03:03:49
མངའ་རི་དང་མདོ་སྟོད་ཚོགས་པ་གཉིས་ལ་རེ་བ་བྱེད་རིན་ཆོག་འདུག། དེ་བས་མངའ་རི་སྤྱི་མཐུན་ཚོགས་པ་ནི་ད་བར་དྲང་བདེན་ཀྱི་ལམ་དུ་འགྲོ་མཁན་ཚོགས་པ་ཅིག་པུ་དེ་རེད་ཟེར་ཆོག། དཔེ་ན་མཁས་དབང་ཟམ་གདོང་རིན་པོ་ཆེ་མཆོག་བཀའ་ཁྲིར་རྒྱབ་སྐྱོར་གཙོ་བོ་གནང་མཁན་ཚོགས་པ་དེ་རེད་ལ་འདི་ལོར་ཡང་ཆོལ་ཁའི་ཤ་ཞེན་དགོས་ཟེར་བའི་ཆ་ཅན་མེད་པར་བཀའ་སྤྱིའི་འོས་མིར་སྟོན་མཁན་ཚོགས་པ་དེ་ཡང་རེད། རྩ་བས་མདོ་སྨད་རྒྱུན་ལས་ནས་བྱེད་སྟངས་མ་འགྲིག་པ་ཅིག་མཐོང་མ་སོང་ཡང་བཀའ་ཁྲི་ཐོག་མདོ་སྨད་ལ་ནུས་ཤུགས་དེ་ཙམ་མེད་པ་གསལ་པོ་རེད། དེས་ན་བཀའ་ཁྲིར་འོས་འདེབས་ཐད་ནུས་པ་ལྡན་པའི་ཚོགས་པ་གསུམ་ཡོད་པ་མཐོང་བ་ནི་དབུས་གཙང་དང་མངའ་རི། མདོ་སྟོད་ཆུ་བཞི་སྒང་དྲུག་གསུམ་ཡིན་། དེ་ཡང་དབུས་གཙང་རྒྱུན་ལས་ཀྱི་བྱེད་སྟངས་ནི་ཁ་གསལ་རེད་འདུག་ཀྱང་དེས་གྲུབ་འབྲས་ལ་རེ་བ་བྱེད་ན་བོད་མི་རྣམས་བཙན་བྱོལ་དུ་ཡོན་རིང་གནས་ཐབས་བྲེལ་བ་དང་བོད་རང་བཙན་ཡིན་པའི་ལོ་རྒྱུས་ནག་སྲུབ་བྱེད་དགོས་པ་ལྟ་བུ་མཐོང་།
དེས་ན་བཙན་བྱོལ་བོད་མའི་སྤྱི་ཚོགས་ཀྱི་བདེ་སྡུག་འོས་འགན་ཆེ་ལ་ནུས་པ་ལྡན་པའི་ཚོགས་པ་སྐྱེད་སྡུག་ཐམས་ཅད་ནས་ངའི་རེ་བ་ཆེ་བའི་ཚོགས་པ་གཉིས་ནི་མངའ་རི་སྤྱི་མཐུན་ཚོགས་པ་དང་མདོ་སྟོད་ཆུ་བཞི་སྒང་དྲུག་གཉིས་ཡིན། དྲ་གྲོགས་ཚོས་ཕྱོགས་ཞེན་མེད་པར་དྲང་བདེན་ཐོག་བཀའ་ཁྲི་འོས་འདེབས་བྱེད་ཕྱོགས་རང་གི་ཐོག་དགོངས་ཚུལ་གང་ཡིན་ཐད་ཀ་འགྲེལ་བརྗོད་གནང་ན་དགའ་བསུ་དང་གསལ་བཤད་དགོས་རིགས་ལ་ཐད་ཀ་ལན་ཕུལ་ཆོག་པ་གྱིས།
གཤམ་ཏུ་མངའ་རི་དང་མདོ་ཆུ་བཞི་སྒང་དྲུག་རྒྱུན་ལས་གཉིས་ཀྱི་སྟོན་པའི་བཀའ་ཁྲི་འོས་མིར་གཟིགས་རོགས།
མངའ་རིས་སྤྱི་མཐུན་ཚོགས་པས་བཀའ་ཁྲིའི་འོས་མིག་ས་བོན་ལྔ་ནི་བོད་གཞུང་བཀའ་དྲུང་མི་འགྱུར་རྡོ་རྗེ་དང་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ། བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ། མཁས་དབང་བློ་བཟང་སེང་གེ སྐུ་སྒེར་དྲུང་ཆེ་རྔ་པ་ཚེ་རྒྱམ་བཅས་རེད།
མདོ་ཁམས་ཆུ་བཞི་སྒང་དྲུག་གིས་སྐབས་བཅུ་གསུམ་པའི་བཀའ་བློན་ཁྲི་པའི་འོས་གཞི་གསུམ་བཏོན་ཡོད་པའི་ནང་། བཙན་བྱོལ་བོད་གཞུང་གི་དྲུང་ཆེ་གོ་འཇོ་འཁོར་ལྷ་ཚང་བསོད་ནམས་སྟོབས་རྒྱལ་མཆོག་དང་། སྐུ་སྒེར་དྲུང་ཆེ་ཟུར་པ་རྣམ་སྤེལ་ཚང་བློ་བཟང་སྦྱིན་པ། སྐུ་སྒེར་དྲུང་ཆེ་རྔ་པ་ཚེ་རྒྱམ་
 |
|