05:23:46
མཛའ་ཞིང་བརྩེ་བའི་དྲ་གྲོགས་རྣམ་པ། ཟླ་ཤས་སྔོན་ནས་བཙན་བྱོལ་ཁྲོད་ཀྱི་གཞས་པ་གྲགས་ཅན་ཚེ་རིང་འགྱུར་མེད་སོགས་ཀྱིས་ང་ཚོ་མཉམ་དུ་ཡོད་ཅེས་པའི་གཞས་ཤིག་བཏང་འདུག གཞས་ཚིག་འབྲི་མཁན་དགའ་སྤག་བློ་བཟང་རྡོ་རྗེ་ཟེར་མཁན་དེ་རེད་འདུག གཞས་ཚིག་དེའི་ནང་དུ། ཨེ་མ། ཡིད་རེ་སྐྱོ་ཞེས་པ་ཞིག་འདུག
ནམ་རྒྱུན་སྤྱིར་བཏང་ཨེ་མ་ཞེས་པ་ནི། སྤྱིར་བཏང་ངོ་མཚར་བ་ཙམ་མིན་པར་མིག་ལ་གཟུགས་མཛེས་པོ་སྣང་བ་དང༌། སེམས་ལ་དགའ་བའི་ཚོར་བ་ཤུགས་ཆེན་པོ་བྱུང་སྐབས་བེད་སྤྱོད་བྱེད་པའི་ཚིག་ཅིག་ཡིན་པར་བསམ། ཡིད་སྐྱོ་བ་དང་སེམས་སྡུག་པ། དངངས་སྐྲག་བྱུང་བ་བཅས་ཀྱི་སྐབས་སུ་ཀྱེ་མ། ཡིད་རེ་སྐྱོ། ཀྱེ་མ། ཀྱེ་ཧུད། སྲོག་སྐྱོབ་རོགས་ཞེས་པ་ལྟ་བུ། ཀྱེ་མ་ཞེས་པ་མྱ་ངན་མཚོན་བྱེད་ཀྱི་ཚིག་ཅིག་ཡིན་པ་ལས། ཀྱེ་མ། དགའ་བ་ལ་ལྟ་བུའི་ཚིག་བེད་སྤྱོད་གཏོང་སྲོལ་མེད་པ་ལྟ་བུར་འདོད། འོན་ཀྱང་དྲ་གྲོགས་རྣམས་ཀྱིས་དེའི་སྐོར་དཔྱད་ཞིབ་རེ་གནང་རོགས།
 |
|