ཟླ་འདིའི་ཚེས་༢༤ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་གཞུང་གིས་སླར་ཡང་ཡུ་གུར་མི་ལྔ་ལ་སྲོག་ཐོག་གི་ཁྲིམས་ཆད་བཏང་ཡང་། གནས་སྐབས་རིང་སྲོག་ཐོག་བཏང་མེད་སྐོར་བརྗོད་ཡོད་པ་རེད། ད་བར་རྒྱ་གཞུང་གིས་ཡུ་གུར་མི་༢༢ ལ་སྲོག་ཐོག་ཁྲིམས་ཆད་བཏང་བ་དང། དངོས་སུ་སྲོག་ཐོག་བཏང་བ་ད་བར་མི་༩ ཆགས་ཀྱི་ཡོད་འདུག
དོན་རྐྱེན་བྱུང་སྐབས་ཡུ་གུར་མི་རིགས་དངོས་སུ་ཟིང་ཆ་དེའི་ཁྲོད་མཉམ་ཞུགས་བྱས་ཡོད་མེད་ཇི་ལྟར་ཡང། དོན་རྐྱེན་དེའི་རྐྱེན་གྱིས་ཁམ་བྷོ་ཌི་ཡ་རྒྱལ་ཁབ་ཏུ་ཡུ་གུར་བ་ཉི་ཤུ་ཙམ་སྐྱབས་བཅོལ་དུ་སོང་བ་རྣམས་ཉེ་ཆར་ཁམ་བྷོ་ཌི་ཡ་གཞུང་ནས་ཕྱིར་རྒྱ་ནག་གཞུང་ལ་རྩིས་སྤྲོད་བྱས་ཡོད་པ་རེད། དེར་ཨ་རི་གཙོས་པའི་འགྲོ་བ་མིའི་ཐོབ་ཐང་གི་སྡེ་ཚན་ཁག་ཅིག་ནས་སྐྱོན་བརྗོད་ཤུགས་ཆེན་བྱས་ཡོད་འདུག ཡུ་གུར་བ་དེ་རྣམས་ཕྱིར་རྒྱ་ནག་ཏུ་རྩིས་སྤྲོད་བྱེད་དོན་ནི། ཁོ་ཚོས་ཁྲིམས་འགལ་ངང་རྒྱལ་ཁབ་དེར་གནས་སྤོས་བྱས་ལུགས་རྒྱ་ནག་དང་ཁམ་བྷོ་ཌི་ཡ་གཞུང་གཉིས་ཀྱིས་ཉེས་འཛུགས་བྱས་ཡོད་པ་རེད།།
ཟླ་འདིའི་ཚེས་༩ དང་༡༡ ལ་དྷ་ས་ཟློས་གར་ཚོགས་ཁང་དུ་བཀའ་ཁྲིའི་བགྲོ་གླེང་ཆེན་མོ་འཚོག་རྒྱུ་རེད།
