00:23:55
ཨེ་ཤ་ཡ་རང་དབང་རླུང་འཕྲིན་ཁང་གི་གཏམ་གླེང་ཞལ་པར་ལེའུ་ཚན་གཙོ་སྐྱོང་བ་ཚེ་བརྟན་སྒྲོལ་དཀར་ལགས་ཀྱི་འཕྲུལ་སྒྲའི་(twitter)ནང་འཁོད་གསལ།
ཁོང་གི་ཞལ་ཆེམས་ལྟ་བུར་གྱུར་བའི་ཡི་གེ་ཁག་ཅིག་འདུག་པའི་ནང་གཅིག་ནི། ཡིག་ཆའི་ཕྱི་སྐོགས་ལ། ཀརྨ་དགོན་པའི་སྒོ་ཆེན་ལ་སྦྱར་རོགས་ཅེས་བྲིས་ཡོད་འདུག
ཡི་གེའི་ནང་དུ། བོད་ཀྱི་ཁྱད་ཆོས་ནང་པ་སངས་རྒྱས་ཆོས་ལུགས་ཡང་དག་པའི་ལྟ་བ་མ་ནོར་བར་ལེགས་པར་འཛིན་སྐྱོང་བྱེད་པའི་ཀརྨ་དགོན་མཁན་བློ་གྲོས་རབ་གསལ་དང༌། རྣམ་སྲས་བསོད་ནམས་གྲྭ་བཙུན་ཐམས་ཅད་བཙོན་བཟུང་རྡུང་རྡེག་འདི་འདྲ་བཟོས་ན་ངེད་ཀརྨ་དགོན་མཁན་སློབ་འབྲེལ་ཡོད་ཐམས་ཅད་སྡུག་བསྔལ་གྱི་ཤི་ན་དགའ་འདུག ཅེས་ཕྲན་ལ་རྒྱ་འཛིན་པའི་ཐ་ཤལ་པ་བསྟན་འཛིན་ཕུན་ཚོགས་ནས་བྲིས། སྤུན་ཟླ་ཚོ། སེམས་མ་ཕམ། དཔའ་མ་ཞུམ། ཞེས་བཀོད་ཡོད་འདུག
ད་དུང་ཁོང་གིས་བཞག་པའི་ཡི་གེ་གཞན་ཞིག་ནང་། བདག་གཞན་བརྗེ་བའི་ཆོས་གྲོགས་ཚོ། བསྟན་པ་འཛིན་པའི་མཁན་པོ་རྣམ་གཉིས་དང༌། གྲྭ་བཙུན་ཚོ་ལ་བསམ་མནོ་ཞིག་གཏོང་དང། ཆོས་ལུགས་སྤེལ་མི་ཆོག་པའི་དབང་འདུས་ལ་ཡིད་ཆེས་འདུག་ལགས་སམ། བསྟན་འཛིན་ཕུན་ཚོགས་ནས་བྲིས། ཞེས་བཀོད་ཡོད་གནས་ཐོན་འདུག
 |
|