The Tibet Express

སྐད་ཡིག་འདེམས་ས།

བོད་ཡིག繁體中文English
2009.01.13 03:57:03
test
Norbu Wodsal Pasang
test

བྱང་བུ།:


2009.01.13 03:59:04
བོད། ལྷ་ཀླུ་གཉན
ཁ་སང་བླ་མ་ཙོང་བ་ཚང་གི་མཚན་ལ་ཨ་མདོའི་བླ་རྒན་ཟེར་ནས་བཤད་སོང་། དེ་རིང་ཡོང་མ་ཐག་རྗེ་ཙོང་བ་ཚང་གི་སྐུ་དཔར་གཤམ་འདུག ད་དངོས་ནས་དགོད་བྲོ་བ་ཞིག་མ་རེད་དམ། ཨ་ལ་ཀུ་རེ་ཡིན། ཟིན་བྲིས་སྒོ་འབྱེད་གནང་བ་ལ་དགའ་བསུ་ཞུ། ཟིན་བྲིས་མང་བོ་ཞིག་སྤེལ་རོགས་ཞུ་རྒྱུ་ཡིན།

 
2009.01.13 20:27:50
quest
དྲྭ་གྲོགས་ལྷ་ཀླུ་གཉན་ལགས།
ཁ་སང་རྗེ་ཙོང་ཁ་པ་ལ་ཨ་མདོ་བླ་རྒན་ཟེར་མཁན་བསང་དུད་ལགས་ཡིན་པས་ཁྱེད་ཀྱི་བསྐྱར་ཞིབ་ཡོང་བ་དང་། རྗེ་ཙོང་ཁ་པའི་སྐུ་དཔར་མདུན་དུ་བླུགས་པ་དེ་ལ་ཡང་མཚོན་དོན་ཞིག་ཡོད་པས་དཔྱད་པ་ཞུ། མ་ཚད་མདུན་དུ་སྙན་རྩོམ་ཞིག་བླུགས་རྩིས་བྱས་ཀྱང་བླུགས་ཐུབ་མིན་ལ་དགོངས་སེལ་ཞུ་རྒྱུ་བཅས།
 
2009.01.13 23:38:38
བོད། ལྷ་ཀླུ་གཉན
དགོངས་དག་ཞུ། བཤད་ས་ནོར་བ་དེར་ངོས་ལེན་ཞུ་རྒྱུ་ཡིན། རྗེས་ཕྱོགས་གཟབ་གཟབ་བྱེད་ངེས་ཡིན། ཁྱེད་རང་གི་ར་སྤྲོད་བྱས་པ་དེར་ཐུགས་རྗེ་ཆེ་ཞུ།

 
2009.01.15 05:53:41
quest
ངའི་མིང་ལ་བདེ་སྐྱིད་ལྷ་མོ་ཟེར་གྱི་ཡོད། ད་ལོ་ང་ལོ་ངོ་ 26་སླེབས་ཀྱི་ཡོད།
འཛིན་གྲྭ་12་ཐོན་ཞིང་མཐོ་སློབ་ལ་འགྲོ་རྒྱུའི་གོ་སྐབས་ཐོབ་མ་སོང་། ད་སྐབས་གཞུང་འབྲེལ་མིན་པའི་ཚོགས་པ་ཞིག་གི་ལས་ཀ་བྱེད་ཀྱི་ཡོད། ངའི་ནང་དུ་ང་ལ་རོགས་ཁྱི་ཕྲུག་ཞིག་ལས་གཞན་གང་ཡང་མེད། ཕ་མ་གཉིས་ཆུང་དུས་ནས་འདས་ཟིན་པ་དང་གཅེན་པོ་ཞིག་ཡོད་པ་ནི་ཨ་རིར་ལ་གནས་སྡོད་བྱེད་བཞིན་ཁོ་མོར་འདི་ཕྱོགས་ལ་སྙིང་ཉེ་བའི་སྤུན་གྲོགས་གཅིག་ཀྱང་མེད། སྤྱི་སྟངས་ཁོ་མོར་བོུ་གཞན་ལ་མེད་པའི་ཁྱད་ཆོས་དམིགས་བསལ་ཞིག་མེད་ཀྱང་།
གཟུགས་པྱད་དང་རྣམ་པ་སོགས་གང་ཐད་མི་དམན་པ་འགྲོ་རྒྱུག་འཕེར་ངོས་ཤེས་པ་ཡོད། དམིགས་བསལ་ཁྱད་ཆོས་ནི། རང་ཉིད་ནང་ལས་མཁས་ཞིང་ལྷག་པར་ཞལ་ལག་ཐད་ཡུལ་གྲུ་གང་སའི་ཞལ་ལག་རོ་བཅུད་དང་ལྡན་པ་བཟོ་ཤེས་ཀྱི་ཡོད། ད་བར་ཁོ་མོར་དགའ་ཉེ་བློ་དཀར་མང་དག་ཞིག་བྱུང་ཡང་བློ་འཁེལ་ཆོག་པའི་མི་ཚེ་གཅིག་གི་གཏན་གྲོགས་ཞིག་མ་ཐུག དེ་རིང་དྲྭ་རྒྱ་འདི་བརྒྱུད་ང་ལ་གྲོགས་པོ་བཟོ་འདོད་ཡོད་པ་རྣམས་གཟའ་འཁོར་འདིའི་རེས་གཟའ་སྤེན་པའི་ཉིན་དགུང་ཚོུད་གསུམ་པའི་ཐོག་རྡ་ས་མིག་ལོར་གྷན་ཇི་T.C.V ཇ་ཁང་དུ་ཕེབས་གནང་ཡོང་བ་ཞུ། ཆ་རྐྱེན་རང་ལོ་35་ལས་མ་བརྒལ་བ། སློབ་སྦྱང་དེ་ཙམ་མེད་ཀྱང་མཐོང་འདོད་པོ་དང་ཡན་ལག་སོགས་དབང་པོ་སྐྱོན་ཅན་མ་ཡིན་པ་མ་འོང་མི་ཚེ་ནང་སྐྱིད་སྡུག་གང་ཐུག་ཀྱང་བྱམས་པོ་གནང་མཁན་ཞིག་བྱུང་ན་ཁོ་མོའི་བློ་ཡིད་ཚེམ་ངེས་ཡིན་པ་བཅས།

 
2009.01.15 20:54:28
quest
མི་ཁོག་སྟོང༌། གཏམ་ཁོག་སྟོང༌། དྲ་མིག་ཁོག་སྟོང༌། ཁོག་སྟོང་གསུམ་འདི་ཁྱོད་ཀྱི་ལུས་ངག་ཡིད་གསུམ་རེད༎ རྒྱ་གར་གྱི་སཱ་རྡུ་སྦ་སྦ་ཤཱཀྱ་ཐུབ་པ་དང༌། བོད་ཀྱི་ཨ་མདོ་བླ་རྒན་བློ་བཟང་གྲགས་པ། ལྷ་སའི་ཇོ་བོ་ཤཱཀྱ་མུ་ནེ་གསུམ་ལ་སྨ་འབེབས་བྱེད་པ་ནི་ཁྱོད་ཀྱི་རག་ལུགས་རེད། ཁྱོད་ཀྱི་ལྷ་འབག་འདྲེ་འབག་ག་རེ་གྱོན་ནའང་འདྲ། ལྷ་བསངས་ཀླུ་བསངས་ག་རེ་བཏང་ནའང་འདྲ། ཁྱོད་རང་གི་མདོག་ཆ་དང་དྲི་ངན་གང་སར་ཁྱབ་ངེས་རེད།
 
2009.01.16 09:22:50
བོད། ལྷ་ཀླུ་གཉན
ཁོག་སྟོང་གསུམ་ལ་ཁྱེད་ཀྱིས་ག་རེ་བཤད་འདོད་ཡོད་ན་ཐད་གར་གསུང་ན་འགྲིག་གི་རེད། གང་ཡིན་ཟེར་ན་ང་རང་ནི་བོད་རིགས་ཀྱི་ལས་དབང་ཆེད་དུ་ཕན་ཚུན་གྲོས་མོལ་དང་བསམ་ཚུལ་གླེང་རེའི་བྱེད་རྒྱུར་དགའ་བ་ལས་རང་གི་མེས་པོ་གོང་མ་ཚོ་ལ་དམའ་འབེབས་བྱེད་རྒྱུར་དགའ་བས་ཁྱེད་རང་གི་གཤིས་ཀ་དེ་འདྲ་ང་རང་ལ་མེད་ལ། ང་རང་ལ་དེ་འདྲའི་རིགས་ལ་མོས་པ་ཡང་མེད། རྗེས་ཕྱོགས་ཁྱེད་རང་གི་མི་རིགས་གཞན་པ་དག་གིས་རང་རང་གི་མེས་པོ་དག་ལ་དགའ་ཞེན་དང་གུས་བརྩི་བྱེད་ལུགས་ཀྱི་གཞུང་ལུགས་ཁ་ཤས་ཤིག་ལ་སློབ་སྤྱོང་བྱེད་ཐུབ་པ་ཡིན་ན་ཡག་པོ་ཡོད་ས་རེད། ང་རང་ནི་ཁྱེད་ཀྱི་གསུང་བ་ལྟར་ཁོག་སྟོང་གསུམ་ཡིན་ན་ཡང་། ཁོག་སྟོང་གསུམ་མ་ཡིན་པའི་དྲ་གྲོགས་ཤིག་ལ་ཁྱེད་རང་གི་གླེང་མོལ་བྱེད་ཕྱོགས་ལ་ཕྲན་བུ་འགྱུར་བ་བཏང་ནས་ཁ་བརྡ་རེ་བྱོས་དང་། དེ་ནས་ཁྱེད་རང་གི་བོད་ཟེར་བའི་སྐྱིད་སྡུག་ལ་སྙིང་གཏམ་རེ་བཤད་ཐུབ་ངེས་རེད།

 
2009.01.16 20:29:38
quest
ལྷ་ཀླུ་གཉན་ལགས་ཀྱི་བཀའ་མོལ་ལ་100%ཐམ་པ་རྒྱབ་སྐྱོར་ཡོད། ང་རང་ཡང་བོད་མི་རིགས་ཀྱི་ལས་དབང་ཆེད་ཕན་ཚུན་གྲོས་མོལ་དང་བསམ་ཚུལ་གླེང་རེའི་བྱེད་རྒྱུར་དགའ་བ་ལས་རང་གི་མེས་པོ་གོང་མ་ཚོ་ལ་དམའ་འབེབས་བྱེད་རྒྱུའི་རིགས་ལ་མི་དགའ་མཁན་གྱི་མི་ཞིག་ཡིན་པ་མ་ཚད་སྔར་རྗེས་བར་གསུམ་དུ་དགག་ལན་ཡང་མང་དག་རྒྱབ་མྱོང་མཁན་གྱི་མི་ཞིག་ཡིན།
ས་པཎ་གྱིས།
ཡོན་ཏན་མེད་པའི་སྐྱེ་བོ་རྣམས།
ཡོན་ཏན་ཅན་ལ་ལྷག་པར་སྡང་།
གངས་ཀྱི་ཡུལ་དུ་དགུན་སྐྱེས་པའི།
ལོ་ཏོག་ལྟས་ངན་ཡིན་ཞེས་སྒྲོགས།
ཞེས་གསུང་པ་བཞིན་མི་ཁ་ཤས་ཞིག་གི་དུས་རྟག་ཏུ་ཡོན་ཏན་ཅན་དང་མེས་པོ་གོང་མ་རྣམས་ལ་དམའ་འབེབས་ལྟར་བུ་བྱེད་ཀྱི་འདུག་པ་ནི་རང་ཉིད་ཀྱི་སྦྱངས་པའི་ཡོན་ཏན་དེ་ཡང་དག་་པ་ཞིག་མ་ཡིན་པ་འམ་ཡང་ན་
ས་པཎ་གྱིས།
ཡོན་ཏན་ལོག་པར་སྦྱངས་པ་འགའ།
ལེགས་པར་སྦྱངས་པ་ཁྱད་དུ་གསོད།
ལྦ་བ་མེད་ན་གླིང་ཕྲན་འགར།
ཡན་ལག་ཉམས་པའི་སྐྱོན་དུ་བྱེད།
ཅེས་གསུང་པ་བཞིན་རང་ཉིད་ཀྱི་རྨོངས་འཆར་ཕྱིར་སྟོན་པ་ཞིག་མིན་འགྲོ་བསམ་གྱི་ཡོད།
 
2009.01.17 00:15:40
ལྷ་སའི་བསང་དུད།
ག་རེ། མེས་པོ་གོང་མ་ལ་ཁ་གཏོང་མི་རུང་ཨེ། ང་ནི་བདེན་རྫུན་ལ་བལྟས་ནས་དགག་སྒྲུབ་བྱེད་པར་འབད་བརྩོན་བགྱིད་པ་ལས་རང་གི་ཕ་མེས་རེད་ཟེར་ནས་ཨ་ཕའི་ཁ་ཕོར་གཙང་ཞེན་བྱེད་པའི་གོམས་སྲོལ་འདོར་ཨེ་ཐུབ་ལ་འབད་བཞིན་ཡོད། མ་གཞི་ཙོང་ཁ་པ་ལ་ཨ་མདོའི་བླ་རྒན་ལབ་ན་ག་རེ་མ་འགྲིགས་པ་རེད། ས་སྐྱའི་མཁས་པ་ཞིག་གིས་དྲུང་བློ་བ་འདི་ལ་རིགས་ལམ་པ་གསར་བུ་བ་ཞིག་གི་རྣམ་དཔྱོད་ཀྱང་མེད་ཚུལ་སོགས་གསུངས་ནས་འགལ་བའི་ཁུར་ཆེན་བཅོ་བརྒྱད་ཡིན་ནམ་ཅིག་དང་ལྟ་ངན་དྲུག་ཅུ་ཡིན་ནམ་ཅིག་གི་སྐྱོན་སོགས་ཀྱང་འགེལ་ཆོག་ས་ནས་ངས་ཨ་མདོའི་བླ་རྒན་ལབ་ན་དེ་འདྲའི་ནག་ཉེས་ཤིག་ཏུ་འགྱུར་དོན་གང་ཡིན་ནམ། མ་གཞི་ང་ཚོའི་མི་རབས་གོང་མ་ཚོས་ནོར་འཁྲུལ་གྱི་ལས་བསག་བསག་པའི་རྒྱུ་ལས་ཆག་ཆེ་ཉམ་ང་འདི་ལྟ་བུ་ཞིག་ང་ཚོའི་མགོ་ཐོག་ཏུ་ལྷུང་ཚུལ་ལ་ཡང་བསམ་གཞིག་རེ་གྱིས་དང་།

 
2009.01.17 03:05:31
quest
སྐུ་ཞབས་བསང་དུད་ལགས།
གྱང་ན་ནིང་རློག་ནས། ཐལ་འཚུབ་ད་ལོ་རྒྱབ་ཟེར་བས་དཔེ་ལྟར་དགག་བཞག་གོང་དུ་བྱས་སྐབས་ཁྱོད་ཀྱི་དུས་ཚོད་མེད་ལུགས་གསུང་གི་འདུག་པ་དང་། ད་ཆ་ཡང་དུས་ཚོད་ཞིག་ག་ནས་བྱུང་། འགལ་བའི་ཁུར་ཆེན་བཅོ་བརྒྱད་དང་ལྟ་ངན་དྲུག་ཅུ་སོགས་ཀྱི་བྱེད་མཁན་གྱི་མཁས་པས་རྗེས་སུ་རྗེ་བླ་མའི་མཛད་པའི་ལེགས་བཤད་རིན་པོ་ཆེ་གསེར་གྱི་འཕྲེང་བ་དེ་ཉིད་མཇལ་ནས་མཁས་པའི་མཁས་པ་ཞེས་ཆེ་བསྟོད་གང་འདྲ་བྱས་ཡོད་མེད་ཁྱོད་ཀྱི་ད་དུང་མ་མཐོང་ངམ། ངས་རེ་བ་ལ་ཁྱོད་ཀྱང་གོང་མཚུངས་དེ་འདྲ་ཞིག་ཡོང་བ་ཤོག ངས་ལྷ་ཀླུ་གཉན་ལ་རྒྱབ་སྐྱོར་བྱས་པ་ནི་དངོས་པོའི་གནས་ལུགས་བཤད་པ་ཙམ་ལས། དམིགས་བསལ་ཁྱོད་ལ་དགག་བཞག་བྱས་པ་ཞིག་མིན་པས་མཁྱེན་གནང་ཡོང་བ་ཞུ།
 
2009.01.18 00:08:19
ལྷ་སའི་བསང་དུད།
ནོར་བུ་འོད་གསལ་ལགས། ངས་མི་ཚེ་འདིའི་སྟེང་དུ་དུས་ཚོད་མེད་ཅེས་བརྗོད་མྱོང་བ་དངོས་གནས་དྲན་གྱིན་མི་འདུག ང་ལ་གནམ་གྱི་ལྷའི་བཀའ་དྲིན་ལས་དུས་ཚོད་ཕངས་མེད་འདི་འདྲ་ཞིག་ཐོབ་པ་འདི་ཡང་མི་ཚེ་འདིའི་བསོད་ནམས་ཤིག་ལ་བརྩི་ཆོག་ངེས་རེད། ཡིན་ན་ཡང་ཐབས་སྐྱོ་བ་ཞིག་ལ་དུས་ཚོད་ཕངས་མེད་འདི་ཡོད་རུང་འཇོན་ཐང་མེད་སྟབས་གྲུབ་འབྲས་གང་ཡང་ལེན་ཐུབ་མ་མྱོང་།
ལེགས་བཤད་གསེར་ཕྲེང་འདི་ཙོང་ཁ་པས་བརྩམས་པ་མ་རེད་ཟེར་མཁན་འདུག དེའི་ནང་དུ་ཙོང་ཁ་པ་རང་གི་འདོད་ཚུལ་དང་མི་མཐུན་པར་དབུ་མ་སྔ་རབས་པའི་བཞེད་སྲོལ་དང་མཐུན་པ་མང་པོ་བྲིས་ཡོད་རེད་ཟེར་བ་ཐོས། ཁྱེད་ལ་དེ་ཙོང་ཁ་པས་བརྩམས་པ་ཡིན་པའི་ཁུངས་སྐྱེལ་འདྲ་ཡོད་དམ། མ་གཞི་ཙོང་ཁ་པ་མི་གཅིག་གི་མི་ཚེ་གཅིག་གི་རིང་དུ་འདོད་ཚུལ་ལ་འགྱུར་བ་འགྲོ་དགོས་དོན་མེད་པ་འདྲ་བས་ད་ཡོད་ཙོང་ཁ་པའི་བརྩམས་ཆོས་དེའི་ནང་དུ་ཙོང་ཁ་པས་བརྩམས་པ་ཡིན་མིན་རིགས་གཉིས་ཡོད་པ་འདྲ།
ཁྱེད་ཀྱིས་ཅིག་ཅིག་ཅིག་གིས་ཙོང་ཁ་པ་ལ་བསྟོད་པ་བྱས་ཡོད་སྟབས་དེའི་ཙོང་ཁ་པ་ཡག་པོ་ཡིན་པར་བསྒྲུབ་ཐུབ་ཟེར་བ་སྙིང་པོ་མ་མཐོང་། སྐབས་སྐབས་སུ་མི་ལ་གནོན་ཤུགས་ལ་བརྟེན་ནས་མི་ལ་ལ་ལ་བསྟོད་པ་བྱེད་དགོས་བྱུང་བ་མང་པོ་ཡོད་རེད། དཔེར་ན། རྒྱལ་བ་རིན་པོ་ཆེས་མོའོ་ཙེ་ཏུང་ལ་བསྟོད་པ་ཞིག་བརྩམས་ཡོད་པ་རེད། ཆོས་ཀྱི་རྒྱལ་པོ་ཡིན་ཚུལ་དང་འཁོར་ལོས་བསྒྱུར་བའི་རྒྱལ་པོ་དང་འདྲ་མཚུངས་སྦྱར་ནས་བསྟོད་པ་ཕུལ་ཡོད་རེད། ཡིན་ན་ཡང་དེ་ལ་བརྟེན་ནས་མོའོ་ཙེ་ཏུང་ཆོས་ཀྱི་རྒྱལ་པོ་དང་འཁོར་ལོས་བསྒྱུར་བའི་རྒྱལ་པོ་ཡིན་པར་བསྒྲུབ་ག་ལ་ཐུབ།