Tibet Express

2009.05.09 21:02:28

གསེར་རྟ་ཚུལ་ཁྲིམས།

གསར་དུ་དྲ་བར་ཕེབས་པའི་སྐུ་མགྲོན་ yeshi thinleyy ལགས་ཀྱིས་གཙོས་གསར་ཞུགས་སྐུ་མགྲོན་ཡོངས་ལ་བཀྲ་ཤིས་བདེ་ལེགས་ཞུ་རྒྱུ་དང༌།  ཐོག་མ་ཐོ་འགོད་བྱེད་པའི་སྐབས་དང༌། གལ་སྲིད་ཐོ་འགོད་བྱས་ཟིན་ཀྱང༌། ཁྱེད་ཀྱི་མིང་དེ་བོད་ཡིག་བཀོལ་སྤྱོད་བྱེད་འདོད་ན། བསྐྱར་དུ་ཐོ་འགོད་བྱེད་དགོས།

དང་པོ། ཐོག་མ་ནང་འཛུལ་བྱེད་ཡུལ་དུ་སོང་ན། དེའི་གཤམ་དུ་གདམ་ག་གསུམ་ཡོད་པའི་གསུམ་པ་ཐོ་འགོད་ཅེས་པ་དེའི་ཐོག་ཏུ་གནོན་དགོས་ལ། དེ་ལྟར་མནན་པའི་རྗེས་སུ་ཐོ་འགོད་བྱེད་ཡུལ་ཆ་ཚང་ཤར་ཡོང༌། སྐབས་དེར་མིང་དང༌། སྤྱོད་མིང་གཉིས་ཀ་བོད་ཡིག་གིས་བྲིས་ན། རྗེས་སུ་རང་ཉིད་ཀྱི་མིང་བོད་ཡིག་གི་ཐོག་ནས་འཆར་ཐུབ་པ་མ་ཟད། དུས་རྒྱུན་ནང་འཛུལ་བྱེད་པའི་སྐབས་ཀྱང་སྤྱོད་མིང་བོད་ཡིག་རང་གིས་འབྲི་ཐུབ།

གཉིས་པ། ཟིན་བྲིས་སུ་ཁྱེད་ཀྱི་འདྲ་པར་འཇོག་འདོད་ན་དྲ་བའི་གཡས་ཟུར་དང༌། རང་ཉིད་ཀྱི་ལག་གཡོན་ཕྱོགས་སུ་ཡོད་པའི་ཟིན་བྲིས་ཞེས་པའི་མགོ་བརྗོད་འོག་ཏུ་ཡོད་པའི་ནང་གསེས་ཨང་གསུམ་པ། ངོ་སྤྲོད་བཅོས་སྒྲིག་ཅེས་པ་དེའི་ཐོག་ཏུ་གནོན་དགོས་པ་དང༌། དེ་ནས་ངོ་སྤྲོད་བཟོ་བཅོས་ཞེས་པ་ཞིག་མཐོང་ཐུབ། དེའི་ཐོག་མནན་ན་སྐོར་དང༌། ངོ་སྤྲོད་བཟོ་བཅོས། འདྲ་པར་ཞེས་ཚན་པ་གསུམ་མཐོང་ཐུབ། འདྲ་པར་ཞེས་པའི་ཐོག་མནན་ན་འདྲ་པར་ཡར་འཇུག་བྱེད་ས་སླེབས་ཡོང་བ་དང༌། རང་ཉིད་ཀྱིས་འདྲ་པར་གང་འགོད་དགོས་པ་དེ་བདམ་ནས་ཡར་འཇུག་བྱེད་དགོས་པ་དང༌། དེའི་རྗེས་སུ་གཤམ་གྱི་གསོག་ཉར་ཞེས་པ་དེར་མནན་ན་འདྲ་པར་བཀོད་ཟིན་པ་ཡིན།

གསལ་བཤད། དམར་རྟགས་བརྒྱབ་པ་རྣམས་རེ་རེ་བཞིན་གོ་རིམ་མ་འཆོལ་བར་སོང་ན་མིང་བོད་ཡིག་གིས་འབྲི་བ་དང༌། འདྲ་པར་འགོད་རྒྱུའི་དཀའ་ངལ་དེ་ཡོངས་སུ་སེལ་ཐུབ།

བདག་གཞན་འདྲ་མཉམ།