་འདུག་པས་དཔྱད་པ་རེ་མཛོད།།

བྱང་བུ།:

སྐྱ་རེངས་དྲ་ཚིགས་གསར་པ།

དྲ་ཚིགས་འདི་ནང་སྐྱ་རེངས་བོད་ཀྱི་ན་གཞོན་བརྙན་དེབ་གསུམ་པ་ཕབ་ལེན་བྱ་ས་དང་། མི་སྣ་ཕན་ཚུན་ངོ་འཇལ་གྱིས་བགྲོ་གླེང་(video chat)ཞུ་ས་ཡང་ཡོད།

བོད་ཀྱི་རིགས་གཞུང་ལ་གཅེས་སྤྲས་ལྡན་པའི་ཟླ་མེད་གྲོགས་པོ་རྣམ་པ་ཡོང་ལ།

ཟླ་ཤས་རིང་གྷོ་གྷོལ་གྱི་དྲ་ཚིགས་ལ་འགྱུར་བ་བཏང་པའི་སྟོབས་ཀྱིས་ང་ཚོའི་སྐྱ་རེངས་བརྙན་དེབ་གཟིགས་སའི་དྲ་ཚིགས་འཐོར་ཏེ་རེ་ཞིག་གཟིགས་བདེ་པོ་མེད་པ་ཆགས་སོང་བས་དགོངས་འགལ་མེད་པ་ཞུ་རྒྱུ་ཡིན། ད་ལན་ཡང་འདི་ནས་ www.kyareng.com སྐྱ་རེངས་དྲ་ཚིགས་གསར་པ་ཞིག་སྒོ་ཕྱེ་ཡོད་པས་རྣམ་པ་ཚོའི་ཕྱག་གྲུ་མཉམ་འདེགས་ཀྱིས་ཕྱག་རོགས་གནང་སྐྱོང་ཡོད་པ་འཚལ།

དྲ་ཚིག་འདིའི་དམིགས་ཡུལ་ནི། འདི་ནས་འགྲེམས་སྤེལ་ཞུས་མི་ཐུབ་པའི་ས་གནས་ཚོར་སྐྱ་རེངས་དུས་དེབ་བདེ་བླག་གཟིགས་ཐུབ་པ་དང་། དྲ་ཚིགས་ཀྱི་ལམ་ནས་ནང་ཆོས་གཙོ་གྱུར་གྱི་ཤེས་ཡོན་ཡར་རྒྱས་གཏོང་རྒྱུ་དེ་ཡིན།

དེ་འདྲ་ཡིན་པར་སོང་ད་ནས་   This e-mail address is being protected from spambots, you need JavaScript enabled to view it  ཞེས་པའི་གློག་འཕྲིན་ཐོག་གསར་གྱུར་དང་རྒྱུན་ཤེས། ནང་ཆོས་ངོ་སྤྲོད། ཚན་རིག དེ་མིན་རང་འདོད་ཀྱི་བསམ་འཆར་སོགས་གང་མང་གནང་སྐྱོང་ཡོང་བ་ཞུ། འདི་ནས་རྩོམ་ཡིག་ལ་གཞིགས་ཏེ་སྐྱ་རེངས་དྲ་ཚིགས་ཀྱི་མདུན་ངོས་དང་ཟིན་བྲིས་སུ་རིམ་པས་འགོད་ཐབས་ཞུ་རྒྱུ་ཡིན།

སྐྱ་རེངས་བོད་ཀྱི་ན་གཞོན་བརྙན་དེབ་ཁང་ནས།

ད་ལྟ་རང་འདིར་གནོན་ནས་དྲ་ཚིགས་གསར་པར་ཕེབས་དང་།

བྱང་བུ།:

ཀ་དག་སྟོང་པའི་རང་བཞིན་དབེན་པའི་རྟེན་འབྱུང་ཟབ་མོའི་མངལ་བཟང་ལས།
ཁ་དར་དཀར་པོས་རང་བཤིས་མཚོན་པའི་སྙིང་རྗེའི་བདུད་རྩི་སྲུབ་པ་ལས།
ག་དུས་ཡིན་ཡང་གདུལ་བྱའི་དོན་དུ་དབུགས་ཀྱི་རྒྱུ་བ་ཡན་འབུངས་པའི།
ང་རྒྱལ་རྒྱགས་པའི་ཁེངས་པ་བསྙིལ་པའི་འགྲོ་འདྲེན་གང་དེར་རྗེས་ཡིད་རངས།

བྱང་བུ།:

དགོས་འདོད་ནོར་བུའི་འོད་ཀྱིས་ལྷ་ལམ་འགེངས།།

འགེངས་མེད་སྨྱུ་གུ་སྟོང་པས་མཛུབ་རྩེ་ནས།།

ནས་འབྲུ་ཐང་ལ་གཏོར་འདྲའི་དོ་ཟླ་རུ།།

རུ་ངར་ཤོག་བུ་ཁྲ་ཁྲ་འདི་ལྟར་བཟོས།།

བྱང་བུ།:

གཟའ་འཁོར་སྔོན་མའི་གཟའ་ཉི་མ་ནས་བཟུང་ད་བར་མོན་གྷོ་གཞིས་ཆགས་སུ་ཆར་པ་རྒྱུན་ཆད་མེད་པར་བརྒྱབ་པ་ལས་ད་ཆ་སོ་ནམ་པ་ཚོའི་འབྲས་ཞིང་ལ་གནོད་སྐྱོན་ཆེན་པོ་ཕོག་ཡོད་ཚོད་འདུག སྤྱིར་བཏང་བྱས་ན་དུས་རྒྱུན་དང་མི་འདྲ་བར་ལོ་འདིར་འབྲས་རྣམས་ཧ་ཅང་ཡག་པོ་སྐྱེས་ཡོད་ཀྱང་ད་ལྟའི་ཆར་ཞོད་ཀྱིས་འབྲས་ཕལ་མོ་ཆེ་ས་སྟེང་དུ་བསྙིལ་ཡོད། ད་དུང་མུ་མཐུད་ཆར་པ་དེ་འདྲ་བཏང་ན་རིང་མིན་འབྲས་རྣམས་རུལ་འགྲོ་ཡག་གི་ཉེན་ཁ་ཆེན་པོ་ཡོད་འདུག།

བྱང་བུ།:

དགེ༵་ལེགས་ཡོན་ཏན་བྱེ་བ་འབུམ་གྱིས་བལྟམས།

ལུ༵གས་བཟང་འཛིན་མཁས་བློ་གསལ་འདུས་པའི་སྡེ།

རྒྱུ༵གས་ཀྱི་རྣམ་དཀར་ཐོས་བསམ་བགྱིས་པའི་དཔལ།

སྤྲོ༵ད་པའི་ངོ་མཚར་བྱ་བ་འཛམ་གླིང་རྒྱན།

བྱང་བུ།:

ད་རིང་ཞོགས་པ་ང་རང་རང་ཤག་གི་ལྒེ་ཁུང་ནས་བལྟ་སྐབས་ཨམ་སྡོང་གི་སྟེང་དུ་ཁྭ་ཏས་ ཕྲུག་གུ་བཞག་ཡོད་པའི་ཚོར་གནང་བྱུང་། འོན་ཀྱང་ཡ་མཚན་པ་ཞིག་ལ་བྱ་ཕྲུག་གི་སྐད་དེ་ནམ་རྒྱུན་གྱི་ཁྭ་ཏའི་ཕྲུག་གུ་དེ་ ཚོའི་སྐད་དང་གཏན་ནས་མི་འདྲ་བ་འདུག དེས་ན། ང་རང་དོགས་པ་ཟ་ནས་ཁང་པའི་ཐོག་ཀར་ཕྱིན་ནས་ཡག་པོ་བལྟས་པས་ཨམ་ཤིང་གི་སྟེང་རྒྱ་གར་གྱི་ཁུ་བྱུག་སྟེ་cuckooཀུ་ཀུའམ་རྒྱ་གར་སྐད་དུ་ཀོ་ཡལ་koel or koyalཞེས་པའི་བྱ་གཉིས་འདུག ངོས་ཀྱི་བསམ་པར། ཡ་་་ཨམ་ཤིང་སྟེང་ཁུ་བྱུག་གིས་ཕྲུག་གུ་བཞག་འདུག་བསམ་པའི་མོས་ལ་བྱ་ཁྭ་ཏ་ཞིག་དེར་ཡོང་ནས་དེ་གཉིས་ལ་ཁ་ལག་སྤྲད་སོང་།

བྱང་བུ།:

མོན་གྷོ་གཞིས་ཆགས་ནང་ཕག་པ།

ཁ་སང་༸གོང་ས་མཆོག་གི་འཁྲུངས་སྐད་ཉིན་ང་རང་མོན་གྷོ་ས་གནས་ཀྱི་མི་མང་ཚོས་དུས་རྒྱུན་བསངས་གསོལ་བྱེད་སའི་ནོར་བུ་རིར་བསངས་སྲོལ་ལ་ཕྱིན་ནས་ཚུར་ལོག་ཡང་སྐབས། ལམ་ཟུར་གྱི་མི་ཚོའི་སྐད་ཆའི་ནང་དེང་སང་གཞིས་གྲོང་གསུམ་པའི་གསེང་ལམ་དུ་ཕག་པ་ཁ་ཤས་འདུག་ཟེ་ལབ་གྱི་འདུག

བྱང་བུ།:

གྲོགས་པོ་ཞིག་གིས་བོད་ནས་ང་ལ་གློག་འཕྲིན་ཞིག་བརྒྱུད་ནས་གཤམ་གྱི་རྨུ་ཐག་དུས་དེབ་ཕབ་ལེན་བྱ་སའི་དྲ་རྒྱའི་ཁ་བྱང་གནང་འདུག་ཅིང་། ཁོང་གི་བཙན་བྱོལ་དུ་ཡོད་པའི་སྤུན་ཟླ་ཚོས་དུས་དེབ་ལ་གཟིགས་ཐུབ་པའི་རེ་བ་གནང་འདུག།དེའི་ཕྱིར་ངོས་ནས་རྨུ་ཐག་དུས་དེབ་ཀྱི་ངོ་སྤྲོད་དང་དྲ་ཚིགས་ཁ་བྱང་འདིར་བཤུས་པ་ཡིན།http://tbmuthak.googlepages.com

བྱང་བུ།:

གྲོགས་པོ་ལགས།

སྐྱ་རེངས་དྲ་རྒྱ་www.kyareng.comཟེར་བ་དང་ཟིན་བྲིས་http://kyareng.blogspot.com/ཟེར་བ་ཞིག་སྐྲུན་འདུག་ཞིང་དེར་གང་མང་མང་ཕེབས་རོགས་གསུངས་ཀྱི་འདུག་ག།

གལ་ཏེ་རྣམ་པ་ཚོར་དྲ་ཚིགས་དེ་འདྲ་ངོ་སྤྲོད་གནང་ཡག་ཡོད་ན་གཤམ་དུ་གསུངས་རོགས།  རང་སྒེར་དྲ་ཚིགས་ཡིན་ནའང་ཡག་པོ་ཡོད་ས་རེད།

བྱང་བུ།:

ཀ་ལི་ཀ་ཏ་བལ་ཡུལ་པེ་ཅིང་དང༌།།

ཁ་བ་ཅན་གྱི་གྲོང་ཁྱེར་ལྷ་ས་སོགས།

ག་ས་གང་དུ་ཡོད་པའི་མི་འདི་རྣམས།།

ང་ཡིས་བལྟས་ན་རང་བཞིན་གཅིག་པར་མཐོང༌།།

བྱང་བུ།:

སྐྱ་རེངས་བོད་ཀྱི་ན་གཞོན་བརྙན་དེབ་འདོན་ཐེངས་གསུམ་པ་དེ་རིང་འདོན་སྤེལ་བྱས་ཟིན་ཅིང༌། བརྙན་དེབ་ནང་ཤོག་ངོས་བརྒྱད་ཅུ་དང་པར་རིས་སོགས་ཡོད་ལ། དཀར་ཆག་ནང་ནང་ཆོས་ངོ་སྤྲོད་སོགས་

སྡེ་ཚན་མི་འདྲ་བ་༢༢བཅས་ཡོད། དེབ་རེར་དགོས་མཁོ་དང་བསྟུན་ནས་ཧིན་སྒོར་༣༥་བྱས་ཏེ་བླུགས་ཡོན་དུ་ཕུལ་གྱི་ཡོད་ཅིང་གལ་ཏེ་དུས་དེབ་ཐོག་ཉིད་ཀྱི་རྩོམ་ཡིག་འཁོད་ཡོད་ན་རིན་མེད་དུ་འབུལ་ ལམ་ཞུ་གི་ཡོད།སྐྱ་རེངས་བོད་ཀྱི་ན་གཞོན་བརྙན་དེབ་འདོན་ཐེངས་བཞི་པ་ནི་འདི་ལོའི་ལོ་མཇུག་ཏུ་ འདོར་འཆར་ཡིན་ན་རྩོམ་པ་པོ་རྣམས་ཀྱིས་རིངས་པར་རྩོམ་ཡིག་གི་ཞལ་འདེབས་གནང་རྒྱུ་ཡང་མི་བརྗེད་པ་མཁྱེན། www.kyareng.com ནས་བཤུས།

བྱང་བུ།:

ཀ་ཡེ་ཉོན་དང་དྲ་གྲོགས་རྣམ་པ་ལ།།
ཁ་ཐུག་ང་ཡི་བསམ་འཆར་ཞུ་ཡག་ལ།།
ག་དུས་ཡིན་ཡང་དྲ་ཚིག་འདི་ཡི་ནང་།།
ང་ཞེས་ཕྱོགས་ལྷུང་བརྡ་འཕྲིན་མ་སྤེལ་རོགས།།

ཅ་ཅོའི་ཚིག་ངན་དོན་མེད་འདིར་བསྒྲགས་ན།།
ཆ་བཞག་མི་སྣའི་རྩོམ་ཡིག་སྤེལ་མཁན་ཉུང་།།
ཇ་ཁང་ལྟ་བུའི་ཁ་མཚར་ཤོས་མཁན་ཡང་།།
ཉ་མོ་བཞིན་དུ་ཆུ་བོ་བཟང་སར་བསྐྱོད།།

བྱང་བུ།:

བང་ཆེན་དྲ་རྒྱ་འཆར་འགོད་པའམ་སྟངས་འཛིན་པ་ལ་ཆེད་ཞུ།

ཁྱེད་རྣམ་པས་བང་ཆེན་དྲ་རྒྱ་ཡར་རྒྱས་བཏང་བར་དགའ་བསུ་ཐོབ་པ་འདུག །འོན་ཀྱང་ཁོ་བོས་སྐྱོན་ཆེན་པོ་གཉིས་མཐོང་བ་གསལ་པོར་ཞུས་ན།

༡ དྲ་རྒྱ་དེར་དོ་བདག་གི་གློག་འཕྲིན་ཁ་བྱང་དང་མིང་བླུགས་པ་ཙམ་གྱིས་ཁོའི་མིང་ཐོག་ནས་ཟིན་བྲིས་འགོད་ཐུབ་པ་དེ་ནི་ཤིན་ཏུ་ནོར་འཁྲུལ་རེད་ཤག 

༢ ཟིན་བྲིས་བརྒྱབ་པའི་ཡི་གེ་དེ་ཚོ་ཆུང་དྲགས་ནས་མིག་ལོང་གྲབས་བྱེད་ཀྱི་འདུག

བྱང་བུ།:

དབུགས་རྟ་རྔ་ཙམ།

བདེ་སྐྱིད་དང་ཉི་འོད་ཀྱིས་དབེན་ཞིང་།

མེ་རླབས་དང་དངངས་སྐྲག་གི་འཚོ་བའི།

ང་རང་ཚོ།

དབུགས་རྟ་རྔ་ཙམ།

བདེ་སྐྱིད་ཀྱི་དོན་དུ་བྱིན་ཡ།

རང་དབང་དང་ཞུ་མར་གྱིས་དབེན་ཞིང་།

འདྲེ་ཤིག་དང་དུག་སྦྲང་གི་འཚོ་བའི།

ང་རང་ཚོ།

དབུགས་རྟ་རྔ་ཙམ།

རང་དབང་གི་དོན་དུ་བྱིན་ཡ།

ཤེས་ཡོན་དང་རང་སྐྱོང་གི་གོ་སྐབས་དབེན་ཞིང་།

གཉའ་གནོན་དང་ཚེ་གཡོག་གི་མི་ཚེ་འཚོ་བའི།

ང་ཚོ་བོད་པ་ཚོ།

དབུགས་རྟ་རྔ་ཙམ་ལས་མེད་ཀྱང་།

མི་རིགས་དང་རང་དབང་གི་དོན་དུ་བྱིན་དགོས་ཡ།

བྱང་བུ།:

ངེད་ཅག་བོད་མི་ཚོས་ཁ་ནས་བོད་ཡོངས་རྫོགས་རང་དབང་ལེན་གྱི་ཡིན་རྗོད་ཀྱི་ཡོད་ཀྱང་།  ངོ་ཐོག་པཎ་ཆེན་ཆུང་སྲིད་གཅིག་པུའི་རང་དབང་ཡང་་ལེན་ཐུབ་ཀྱི་མེད་པ་ཡིན།

བྱང་བུ།:

ཁ་བཤད་ཁ་རི་ཁ་ཐུག
༡
ཁ་རི་ཁ་ཐུག་ཞུ་ཡག་ལ།
ཁ་སང་དེ་རིང་སྤྱི་ཚོགས་འདིར།།
ཁ་ཡ་དྲ་གྲོགས་རྣམ་པ་ཚོ།།
ཁ་ཤགས་ཡིན་ནམ་ཁ་གསག་ཡིན།།
ཁ་ཚོན་གཅོད་པར་མི་ནུས་པའི།།
ཁ་ཁྲལ་དེ་ལྟར་རྒྱུགས་པ་ལས།།
ཁ་རོག་བསྡད་ན་ཅིས་མི་བཟང་།།

༢
ཁ་བཤད་ཅི་སྟེ་བྱེད་འདོད་ན།
ཁ་ནས་གང་འཐོན་འདིར་བྲིས་ནས།
ཁ་རྩོད་དེ་འདྲ་གནང་བ་ལས།
ཁ་ཚ་དགོས་ཐུག་གནས་དོན་དག།
ཁ་ཞེ་གཉིས་མེད་ཕན་སེམས་ཀྱིས།
ཁ་ལབ་ཚུལ་དུ་སྤེལ་ན་བཟང་།

༣
ཁ་རལ་ཚིགས་བཅད་འཐོར་དཀྱོག་འདི།
ཁ་ཐུག་སུ་ལ་ཕོག་འགྱུར་ནའང་།
ཁ་སྐྱེངས་མཛད་ནས་མ་ཞུགས་པར།
ཁ་ལན་ཏོག་ཙམ་གསུངས་གནང་དང་།

ཐུགས་མ་ཆུང་། ཀུ་རེ་ཡིན།

བྱང་བུ།:

ལེགས་བཤད་རྒྱ་མཚོ་ཧུབ་ཀྱིས་འཐུང་པ་ཡི།།

ལེགས་འབྱེད་བློ་གསལ་མཁས་པའི་མདུན་ས་རུ།།

ལེགས་བཟང་རྟེན་འབྲེལ་བཟང་བཟང་ཚུལ་དུ་ནི།།

ལེགས་ཉེས་ཚུལ་བྲལ་སྙན་ངག་གང་འདོད་བྲིས།།

བྱང་བུ།:

ཀ་ཁ་མ་སྦྱོང་བྱིས་པ་དེ་ཚོ།།

ཁ་ནས་ཨེ་བི་སི་ཌི་གསུངས་དང༌།།

ག་རུ་ཕྱིན་ཀྱང་དབྱིན་ཇི་མ་གཏོགས།།

ང་ཚོའི་བོད་ཡིག་བེད་སྤྱོད་མི་འདུག།

བྱང་བུ།: