དྲག་གནོན་གྱི་ལས་འགུལ་ལ་རྒོལ་གཏམ།

བོད་ཀྱི་གཞུང་འབྲེལ་མ་ཡིན་པའི་ཚོགས་པ་ལྔ་མཉམ་འབྲེལ་གྱིས་བོད་ནང་དྲག་གནོན་མུ་མཐུད་བྱེད་བཞིན་པ་དེར། རྒོལ་གཏམ་གྱི་གསལ་བསྒྲགས་ཤིག་ཟླ་འདིའི་ཚེས་༥ ཉིན་སྤེལ་ཡོད་པ་དང། གསལ་བསྒྲགས་དེའི་ནང་འཁོད་དོན། རྒྱ་ནག་གཞུང་གིས་མུ་མཐུད་དེ་མི་རིགས་རྩ་མེད་དང༌། རིག་གཞུང་རྩ་མེད། འབྱུང་ཁམས་རྩ་མེད་སོགས་རྩ་མེད་གསུམ་གྱི་ངན་གཡོའི་སྲིད་ཇུས་ལག་བསྟར་བྱེད་རྒྱུར་ཤུགས་སྣོན་རྒྱག་བཞིན་པ་མ་ཟད། རླབས་ཆེན་གྱི་གསུམ་བཅུའི་དུས་དྲན་སླེབས་ཉེའི་མཚམས་སུ། བོད་མི་རིགས་ཀྱིས་བཙན་འཛུལ་ལ་ཡར་ལངས་བྱ་རྒྱུའི་འཇིགས་དངངས་འོག རྒྱ་ནག་གཞུང་གིས་བོད་ཀྱི་ས་ཁུལ་ངེས་མེད་དང༌། བཙོན་ཁང་ངེས་མེད་བཅས་སུ་བོད་མིའི་བདེན་དོན་རྩོད་ལེན་བྱེད་མཁན་ཚོར་རྡུང་རྡེག་ཚ་ནན་ཟེར་བའི་གཏུམ་དྲག་ཅན་གྱི་ལས་འགུལ་བསྐྱར་དུ་སྤེལ་འགོ་ཚུགས་ཏེ། ཉིན་ཤས་ནང་ལྷ་ས་གཅིག་པུ་ནས་བོད་མི་གྲངས་ ༧༠ ལྷག་ཉེས་མེད་བཀག་ཉར་འཛིན་བཟུང་བྱས་པ་དང༌། ད་ཆ་ལྷ་སའི་གྲོང་ཁྱེར་ཡོངས་དམག་དཔུང་གི་དམ་དྲག་འོག་འགྲོ་འདུག་གི་རང་དབང་ཙམ་ཡང་མེད་པའི་འཇིགས་སྐྲག་འོག་གནས་མུས་ཡིན་འདུག་ལ། དེ་མཚུངས་བོད་ཀྱི་ས་ཁུལ་གཞན་དུའང་དྲག་གནོན་གྱི་ལས་འགུལ་སྤེལ་བཞིན་ཡོད་འདུག
དེ་བཞིན་ཉེ་ཆར་དཀར་མཛེས་འབྲིང་རིམ་མི་དམངས་ཁྲིམས་ཁང་ཟེར་བས་རྒྱལ་ཁབ་ཀྱི་ཁ་བྲལ་དང༌། སྤྱི་ཚོགས་བདེ་འཇགས་ལ་ཁ་གཡར་ཏེ་བོད་མི་པད་མ་ཡེ་ཤེས་ཞུ་བ་ཞིག་ལ་ལོ་གཉིས་དུས་འགྱངས་ཀྱི་སྲོག་ཁྲིམས་བཅད་ཡོད་པ་རེད། དེ་ལྟར་བོད་མི་ཆབ་སྲིད་བཙོན་པ་ཚོར་ཉེས་མིང་སྣ་ཚོགས་བཏགས་ནས་སྲོག་ཁྲིམས་གཅོད་པ་དང༌། ཚེ་བཙོན་སོགས་ལོ་གྲངས་འདྲ་མིན་གྱི་ཁྲིམས་ཆད་བཅད་པའི་སྣང་ཚུལ་དེ་ནི་ད་ལྟའི་ཆར་རྒྱ་ནག་གི་ཆབ་སྲིད་བཙོན་པ་ཚོ་གང་བྱུང་དམར་གསོད་གཏོང་བ་དང༌། མནར་གཅོད་གཏོང་བ། འཇུ་བཟུང་སོགས་ཀྱི་ལམ་ནས་བོད་མི་རིགས་རྩ་མེད་བཟོ་བའི་ངན་ཇུས་གཞན་ཞིག་ཡིན་པས། ང་ཚོས་རྒྱ་ནག་གི་ཐལ་ཆེའི་བྱ་སྤྱོད་དེར་མཐའ་གཅིག་ཏུ་རྒོལ་གཏམ་ནན་པོ་བསྒྲགས་རྒྱུ་ཡིན།
བཙན་འཛུལ་བྱ་ཡུལ་གྱི་ས་ཁུལ་དང་རྒྱལ་ཁབ་ཅི་འདྲ་ཞིག་གི་ནང་བཙན་རྒྱལ་རིང་ལུགས་ལ་ངོ་རྒོལ་གྱི་ལས་འགུལ་ཇི་འདྲ་ཞིག་སྤེལ་ཡང༌། ཚང་མ་མི་རིགས་དེའི་རང་དབང་རྩོད་ལེན་གྱི་རྩ་དོན་དང་འབྲེལ་བ་ཡོད་སྟབས་དེར་ཉེས་གསོག་དང་འཇིགས་བསྐུལ་བར་ཁག་འདོགས་བྱེད་པ་ནི་རྦད་དེ་ལོག་སྤྱོད་ཀྱི་རང་བཞིན་ཞིག་ཡིན་པ་དང༌། དོན་དེས་གུང་ཁྲན་ཏང་གི་སྐྱུག་བྲོ་བའི་ཆབ་སྲིད་ཀྱི་གདོང་རིས་དེ་འགྲོ་བ་མིའི་རིགས་སྤྱི་ཚོགས་ནང་གསལ་སྟོན་བྱེད་ཀྱི་ཡོད།
དེར་བརྟེན་ང་ཚོས་གསལ་བཤད་བྱེད་འདོད་པ་གཅིག་ནི། རྒྱ་གཞུང་གིས་བོད་མི་གང་བྱུང་དུ་འཛིན་བཟུང་བྱེད་པ་དང༌། ཆབ་སྲིད་བཙོན་པ་དམར་གསོད་གཏོང་བའི་བྱ་སྤྱོད་དེ་རིགས་འཕྲལ་དུ་མཚམས་འཇོག་བྱེད་དགོས་པའི་ཁར། སྔ་ལོར་ལོ་ཡག་དང་རྐང་བཙུགས་གཉིས་ཉེས་མེད་སྲོག་ཐོག་བཏང་བའི་ནག་ཉེས་ལ་ཁས་ལེན་དང༌། པདྨ་ཡེ་ཤེས་ལགས་སྲོག་ཐོག་ཁྲིམས་ཆད་འཕྲལ་དུ་ཕྱིར་འཐེན་དགོས་པའི་དགོས་འདུན་འདོན་གྱི་ཡོད།
མདོར་ན་རྒྱ་གཞུང་གིས་རྒྱལ་སྤྱིའི་ཁྲིམས་ལུགས་ལ་རྩིས་མེད་གཏོང་བ་དང༌། འགྲོ་བ་མིའི་ཐོབ་ཐང་ལ་རྡོག་རོལ་གཏོང་བ། བོད་ནང་རྡུང་རྡེག་ཚ་ནན་གྱི་ལས་འགུལ་སྤེལ་བ་སོགས་འཕྲལ་དུ་མཚམས་འཇོག་བྱེད་དགོས། མཐའ་དོན་བོད་ནང་དཀའ་སྡུག་མྱོང་བཞིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་བསྐྱེད་ཞུ་རྒྱུ་དང༌། ཁོ་ཚོའི་རྒྱལ་གཅེས་ཡར་ལངས་ཀྱི་སྙིང་སྟོབས་ལ་ང་ཚོས་དུས་གཏན་དུ་སློབ་སྦྱོང་དང་རྗེས་སུ་ཡི་རངས་ཞུ་རྒྱུ་ཡིན།
བོད་རྒྱལ་ལོ་ ༢༡༣༧ ཕྱི་ལོ་ ༢༠༡༠ ཟླ་ ༣ ཚེས་ ༥ ཉིན་ཚོགས་པ་ལྔས།

བོད་ཀྱི་གཞོན་ནུ་ལྷན་ཚོགས།
བོད་ཀྱི་བུད་མེད་ལྷན་ཚོགས།
བོད་རྒྱལ་ཡོངས་མང་གཙོ་ཚོགས་པ།
བོད་ཀྱི་དགུ་བཅུ་གསུམ་ལས་འགུལ་ཚོགས་པ།
བོད་རང་བཙན་སློབ་ཕྲུག་ཚོགས་པ།
“T‚Þ7

Name:	*
སྤྱོད་མཁན་གྱི་མིང༌།:	*
གློག་འཕྲིན།:	*
གསང་ཡིག:	*
Verify Password:	*
Fields marked with an asterisk (*) are required.

The Tibet Express

སྐད་ཡིག་འདེམས་ས།

དྲག་གནོན་གྱི་ལས་འགུལ་ལ་རྒོལ་གཏམ།

བོད་ཀྱི་བང་ཆེན།

སྐད་ཡིག་གསུམ་ལྡན་གྱི་དྲ་རྒྱ།

བོད་དབྱིན་རྒྱ་གསུམ་གྱི་ཡིག་སྒྱུར།

འདི་ནས་དཔར་སྐྲུན་བྱས་པའི་དཔེ་དེབ།

དཔར་རིས་གསར་འགྱུར།