མི་ལོ་༥༥༠༠ སོང་བའི་ཀོ་བའི་ལྷམ་ཞིག་ཨར་མི་ནི་ཡ་རྒྱལ་ཁབ་ཀྱི་ལྷོ་ཕྱོགས་ས་ཁུལ་དུ་བྲག་ཕུག་ཅིག་གི་ནང་རྙེད་ཡོད་པ་དེ་འཛམ་གླིང་ནང་གི་ལྷམ་རྙིང་ཤོས་སུ་ཆགས་ཡོད་པ་རེད།
དེ་ཡང་ཟླ་འདིའི་ཚེས་༩ ཉིན་ཨར་མི་ནི་ཡ་རྒྱལ་ཁབ་ཀྱི་ལྷོ་ཕྱོགས་ས་ཁུལ་དུ་བྲག་ཕུག་ཅིག་གི་ནང་ཀོ་བའི་ལྷམ་ཞིག་རྙེད་ཡོད་པ་དེ་བརྟག་དཔྱད་བྱས་པ་བརྒྱུད། མི་ལོ་༥༥༠༠ སྔོན་གྱི་ལྷམ་ཞིག་ཡིན་པ་ར་འཕྲོད་བྱུང་ཡོད་པས། ཀོ་ལྷམ་དེ་ནི་ད་སྐབས་འཛམ་གླིང་ནང་གི་ལྷམ་རྙིང་ཤོས་དེ་ཆགས་ཡོད་པ་རེད། ལྷམ་རྙེད་སའི་བྲག་ཕུག་དེའི་ནང་གནམ་གཤིས་ཚ་གྲང་སྙོམས་པོ་ཡོད་པའི་རྐྱེན་གྱིས་ད་བར་རུལ་བ་སོགས་འཕྲོག་བརླག་མ་སོང་བར་གནས་ཐུབ་པ་བྱུང་ཞིང། ལྷམ་དེའི་བཟོ་དབྱིབས་དང་རྒྱུ་ཆ་སོགས་ལ་གཞིགས་ན་ལྷམ་བཟོ་བ་མཁས་པ་ཞིག་གིས་བཟོ་ཚེམ་བྱས་པ་ཞིག་ཡིན་པ་ཐག་ཆོད་རེད་ཅེས་འབྲེལ་ཡོད་ཉམས་ཞིབ་པ་མཁས་པ་རྣམས་ཀྱིས་འགྲེལ་བརྗོད་བྱས་འདུག །
