ཕྱི་ཟླ་༩ པའི་ཚེས་༡ ཉིན་ནས་བཟུང་། བོད་རང་སྐྱོང་ལྗོངས་འཕྲིན་གཏོང་དོ་དམ་ལས་ཁུངས་ཟེར་བས་གསར་དུ་བྱུང་བའི་ཁ་པར་དང་ལག་ཁྱེར་ཁ་པར་བེད་སྤྱོད་བྱེད་མཁན་གྱིས་དངོས་མིང་བེད་སྤྱོད་ཀྱིས་ཐོ་འགོད་བྱེད་པའི་ལས་དོན་ཞིག་སྤེལ་བཞིན་ཡོད་འདུག

དུས་རབས་ཀྱི་ང་ཞེས་པའི་དུས་དེབ་ཀྱི་རྩོམ་སྒྲིག་པ་བུད་དྷ་དང། སྐལ་བཟང་སྦྱིན་པ་གཉིས་རྒྱ་ནག་གཞུང་གིས་མི་རིགས་ཁ་བྲལ་རིང་ལུགས་དང་ཤེས་ཡོན་ཅན་ལ་ངན་སྐུལ་གྱི་ཉེས་མིང་འོག་འདི་ལོར་འཛིན་བཟུང་བྱས་པ་དང། ད་ལྟའི་གནས་སྟངས་གསལ་རྟོགས་མེད་པ་རེད།

ད་ལོ་རང་ལོ་༣༤ སོན་པའི་མདོ་སྨད་ཀན་ལྷོ་རྨ་ཆུའི་མུ་ར་དགོན་པའི་དགེ་འདུན་པ་གསུང་རབ་ཕྱི་ལོ་༢༠༠༨ ལོའི་ཟླ་༣ པའི་ཚེས་༡༧ ཉིན་རྨ་ཆུ་ནས་བོད་མི་ཚོས་ཞི་བའི་གྱེན་ལངས་ཀྱི་ལས་འགུལ་སྤེལ་རྗེས་ཐེངས་དང་པོར་འཛིན་བཟུང་བྱས་པ་དང། ཕྱི་ལོ་༢༠༠༨ ལོའི་ཟླ་༥ ཚེས་༡༨ ཉིན་ཨ་མདོ་རྔ་བ་ནས་འཛིན་བཟུང་ཐེངས་གཉིས་པ་བྱས།

འབར་ཁམས་མི་རིགས་སློབ་འབྲིང་ནང་གི་སློབ་མ་“གནམ་ལྕགས་ཚགས་པར་”ཞེས་པའི་རྩོམ་སྒྲིག་པ་བཞི་འདི་ལོའི་ཕྱི་ཟླ་༣ ནང་རྒྱ་ནག་གཞུང་གིས་འཛིན་བཟུང་བྱས་པ་དང། ད་ལྟའི་གནས་སྟངས་ནང་མི་འབྲེལ་ཡོད་སུས་ཀྱང་ཤེས་རྟོགས་བྱུང་མེད་འདུག

ཟླ་འདིའི་ཚེས་༡༨ ཉིན་རྒྱ་ནག་ཡུའུ་ནན་ཞིང་ཆེན་གྱི་ཁོངས་གཏོགས་ནུའུ་ཅང་ཁུལ་ཀུང་ཧྲན་རྫོང་དུ་ཆུ་ལོག་གི་གནོད་འཚེ་ཆེན་པོ་བྱུང་ནས་ཐོག་མའི་ཆར་མི་༦ ཤི་བ་དང། མི་༨༦ གར་སོང་མ་ཤེས་པ། མི་༣༩ ཙམ་རྨས་སྐྱོན་བྱུང་བ་དང། ཁྱིམ་ཚང་༡༠༢ གྱི་ཁང་ཁྱིམ་གཏོར་བཤིག་ཕྱིན་པ། དེ་བཞིན་མི་༢༨༩༥ ཙམ་ས་ཆ་གཞན་དུ་གནས་སྤོ་དགོས་བྱུང་བའི་གནས་ཚུལ་བྱུང་ཡོད་པ་རེད།

ཟླ་འདིའི་ཚེས་༡༧ ཉིན་ཟི་ཁྲོན་ཞིང་ཆེན་དཀར་མཛེས་ཁུལ་སྡེ་དགེ་དཔལ་ཡུལ་རྫོང་ཁྲོམ་ཐར་ཆུས་ཀྱི་བརྒྱ་ཤོད་སྡེ་བའི་ནང་སྔོན་མ་ནས་རྒྱ་གཞུང་གིས་གསེར་གྱི་གཏེར་ཁ་སྔོག་འདོན་བྱེད་ཀྱི་ཡོད་པ་དེར་ངོ་རྒོལ་གྱི་ལས་འགུལ་སྤེལ་ཏེ། མི་གཅིག་བསད་པ་དང་། མི་ལྔ་དྲུག་ཙམ་ཤི་གསོན་ངེས་མེད། མི་གྲངས་སུམ་ཅུ་ཙམ་རྨས་སྐྱོན་བཟོས་ཡོད་པ་རེད་འདུག

འདི་གར་ཁུངས་ལྡན་གནས་ཚུལ་འབྱོར་བ་ལྟར་ན། ལོ་འདིའི་ཕྱི་ཟླ་༧ པའི་ཚེས་༧ གྱི་དགོང་མོ་རྩོམ་པ་པོ་སྟག་སྨྲིག་གམ་མིང་དངོས་ལ་སྐལ་བཟང་ཚུལ་ཁྲིམས་ཞེས་པ་ཟི་ཁྲོན་ཞིང་ཆེན་གྱི་ཁོངས་གཏོགས་མཛོད་དགེ་རྫོང་ཐོག་ཏུ་རྫོང་དེའི་ཉེན་རྟོག་པ་དང། ཀན་ལྷོ་ཁུལ་གྱི་ཉེན་རྟོག་མི་སྣ་ཟླ་སྒྲིལ་གྱིས་འཇུ་བཟུང་བྱས་ནས་གཙོད་སྤྱི་བདེ་ལས་ཁུངས་སུ་ཁྲིད་ཡོད་པ་དང། དེ་རྗེས་ནང་མི་དང་ཉེ་འབྲེལ་རྣམས་ཀྱིས་བརྩད་གཅོད་གང་མང་བྱས་ཀྱང་རྒྱ་གཞུང་གིས་གནས་ཚུལ་གང་ཡང་འགྲེལ་བཤད་བརྒྱབ་མེད།

ཟླ་འདིའི་ཚེས་༡༥ ཉིན་བོད་རང་སྐྱོང་ལྗོངས་ཞེས་པའི་ཁོངས་གཏོགས་གཞིས་ཀ་རྩེ་གྲོང་ཁྱེར་དུ་ལས་དོན་ཆེད་ལྟ་སྐོར་དུ་སྐྱོད་བཞིན་པའི་རྒྱ་ནག་འཐབ་ཕྱོགས་གཅིག་གྱུར་ཁང་གི་རྒྱུན་ལས་གཙོ་འཛིན་གཞོན་པ་ཀྲུའུ་ཝེ་ཆུན་དང། གངས་ཅན་བླ་མ་གཉིས་ཐུག་འཕྲད་དང་ལྗོན་ཤིང་འདེབས་འཛུགས་བྱས་འདུག

ཟླ་འདིའི་ཚེས་༨ ཉིན་མདོ་སྨད་ཀན་ལྷོ་འབྲུག་ཆུ་རྫོང་དུ་རི་ཉིལ་བའི་རྐྱེན་གྱིས་ཆུ་རུད་དམ་ས་རུད་ཀྱི་གནོད་སྐྱོན་ཚབས་ཆེན་བྱུང་ནས་མི་རྒྱུ་གཉིས་ལ་གོད་ཆག་ཚབས་ཆེན་བྱུང་ཡོད་པ་རེད། དེའི་ཐད་རྒྱ་ནག་གཞུང་འབྲེལ་གྱིས་སྔ་ཕྱིར་མི་གྲོངས་པའི་ཁ་གྲངས་མང་པོ་ཞིག་གསལ་བསྒྲགས་བྱས་པའི་ནང་དུ་ཟླ་འདིའི་ཚེས་༡༩ ཉིན་སླར་ཡང་གཞུང་འབྲེལ་གྱིས་གསལ་བསྒྲགས་སྤེལ་བའི་ནང་དུ། ཟླ་འདིའི་ཚེས་༡༩ ཉིན་གྱི་ཆུ་ཚོད་༢ པའི་བར། འབྲུག་ཆུའི་བརྒྱད་པའི་ཚེས་བརྒྱད་ཉིན་གྱི་ཆུ་ལོག་གི་གནོད་འཚེའི་ཁྲོད་དུ་མི་༡༣༦༤ རྐྱེན་ལམ་དུ་ཤོར་བ་དང་། མི་༤༠༡ གར་སོང་མེད་པར་གྱུར་པའི་གནས་ཚུལ་སྤེལ་འདུག

ཟླ་འདིའི་ཚེས་༡༣ ཉིན་ཀན་སུའུ་ཞིང་ཆེན་ལུང་ནན་གྲོང་ཁྱེར་ཞེས་པར་ཆུ་ལོག་གི་གནོད་འཚེ་བྱུང་ནས་ཚེས་༡༦ བར་དུ་རྒྱ་ནག་གཞུང་འབྲེལ་གྱིས་གསལ་བསྒྲགས་བྱས་པ་ལྟར་ན། ཀན་སུའུ་ཞིང་ཆེན་ལུང་ནན་གྲོང་ཁྱེར་དུ་དྲག་ཆར་བབས་ཏེ་ཆུ་ལོག་བྱུང་བ་ལས་མི་༣༦ རྐྱེན་ལམ་དུ་ཤོར་བ་དང་།

ཀིརྟི་བྱེས་པ་གྲྭ་ཚང་གི་གྲྭ་ཚེ་རིང་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཕྱི་ལོ་༢༠༡༠ ཟླ་༨ ཚེས་༡༠ ཉིན་ཚོ་བདུན་ཀིརྟི་དགོན་པའི་ཆོས་ལུགས་དོ་དམ་ཁང་གི་འགན་འཛིན་གྲྭ་སོ་དར། རང་ལོ་༣༨ ཡས་མས་ཤིག་ཡིན་པ་ཁོང་མཛོད་དགེ་རྫོང་ཐོག་གི་རླངས་འཁོར་འབབ་ཚིགས་ནས་ཞོགས་ཀའི་དུས་ཚོད་༦ ཙམ་ལ་རྒྱ་གཞུང་གིས་འཛིན་བཟུང་བཀག་ཉར་བྱས་འདུག ཁོང་གི་ཕ་ཡུལ་ཁྱུང་ཆུ་རྫོང་ཁོངས་ཚ་རུ་མ་ནས་ཡིན། 

དེ་རིང་སྔ་དྲོ་ཁམས་ལི་ཐང་རྫོང་དུ་གྲྭ་པ་གཉིས་ཀྱིས་སྣེ་ཁྲིད་ནས་ལི་ཐང་རྫོང་རླངས་འཁོར་འབབ་ཚིགས་ནས་ཉེན་རྟོག་ལས་ཁུངས་ཀྱི་བར་དུ་༧གོང་ས་མཆོག་གི་སྐུ་པར་ཆེན་པོ་ཞིག་ཕྱག་ཏུ་བསྣམས་ནས་ཞི་བའི་གོམ་བགྲོད་དང་སྐད་འབོད་ཀྱི་ལས་འགུལ་ཞིག་སྤེལ་ཡོད་པ་དང་། གང་འཚམས་ནས་ཁྲོམ་ལམ་གཡས་གཡོན་དུ་ཡོད་པའི་མི་མང་གང་མང་ཞི་རྒོལ་དེའི་ནང་དུ་མཉམ་ཞུགས་བྱས་ཡོད་འདུག

དེ་ལས་མང༌།... བསམ་ཚུལ། (1)

ཟླ་འདིའི་ཚེས་༨ ཉིན་བོད་མདོ་སྨད་འབྲུག་ཆུ་རྫོང་དུ་ཆུ་ལོག་གི་གནོད་སྐྱོན་ཚབས་ཆེན་བྱུང་ནས། དང་ཐོག་མི་ཤི་བའི་གྲངས་ཀ་༡༠༠ ལྷག་ཙམ་ཡིན་ཡང། དེའི་རྗེས་ནས་༣༠༠ ལྷག་འཕར་བ་དང། ཡང་དེ་རྗེས་༧༠༠ ལྷག་ཙམ་ཟིན་པར་བསྒྲགས་ཡོད་པ་རེད། འོན་ཀྱང་ཚེས་༡༡ ཉིན་སླར་ཡང་ཀན་སུའུ་ཞིང་ཆེན་སྲིད་གཞུང་གསར་འགྱུར་གཞུང་སྒྲུབ་ཁང་གིས་བསྒྲགས་པ་ལྟར་ན་འབྲུག་ཆུའི་ཆུ་ལོག་ཆེན་པོའི་གནོད་འཚེ་ཁྲོད་ནས་རྐྱེན་ལམ་དུ་ཤོར་བའི་༡༡༡༧ ལ་ཟིན་ཡོད་པ་རེད།

བོད་ནང་དུ་ཆབ་སྲིད་ཐོག་དམ་དྲག་དང་སློབ་གསོའི་ལས་འགུལ་མང་པོ་སྤེལ་ནས་བོད་མི་རྣམས་ལ་སུན་བཙིར་དྲག་གནོན་བྱེད་བཞིན་པ་མ་ཟད། བོད་ནང་དུ་རྒྱ་མི་རིགས་ཤུགས་ཆེན་གནས་སྤོ་བྱེད་བཞིན་པ་དེས་བོད་ཀྱི་ཡུལ་མིའི་འཚོ་གནས་ལ་དཀའ་ངལ་ཆེན་པོ་བཟོ་ཡི་ཡོད་པ་དང་། སྤྱི་ཚོགས་ཀྱི་བདེ་འཇགས་མི་ཡོང་བའི་རྒྱུ་རྐྱེན་དུ་གྱུར་ཡོད་པ་རེད་ཅེས་བརྗོད་འདུག

ཟླ་འདིའི་ཚེས་༨ ཉིན་བོད་ཀྱི་རྒྱལ་ས་ལྷ་སར་བོད་ཀྱི་གྲགས་ཅན་གཞས་པ་ཀུན་དགའི་《ཀུན་དགའ། ཨ་མ་ལགས་འཁྲབ་སྟོན་ལྟེ་གནས་》 (Genga- Ama Lak Performing Arts Center) ཞེས་པ་དངོས་སུ་སྒོ་འབྱེད་ཀྱི་རྟེན་འབྲེལ་མཛད་སྒོ་ཞིག་འཚོགས་པ་རེད།

 

ཟླ་འདིའི་ཚེས་༨ ཉིན་གྱི་སྔ་དྲོར་ཀན་སུའུ་ཞིང་ཆེན་ཀན་ལྷོ་ཁུལ་འབྲུག་ཆུ་རྫོང་དུ་ཆུ་ལོག་ཆེན་པོ་བྱུང་སྟེ། མི་༡༢༧ ཙམ་ལ་སྲོག་སྐྱོན་བྱུང་བ་དང། མི་༢༠༠༠ ཙམ་གར་སོང་མེད་པར་ཆགས་པ། མི་༧༠ ལྷག་ལ་རྨས་སྐྱོན་བྱུང་ཡོད་སྐོར་རྒྱ་ནག་དབུས་གཞུང་གི་གསར་འགྱུར་བརྒྱུད་ལམ་ནས་བསྒྲགས་ཡོད་པ་རེད།

འབྲེལ་ཡོད་ལ་བོད་ནས་ཁ་པར་བརྒྱུད་ཁུངས་ལྡན་གནས་ཚུལ་འབྱོར་གསལ་ལྟར་ན། མདོ་ཁམས་སྡེ་དགེ་འཇོ་མདའ་རྫོང་ཁོངས་ཨད་སྤུན་༼དབེན་པའི་༽ཤང༌། གདོང་སྒྲ་གྲོང་ཚོའི་བོད་མི་ག་ལུག་ལ་ལོ་༡ དང་ཕྱེད་ཀ་དང༌། དབང་ཕྱུག་ལ་ལོ་༡ བཅས་འཇོ་མདའ་རྫོང་ནས་ཁྲིམས་ཐག་བཅད་དེ་བཙོན་འཇུག་བྱེད་བཞིན་ཡོད་པའི་གནས་ཚུལ་གསར་དུ་གོ་ཐོས་བྱུང་འདུག

ཟླ་འདིའི་ཚེས་༣ ཉིན་ད་ལྟའི་བོད་རང་སྐྱོང་ལྗོངས་ཟེར་བའི་ཁོངས་གཏོགས་སོག་རྫོང་དུ་རྒྱ་མིའི་ཟ་ཁང་ཞིག་གི་ཟ་མའི་ནང་དུ་མིའི་མཛུབ་མོ་ཞིག་ཐོན་པའི་གནས་ཚུལ་བྱུང་ཡོད་པ་རེད།

ཟླ་འདིའི་ཚེས་༨ ཉིན་གྱི་སྔ་དྲོར་ཀན་སུའུ་ཞིང་ཆེན་ཀན་ལྷོ་ཁུལ་འབྲུག་ཆུ་རྫོང་དུ་ཆུ་ལོག་ཆེན་པོ་བྱུང་སྟེ། མི་༡༢༧ ཙམ་ལ་སྲོག་སྐྱོན་བྱུང་བ་དང། མི་༢༠༠༠ ཙམ་གར་སོང་མེད་པར་ཆགས་པ། མི་༧༠ ལྷག་ལ་རྨས་སྐྱོན་བྱུང་ཡོད་སྐོར་རྒྱ་ནག་དབུས་གཞུང་གི་གསར་འགྱུར་བརྒྱུད་ལམ་ནས་བསྒྲགས་ཡོད་པ་རེད།

 

གནས་ཚུལ་འབྱོར་གསལ་ལྟར་ན། ལོ་འདིའི་ཕྱི་ཟླ་༥ ཚེས་ ༡༦ མཚན་མོ་གསེར་རྟ་རྫོང་ཕུའུ་ཤང་ཐོག་ཏུ། ཁེ་སྐོར་སྡེ་བ་ཡིན་པའི་སྐལ་ལྡན་དང་། བསོད་ནམས་སྟོབས་ལྡན་གཉིས་ཀྱིས་བོད་ལ་འགྲོ་བ་མི་ཡི་ཐོབ་ཐང་དགོས་པ་དང་༧རྒྱལ་བ་རིན་པོ་ཆེ་མྱུར་དུ་བོད་ལ་གདན་འདྲེན་ཞུ་དགོས་པ་སོགས་འཁོད་པའི་ཡི་གེ་གཏོར་བ་དང། རྩིག་པའི་ངོས་སུ་སྦྱར་བཞིན་པའི་སྐབས་རྒྱ་གཞུང་གི་ཉེན་རྟོག་པས་འཛིན་བཟུང་བྱས་ཡོད་པ་དང་།

དེ་ལས་མང༌།...

པདྨ་བཀྲ་ཤིས་ལགས་ཀྱིས་གནས་ཚུལ་མཁོ་སྤྲོད་གནང་དོན། རྒྱ་ནག་གཞུང་གིས་༢༠༠༨ ལོར་ལྷ་སར་འཛིན་བཟུང་བྱས་པའི་གཡག་མགྲོན་ཁང་གི་སྦྱིན་བདག་རྡོ་རྗེ་བཀྲ་ཤིས་(གཡག་བཀྲ་ཤིས)དང་ཁོའི་ཕུ་བོ་རྡོ་རྗེ་ཚེ་བརྟན་གཉིས་རྒྱ་ནག་གཞུང་ནས་ཆབ་སྲིད་དང་འབྲེལ་བ་ཡོད་ཚུལ་སོགས་བརྗོད་དེ་

ཟླ་འདིའི་ཚེས་༢ ཉིན་ཉེ་ཆར་ཕྱི་ཟླ་༧ པའི་ཚེས་༤ ཉིན་རྒྱ་གཞུང་གི་སྟངས་འཛིན་འོག་སྡེ་དྲུག་སྐུ་ཕྲེང་ལྔ་པའི་ཡང་སྲིད་གསེར་བུམ་དཀྲུགས་འདོན་བྱས་པ་དེ། བོད་རང་སྐྱོང་ལྗོངས་ཀྱི་ཁོངས་གཏོགས་ལྷོ་ཁ་ས་ཁུལ་ལྷུན་རྩེ་རྫོང་སྒྲ་འུར་དགོན་པར་གསེར་ཁྲི་མངའ་གསོལ་གྱི་མཛད་སྒོ་འཚོགས་འདུག

ཕྱི་ལོ་༢༠༠༩ ལོའི་ཟླ་༡༡ པ་ནས་ད་བར། བོད་ལྗོངས་རང་སྐྱོང་ལྗོངས་ལྗོངས་ཀྱི་ས་ཁུལ་དུ་དབྱར་རྩྭ་དགུན་འབུའི་རིན་གོང་ལྡབ་༤ ཡས་མས་འཕར་ཡོད་པའི་གནས་ཚུལ་སྤེལ་འདུག

ཉེ་ཆར་བོད་ལྗོངས་མི་དམངས་དཔེ་སྐྲུན་ཁང་གིས་པར་དུ་བསྐྲུན་པའི་《བོད་ཀྱི་གནའ་བོའི་དབྱངས་ཡིག་ཞིབ་འཇུག》 ཅེས་པའི་ནང་དུ། བོད་བརྒྱུད་ནང་བསྟན་གྱི་གྲུབ་མཐའ་ཁག་གིས་དུས་སྐབས་མི་འདྲ་བའི་ནང་གི་ཆོས་འཆད་རྩོད་དམ་ཀློག་པའི་རོལ་དབྱངས་ཀྱི་དབྱངས་རྟགས་དང་། རོལ་ཆས་དཀྲོལ་རྡུང་གི་རོལ་དབྱངས་ཀྱི་དབྱངས་རྟགས་བཅས་ཀྱི་གྲུབ་ཚུལ་དང་། འཕེལ་རྒྱས། རྒྱུད་འཛིན་བཅས་བྱས་པར་འཚོལ་ཞིབ་བྱས་པ་མ་ཟད།

འབྲེལ་ཡོད་ཀྱིས་འདི་གར་ཁུངས་ལྡན་གནས་ཚུལ་མཁོ་སྤྲོད་གནང་དོན། ཟླ་འདིའི་ཚེས་༢༡ ཉིན་ཁམས་ནག་ཆུ་རྫོང་ཤག་རོང་པོ་དགོན་པའི་གྲྭ་མཁྱེན་རབ་ཐོགས་མེད་དང་། གྲྭ་ངག་དབང་ནོར་བུ་གཉིས་འཛིན་བཟུང་བྱས་འདུག་ཀྱང་ད་སྐབས་གྲྭ་ངག་དབང་ནོར་བུ་གློད་གྲོལ་བཏང་ཡོད་པ་དང། མཁྱེན་རབ་ཐོགས་མེད་གར་ཡོད་ཤེས་རྟོགས་མེད་པ་རེད།

༧གོང་ས་མཆོག་དང་བླ་མ་ཟླ་བ་གཉིས་ལ་དགག་པ་མཐའ་ཅིག་ཏུ་རྒྱག་དགོས་པ་དང༌། དགོན་པའི་ངོས་ནས་ད་ནས་བཟུང་བླ་མ་ཟླ་བ་དང་འབྲེལ་བ་བྱེད་མི་ཆོག་པ་དང། བླ་མ་ཟླ་བ་ད་ནས་བཟུང་སྟེ་བླ་མ་མིན་པ་མ་ཟད་སྐུ་ཕྲེང་རྗེས་མའི་ཡང་སྲིད་ཀྱང་ངོས་འཛིན་བྱེད་མི་ཆོག་ཅེས་རྒྱ་གཞུང་གིས་བཙན་བཀའ་བཏང་འདུག

ཟླ་འདིའི་ཚེས་༢༠ ཉིན་བོད་རང་སྐྱོང་ལྗོངས་སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་སྐབས་དགུ་པའི་གྲོས་ཚོགས་ཐེངས་བཅུ་གཅིག་པའི་སྟེང་གྲོས་མཐུན་བྱུང་བ་བཞིན་བློ་བཟང་རྒྱལ་མཚན་སྲིད་གྲོས་ཀྱི་ཚོགས་གཙོ་གཞོན་པའི་གོ་གནས་ནས་དགོངས་ཞུ་བྱས་འདུག

ཟླ་འདིའི་ཚེས་ཚེས་༢༠ ཉིན་ཆིན་ཧྭ་སློབ་གྲྭ་ཆེན་མོའ་ི༢༠༡༠ ལོའི་དབྱར་དུས་ཀྱི་ཞིབ་འཇུག་སློབ་མར་མཐར་ཕྱིན་ལག་ཁྱེར་སྤྲོད་པའི་མཛད་སྒོ་ཞིག་འཚོགས་ནས། མཛད་སྒོའི་ཐོག་ཆིན་ཧྭ་སློབ་གྲྭ་ཆེན་མོའི་སློབ་སྤྱི་དང། སློབ་གྲྭའི་དཔྱད་བསྡུར་འཐུས་མི་ལྷན་ཁང་གི་འགན་འཛིན་ཀུའུ་པེན་ལེན་ཡོན་ཧྲི་ཡིས་པཎ་ཆེན་སྐུ་ཕྲེང་བཅུ་པའི་སྲས་མོ། ཡབ་གཞིས་པན་རིག་འཛིན་དབང་མོ་ལ་ཆིན་ཧྭ་སློབ་གྲྭ་ཆེན་མོའི་དངུལ་རྩ་རིག་པའི་(Economic and management) འབུམ་རམས་པའི་མིང་བཏགས་སྤྲད་ཡོད་པ་རེད་འདུག

བོད་དབུས་ཁུལ་གྱི་མལ་གྲོ་གུང་དཀར་རྫོང་གི་རྒྱ་མ་ས་ཁུལ་ནང། རྒྱ་ནག་གཞུང་གིས་ལྕགས་རིགས་ཀྱི་གཏེར་ཁ་སྔོག་འདོན་གྱི་འཆར་གཞི་ཆེན་པོ་ལག་བསྟར་བྱེད་འགོ་བཙུགས་ཡོད་པ་དེ། བོད་ཀྱི་ས་ཁུལ་ནང་གཏེར་ཁ་སྔོག་འདོན་གྱི་འཆར་འགོད་ཆེན་པོ་༨ ཀྱི་ནང་ནས་གཅིག་ཆགས་ཡོད་པ་རེད།

ཟླ་འདིའི་༡༨ ཉིན་བོད་མདོ་སྨད་རྔ་པ་ཁུལ་འབར་ཁམས་རྫོང་ནས་ཁྲིན་ཏུའུ་གྲོང་ཁྱེར་དུ་འགྲོ་མཁན་གྱི་སྤྱི་སྤྱོད་རླངས་འཁོར་ཞིག་གཙང་པོའི་ནང་དུ་ཟགས་ནས་མི་༢༦ ཙམ་གར་སོང་མེད་པར་གྱུར་པ་དང། མི་༡༡ ཙམ་ལ་རྨས་སྐྱོན་བཟོས་ཡོད་པ་རེད།

ཉེ་ཆར་ལི་ཐང་ཨོ་ཐོག་གི་བུད་མེད་ལྔ་དང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྲིང་མོ་གཉིས་བཅས་བུད་མེད་བདུན། སྲི་ཁྲོན་ཞིང་ཆེན་གྱི་རྒྱལ་ས་ཁྲིན་ཏུའུ་རུ་ཞིང་ཆེན་སྲིད་གཞུང་དུ་སྤྲུལ་སྐུའི་སྐོར་ཞུ་བཏུགས་བྱེད་དུ་ཕྱིན་ནས། ཁ་སང་ཚེས་༡༧ ཉིན་ཕྱིར་རང་ཁྱིམ་དུ་སླེབས་ཡོད་པ་རེད། བུད་མེད་བདུན་ནི་རིན་པོ་ཆེའི་སྲིང་མོ་ཆེ་བ་བསོད་ནམས་བདེ་སྐྱིད་ལོ་༥༧ ཅན་དང་། ཆུང་བ་སྒྲོན་དཀར་རང་ལོ་༤༧ ཨོ་ཐོག་གི་ཨ་ཕ་བུ་མོ་ཞེས་པ་ལོ་༦༣ བསོད་སྦོ་ཞེས་པ་ལོ་༣༧ བསོད་ཆོས་ཞེས་པ་ལོ་༤༧ རྒྱས་པོ་ཞེས་པ་ལོ་༣༥ བདེ་པོ་ཞེས་པ་ལོ་༤༠ བཅས་བདུན་པོ་དེ་ཡིན་འདུག་ལ་རིན་པོ་ཆེའི་སྲིང་མོ་གཉིས་ད་ཐེངས་ཀྱི་ཞུ་བཏུགས་བརྩིས་པའི་ཞུ་བཏུགས་ཐེངས་༡༢ པ་དེ་ཆགས་ཡོད་པ་རེད།

ད་ལྟའི་ཆར་རྒྱ་ནག་གཞུང་གིས་སི་ཁྲོན་ཞིང་ཆེན་ཞེས་པའི་ཁོངས་སུ་ཡོད་པའི་ཁམས་པའི་བོད་སྐད་བརྙན་འཕྲིན་ལེ་ཚན་དེ་ལོ་ངོ་གཅིག་ཙམ་རིང། གྲ་སྒྲིག་དང་ཚོད་གཏོང་བྱས་ནས་ལེགས་འགྲུབ་གང་ལེན་བྱུང་ཡོད་པར་བརྟེན། ཟླ་འདིའི་ཚེས་༡༤ ཉིན་དངོས་སུ་གཏོང་འགོ་བརྩམས་ཡོད་པ་རེད།

ཨ་མདོ་རྔ་པ་ཁུལ་གྱི་རྩོམ་པ་པོ་གཉན་དང་བུད་ངྷ་གཉིས་ཕྱི་ཟླ་༦ ཚེས་༢༡ ཉིན་རྒྱ་ནག་གཞུང་གིས་འཇུ་བཟུང་བྱས་ཡོད་པ་དང། ད་ལྟའི་ཆར་ས་གནས་གང་དུ་བཀག་ཉར་དང་ཁོང་གཉིས་ཀྱི་གནས་སྟངས་སོགས་གང་ཡང་ཤེས་རྟོགས་ཐུབ་ཀྱི་མེད་པ་རེད།  ཁོང་གཉིས་འཛིན་བཟུང་བྱེད་དོན་ནི་༢༠༠༨ ལོའི་ཤར་དུང་རི་ཞེས་པའི་བོད་ཡིག་དུས་དེབ་སྟེང་རྩོམ་ཡིག་སྤེལ་བར་འབྲེལ་བ་ཡོད་པར་དོགས་གཞི་བྱེད་ཀྱི་ཡོད་སྐོར་བརྒྱུད་ལམ་ཁག་ཏུ་གནས་ཚུལ་སྤེལ་འདུག

ཉེ་ཆར་བོད་མདོ་སྨད་རྨ་ཆུ་རྫོང་རྨ་ཁུགས་རྟ་རས་མདོ་སྨད་རྟའི་ཆོལ་ཁའི་རིགས་བཟང་རྒྱུད་གཙང་གི་རྟའི་རིག་གནས་གོང་འཕེལ་གཏོང་བ་དང་། གནའ་བོའི་ལུས་རྩལ་དེ་བོད་ཡུལ་ནས་ཉམས་པ་སླར་གསོ་བྱ་ཆེད་ནང་སོག་ནས་ཆེད་ལས་མཁས་པ་གདན་དྲངས་ཏེ། ཡུལ་དེ་གའི་རྟ་རྩལ་ལ་བྱང་བའི་གཞོན་ནུ་ལོ་ཆུང་ཚོར་ལུས་རྩལ་དེ་ཇི་ལྟར་རྩེ་བའི་སྐོར་གྱི་སློབ་སྟོན་དང། རྟ་ཐོག་སྤོ་ལོའི་རུ་ཁག་བརྒྱད་རྩ་འཛུགས་བྱས་ཡོད་འདུག

༢༠༠༨ ལོར་མདོ་ཁམས་ཏྲེ་ཧོར་ས་གནས་སུ་བོད་མི་ཚོས་རྒྱ་ནག་གཞུང་ལ་ཞི་བའི་ངོ་རྒོལ་བྱས་པ་དེར། རྒྱ་ནག་གཞུང་གིས་དྲག་གནོན་ཚབས་ཆེན་བྱས་པ་དང། ཞི་རྒོལ་བ་མང་པོ་དམར་གསོད་དང། དེ་ལས་མང་བར་རྨས་རྐྱོན་བྱུང་བ་མ་ཟད། བཙོན་འཇུག་ཀྱང་གང་མང་བྱས་ཡོད་མོད། དེའི་སྐབས་དམ་དྲག་ཧ་ཅང་ཆེ་བའི་དམར་གསོད་བཏང་བའི་ཕུང་པོ་ཡང་ལག་སོན་བྱུང་མེད། དེའི་སྐབས་དམར་གསོད་བཏང་བའི་ཀུན་དགའ་ལགས་ཀྱི་ཕུང་པོའི་འདྲ་པར་ཞིག་ད་ལྟ་ཕྱིར་བསྒྲགས་བྱེད་ཐུབ་འདུག

ཟླ་འདིའི་ཚེས་༡༣ ཉིན་བོད་རང་སྐྱོང་ལྗོངས་ནས་བོད་རིག་པ་བ་དང་སྤྲུལ་སྐུའི་འཐུས་ཚབ་ཚོགས་པ་ཟེར་བ་ཉི་ཧོང་དུ་སོང་ནས་དེར་འཚམས་འདྲི་འབྲེལ་འདྲིས་ཀྱི་འགོ་བརྩམས་ཡོད་ཟེར། འཐུས་ཚབ་ཚོགས་པ་དེའི་ཚོགས་གཙོ་ནི་ཀྲུང་དབྱང་མི་རིགས་སློབ་གྲྭ་ཆེན་མོའི་སློབ་སྤྱི་གཞོན་པ་ཤེས་རབ་ཉི་མ་ཡིན་པ་དང། འཐུས་ཚབ་ཚོགས་པའི་ནང་སྤྲུལ་སྐུ་བློ་བཟང་བྱམས་པ་དང། ཀྲུང་དབྱང་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་བ་སུའུ་ཧྥ་ཞང་སོགས་ཡོད་འདུག

ལོ་འདིའི་ཕྱི་ཟླ་༢ པའི་ཟླ་དཀྱིལ་ཙམ་ལ་བོད་ཀྱི་རྒྱལ་ས་ལྷ་ས་ནས་ཕ་ཡུལ་སྨར་ཁམས་རྫོང་ཁོངས་ནས་ཡིན་པ་དང། མིང་ལ་འཕྲིན་ལས་ཟེར་བ་རང་ལོ་༤༥ ཙམ་ཡིན་པ་ཁོང་གིས་རྒྱལ་ཁབ་ཕྱི་ལོག་གི་རླུང་འཕྲིན་ཉན་པ་དང། རླུང་འཕྲིན་ནང་བཤད་པའི་གསར་འགྱུར་གྱི་ནང་དོན་མི་མང་ལ་བཤད་པའི་ཉེས་འཛུགས་འོག་རྒྱ་གཞུང་གིས་བཟུང་བྱས་ཡོད་འདུག

རྟའུ་ཆོས་མཛད་ཕུན་ཚོགས་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། དེང་དུས་རྒྱ་ནག་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་གྱི་ཁོངས་གཏོགས་རྟའུ་རྫོང་དུ། རྟའུ་ཉ་མཚོ་ཐོས་བསམ་དར་རྒྱས་གླིང་དགོན་པས་གོ་སྒྲིག་འོག་རྟའུ་རྣམ་རྒྱལ་མཆོད་རྟེན་མདུན་ཐང་ཆེན་མོ་རུ་རྟའུ་ཡུལ་དགོན་གཉིས་ཀྱིས་ཉིན་གསུམ་རིང་༸གོང་ས་སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་སྲུང་བརྩི་ཞུས་ཡོད་འདུག

དེ་ལས་མང༌།... མཆན་གསར་པ་སྤེལ།

ཟླ་འདིའི་ཚེས་༥ ཉིན་ཀརྨ་བསམ་འགྲུབ་ཀྱི་སྲུ་མོའི་བུ་བཀྲ་ཤིས་སྟོབས། ད་སྐབས་ལྷ་སར་བོད་ཡིག་དགེ་རྒན་བྱེད་བཞིན་ཡོད་པ་དེ་རྒྱ་གཞུང་གིས་འཛིན་བཟུང་བྱས་ཡོད་པ་རེད། ཁོང་ནི་ཀརྨ་བསམ་འགྲུབ་སོགས་ཀྱི་ཁྱིམ་ཚང་ནས་འཇུ་བཟུང་བྱས་པའི་མི་སྣ་དྲུག་པ་དེ་ཆགས་ཡོད་པ་རེད་འདུག  

ཟླ་འདིའི་ཚེས་༦ ཉིན་གྱི་དགོང་མོའི་དུས་ཚོད་༡༠ དང་སྐར་མ་༢༠ ཙམ་ལ། མཚོ་སྔོན་ཞིང་ཆེན་གྱི་ཁོངས་གཏོགས་སྟོང་སྐོར་རྫོང་དུ་དྲག་ཆར་བབས་ནས། རྫོང་དེའི་སི་ཀྲེད་དང་། ཉི་ཟླ། པོ་ཧང་། ཧི་ཕེན། ཏ་ཧྭ། པ་ཡན་སོགས་གྲོང་བརྡལ་དྲུག་ལ་ཆུ་ལོག་དང་སེར་བས་གནོད་འཚེ་ཐེབས་ཏེ། མི་༡༢ རྐྱེན་ལམ་དུ་ཤོར་བ་དང། མི་༡༡ ལ་རྨས་སྐྱོན་ཚབས་ཆེན་ཕོག་པ། མི་༣ གར་སོང་ཆ་མེད་གྱུར་ཡོད་པ་རེད།

ལོ་འདིའི་ཕྱི་ཟླ་༦ ཚེས་༢༣ ཉིན་རྒྱ་ནག་གི་རྩོམ་པ་པོའི་མཐུན་ཚོགས་ཀྱིས་ཡོངས་ཁྱབ་གསལ་བསྒྲགས་སྤེལ་ཏེ། ཡོངས་ཁྱབ་གསལ་བསྒྲགས་དེའི་ནང་དུ་ཕྱི་ལོ་༢༠༡༠ ལོའི་རྒྱུ་ནག་གི་རྩོམ་པ་པོའི་མཐུན་ཚོགས་ནང་དུ་ཚོགས་མི་གསར་པ་༣༧༨ ཀྱི་མིང་ཐོ་ཁྱབ་བསྒྲགས་བྱས་པའི་ཁྲོད་དུ་བོད་མི་༦ ཚུད་ཡོད་པའི་གནས་ཚུལ་ཐོན་ཡོད་པ་རེད།

འདི་ལོའི་ཕྱི་ཟླ་༦ ཚེས་ ༢༧ ཉིན་མདོ་སྨད་མཛོད་དགེ་རྫོང་མཐའ་མ་སྡེ་བའི་སྡེ་དཔོན་དང་ས་གནས་མི་མང་གི་འགོ་བ་སོགས་མི་སྣ་༧ ཙམ་རྫོང་ཉེན་རྟོག་མི་སྣས་འཛིན་བཟུང་བཀག་ཉར་བྱས་ཡོད་འདུག

ཟླ་འདིའི་ཚེས་ཚེས་༣ ཉིན་ཁམས་ཆབ་མདོ་ས་ཁུལ་འབྲིང་རིམ་མི་དམངས་ཁྲིམས་ཁང་གིས་ཀརྨ་བསམ་འགྲུབ་ཀྱི་གཅེན་པོ་རིན་ཆེན་བསམ་འགྲུབ་ལ། རྒྱལ་ཁབ་ཁ་བྲལ་གཏོང་བའི་ལས་ཀ་བྱས་པ་ཟེར་བའི་ནག་ཉེས་བཙུགས་ཏེ་མི་ལོ་ལྔའི་བཙོན་འཇུག་ཁྲིམས་ཐག་བཅད་ཡོད་པ་རེད།

ཟླ་འདིའི་ཚེས་༤ ཉིན་ལྷ་སའི་ཁང་གི་ཇོ་བོ་ཤཱཀྱ་མུ་ནེའི་སྐུ་མདུན་དུ་སྡེ་དྲུག་སྐུ་ཕྲེང་ལྔ་པའི་ཡང་སྲིད་ངོས་འཛིན་དང་སྐྲ་ཕུད་ལེན་པའི་མཛད་སྒོ་ཞེས་པ་འཚོགས་ཤིང།  མཛད་སྒོའི་ཐོག་རྒྱ་གཞུང་གིས་ངོས་བཟུང་བའི་པཎ་ཆེན་རྒྱལ་མཚན་ནོར་བུས་ གསེར་བུམ་དཀྲུགས་ནས་སྡེ་དྲུག་སྐུ་འཕྲེང་ལྔ་པའི་ཡང་སྲིད་ཅེས་པ་ངོས་འཛིན་བྱས་འདུག

ཟླ་སྔོན་མའི་ཚེས་༢༤ ཉིན་མི་ལོ་༡༥ རིང་བཙོན་འཇུག་ཁྲིམས་ཐག་བཅད་པའི་བོད་ཀྱི་གྲགས་ཅན་ཁོར་ཡུག་སྲུང་སྐྱོབ་པ་དང། གནའ་རྫས་གཅེས་ཉར་བ་ཚོང་པ་ཀརྨ་བསམ་འགྲུབ་ཀྱི་ཕུ་བོ། ཁོར་ཡུག་སྲུང་སྐྱོབ་ཀྱི་ལས་འགུལ་བ་རིན་ཆེན་བསམ་འགྲུབ་ལ་ཕྱི་ཟླ་༧ པའི་ཚེས་༣ ཉིན་ཁམས་ཆབ་མདོ་ས་ཁུལ་དུ་ཁྲིམས་གཏུགས་བྱེད་རྒྱུ་གཏན་ཁེལ་ཡོད་པ་རེད།

ཉེ་བའི་ཆར་རྒྱ་ནག་འཐབ་ཕྱོགས་གཅིག་གྱུར་ཁང་གི་བོད་རིག་པ་ཞིབ་འཇུག་ལྟེ་གནས་ཀྱི་གོ་སྒྲིག་བྱས་པའི་སྐབས་གཉིས་པའི་ཇོ་མོ་གླང་མ་རིའི་བོད་རིག་པ་ཞིབ་འཇུག་ཆེས་མཐོའི་བྱ་དགའ་ཞེས་པ་ནུབ་བྱང་མི་རིགས་སློབ་ཆེན་གྱི་དགེ་རྒན་ཆེན་མོ་བཞིའི་ཞིབ་འཇུག་རྣམ་གྲངས་བཞི་ལ་བྱ་དགའ་ཐོབ་ཡོད་འདུག

ཉེ་ཆར་རྒྱ་ནག་གཞུང་གིས་མི་ལོ་༡༥ བཙོན་འཇུག་ཁྲིམས་ཐག་བཅད་པའི་ཚོང་པ་གྲགས་ཅན་རེ་ཁེ་ཀརྨ་བསམ་འགྲུབ་ཀྱི་བཟའ་ཟླ་སྒྲོལ་དཀར་མཚོས། ཁོང་གི་བཟའ་ཟླར་དྲང་བདེན་མིན་པའི་ཁྲིམས་ཐག་བཅད་པ་དེར། ཞུ་གཏུགས་ཡི་གེ་ཞིག་ཡོངས་གྲགས་སུ་སྤེལ་ནས་རྒྱ་ནག་མཐོ་རིམ་མི་སྣར་དྲང་བདེན་གྱི་ཐག་གཅོད་ཡོང་བའི་རེ་འདུན་ཞུས་ཡོད་པ་རེད།

ཀརྨ་བསམ་གྲུབ། ཕོ། བོད་རིགས།  ༡༩༦༨  ལོར་བོད་ལྗོངས་ཆབ་མདོ་ས་ཁུལ་གོ་འཇོ་རྫོང་དུ་སྐྱེས། ༡༩༩༣ ལོར་བོད་ལྗོངས་ཆབ་མདོ་ས་ཁུལ་དུ་རོགས་དངུལ་བཏོན་ཏེ་ཟམ་པ་བཅུ་གྲངས་གསར་བསྐྲུན་བྱས་པ་མ་ཟད།  མ་དངུལ་བཏང་ནས་ས་ཆ་དེ་གའི་ད་ཡོད་ཀྱི་སློབ་ཆུང་གཅིག་པུ་འདི་གསར་བསྐྲུན་བྱས། ༡༩༩༧  ལོར་བོད་སྐྱོར་ཐེབས་རྩ་ཚོགས་པར་ཞུགས། ལོ་དེ་གར་བོད་སྐྱོར་ཐེབས་རྩ་ཚོགས་པའི་ཀོང་ཏུང་དོན་གཅོད་ཁང་བཙུགས། ༡༩༩༨ ལོར་བོད་ལྗོངས་ཆབ་མདོ་ས་ཁུལ་ས་གནས་ཞིང་པ་མང་ཚོགས་ལ་རོགས་དངུལ་བཏོན་ནས་སྨན་ཁང་བཙུགས།

དེ་ལས་མང༌།... མཆན་གསར་པ་སྤེལ།

སྟོད་མངའ་རིས་ས་ཁུལ་དུ་ཚོང་ལས་གཉེར་བཞིན་ཡོད་པའི་ཆབ་མདོ་ས་ཁུལ་སྨར་ཁམས་རྫོང་གི་ཚོང་པ་ཁག་ཅིག་རྒྱ་ནག་གཞུང་གི་ཉེན་རྟོག་པས་འཛིན་བཟུང་བྱས་པ་དང། ད་སྐབས་བཀག་ཉར་བྱས་ཡོད་པ་ཙམ་ལས་གཉེན་ཉེ་སོགས་དང་ཐུག་འཕྲད་བྱེད་བཅུག་མེད་པ་རེད་འདུག

ཟླ་འདིའི་ཚེས་༢༥ ཉིན་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། ལོ་འདིའི་ཕྱི་ཟླ་༡ པོའི་ནང་འཇུ་བཟུང་བྱས་པའི་བོད་ཀྱི་གནའ་རྫག་བདག་ཉར་བྱེད་མཁན་དང། ཁོར་ཡུག་སྲུང་སྐྱོབ་ཀྱི་ལས་འགུལ་བ། དུས་རྒྱུན་ཚོང་ལས་གཉེར་མཁན་གྱི་ཚོང་པ་ཀརྨ་བསམ་འགྲུབ་ལ་ཁ་སང་ཚེས་༢༤ གཟའ་ཕུར་བུ་ཉིན་མི་ལོ་༡༥ བཙོན་འཇུག་ཁྲིམས་ཐག་བཅད་ཡོད་པ་རེད།