ལོ་འདིའི་ཕྱི་ཟླ་༦ ཚེས་༢༣ ཉིན་རྒྱ་ནག་གི་རྩོམ་པ་པོའི་མཐུན་ཚོགས་ཀྱིས་ཡོངས་ཁྱབ་གསལ་བསྒྲགས་སྤེལ་ཏེ། ཡོངས་ཁྱབ་གསལ་བསྒྲགས་དེའི་ནང་དུ་ཕྱི་ལོ་༢༠༡༠ ལོའི་རྒྱུ་ནག་གི་རྩོམ་པ་པོའི་མཐུན་ཚོགས་ནང་དུ་ཚོགས་མི་གསར་པ་༣༧༨ ཀྱི་མིང་ཐོ་ཁྱབ་བསྒྲགས་བྱས་པའི་ཁྲོད་དུ་བོད་མི་༦ ཚུད་ཡོད་པའི་གནས་ཚུལ་ཐོན་ཡོད་པ་རེད།
མིང་ཐོ་ཁྱབ་བསྒྲགས་བྱས་པ་དེ་དག་ནང་དུ། བོད་རང་སྐྱོང་ལྗོངས་ཁོངས་གཏོགས་ནས་ཡིན་པ་ཉི་མ་ཕན་ཐོགས་དང་། ཚེ་རིང་ནོར་བུ། ནོར་བུ་ཚེ་རིང་བཅས་དང་། མཚོ་སྔོན་ཞིང་ཆེན་གྱི་ཁོངས་གཏོགས་ནས། གྲགས་ཅན་གློག་བརྙན་འཁྲབ་ཁྲིད་པ་པད་མ་ཚེ་བརྟན་དང། སྟག་འབུམ་རྒྱལ། ཀན་སུའུ་ཞིང་ཆེན་གྱི་ཁོངས་གཏོགས་ནས་ཡིན་པ་ཡན་ཞོའུ་ཡན་བཅས་ཡིན་པ་རེད། དེའི་ནང་ནས་བུད་མེད་གཉིས་ཡོད་པ་ནི། ཉི་མ་ཕན་ཐོགས་དང། ཡན་ཞིའུ་ཡན་གཉིས་ཡིན་པ་རེད།།
