13:16:47
ལྷ་གཡག་དུང་རྭ་ཅན།
བོད་གངས་ཅན་པའི་མཚོན་དོན་བླ་ན་མ་མཆིས་ཤིང་།
ལྷ་གཡག་དུང་རྭ་ཅན་ཡ།
ཁྱེད་ལ་གཡག་ཅེས་པའི་མཚན་སྙན་དེ་འཛམ་གླིང་གི་སྐད་ཡིག་མང་པོར་བརྒྱུད་ནས།
བོད་གངས་ཅན་དང་།
གངས་ཅན་་པ་ཆབས་ཅིག་བརྒྱུད་བསྒྲགས་ཐུབ་པ་ནི།
ཆེད་དུ་བཟོས་པ་ཞིག་དང་།
རྐང་བཙུག་ནས་བྱས་པ་རྩ་ནས་མ་རེད།
དེ་ནི་དངོས་ཐོག་བདེན་རྙེད་ཅིག་རེད་ལ།
དངོས་པོའི་གནས་ཚོད་ཅིག་ཀྱང་ཡིན།
དེ་ནི་ཅི་ཙམ་བསམས་ཀྱང་ཉིད་ཀྱི་གཟུགས་སྟོབས་ར་དབྱིབས།
སྤུ་ཁ་དང་སྤུའི་ཉག་མ་ནར་མོ།
སྟོད་མཐོ་ཞིང་རྒྱབ་ཅུང་ཟད་དམའ་བ་རྔ་མ་ཕྱུག་ཅིང་གཞན་དང་མི་འདྲ་བ་སོགས།
ཁྱེད་ཀྱི་ལྷན་སྐྱེས་ཀྱི་ཡོན་ཏན་ཞིག་གིས་ཡིན་པ་རྟོགས་ཐུབ།
ང་ཁྱེད་ལ་དད་ནོར་གཡང་ཡ།
གཡག་དཀར་དུང་རྭ།
འཛམ་གླིང་ཁྱོན་ཡོངས་སུ་ཁྱེད་ཀྱི་མིང་ལ་སྐད་ཡིག་ཁག་ཏུ་གཡག་ཅེས།
བོད་སྐད་རང་སོར་གནས་པ་དེ་ཡང་ཁྱེད་ཀྱི་ཡོན་ཏན་ཉག་གཅིག་རེད།
ཁྱེད་ཀྱི་རིགས་རྒྱུད་ནི་བོད་གངས་ཅན་པའི་ཤ་གསེང་རུས་གསེང་ལ་ཐིམ་ནས་ཡོད།
ང་ཚོ་ཁྱེད་ནམ་ཡང་མི་བརྗེད་ལ།
ཁྱེད་ཀྱིས་རིགས་རྒྱུད་ནམ་ཡང་ཆད་བཅུག་གིས་མིན།
གཡག་དཀར་ཡ།
བོད་ཀྱི་རྩྭ་ཐང་རི་ཆུ་ནི་ནམ་ཡང་ཁྱེད་ཀྱི་ཡིན།
ཚ་རོང་གི་རྒྱ་ནག་དང་རྒྱ་གར་གྱི་མ་ཧེ་ལ།
ཐོབ་ཐང་ནམ་ཡང་མེད།
མཐོ་སྒང་བོད་ཡུལ་ནི་ཁྱེད་ཁོ་ན་ལ་དབང་་ཞིང་།
ཁྱེད་ཁོ་ནས་ཁྱིམ་གཞི་ཡིན།
མ་ཧེ་ནི་ནམ་ཡང་བྱེས་གནས་པ་ཡིན་ལ།
ནོར་གཡག་ནི་གཏན་གྱི་གཞིས་སྡོད་པའོ།།
དྲ་ཐོག་གཡག་དཀར་པོ་ཞིག་གིས་པར་མཐོང་རྗེས་ཤེལ་མར་སྤེལ་ཏེ་facebookཐོག་སྤེལ་བ་སླར་འདིར་ཡང་བཀོད་པའོ།།༢༠༡༡༡༠༡༨
 |
|