|
bodkyibangchen |
|
2012.04.20
 07:47:15
|
|||
|
བདུན་རེའི་གསར་ཤོག་བོད་ཀྱི་བང་ཆེན་ཀློག་མཁན་ཡོངས་ལ་འཚམས་འདྲི་ཞུ་རྒྱུ་དང། དེ་རིང་ནི་བོད་ཀྱི་བང་ཆེན་གསར་ཤོག་འཇིག་རྟེན་འདིར་སླེབས་ནས་མི་ལོ་ཧྲིལ་པོ་༩ འཁོར་བ་རེད། ཕྱི་ལོ་༢༠༠༣ ལོའི་ཕྱི་ཟླ་༤ ཚེས་༡༨ རེས་གཟའ་པ་སངས་ཉིན་ཐོག་མར་བཏོན་པ་དང། དེ་ནས་ལོ་གཉིས་རིང་མུ་མཐུད་ཟླ་ཕྱེད་ཀྱི་གསར་ཤོག་གི་ངོ་བོར་གནས་ཡོད།
|
|||
|
2011.12.25
23:22:37
|
|||
|
གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་བཀའ་དབང་ཐེངས་༣༢ པ་སྩོལ་བཞིན་པའི་སྐབས་སུ། གཞིས་བྱེས་གཉིས་ནས་ཆོས་ཞུ་བ་གང་མང་ཞིག་ཕེབས་ངེས་ལ་བརྟེན། འདི་ག་ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་ནས། གནས་ཚུལ་མཁྱེན་རྟོགས་སོགས་ཀྱི་ཆེད་ཆོས་ཞུ་བ་རྣམས་ལ་སྲི་ཞུ་རུ་དམིགས་ནས་གཤམ་གསལ་དོན་གནད་རྣམས་ལ་ཐུགས་སྣང་གནང་བའི་འབོད་སྐུལ་ཞུ་བཞིན་ཡོད།
|
|||
|
2011.11.14
05:49:14
|
|||
|
ཟིན་བྲིས་གསར་བཟོ་དགོས་མཁན་ཚོས་ཐུགས་སྣང་དགོས་པའི་གསལ་བསྒྲགས། བོད་ཀྱི་བང་ཆེན་དྲ་ཚིགས་སུ་སྒེར་སོ་སོར་རང་དབང་གི་ཟིན་བྲིས་བཟོ་སའི་མཐུན་རྐྱེན་བསྐྲུན་ཡོད་ཀྱང་། ཉེ་བའི་ཆར་ནས་གསང་མིང་འདྲ་མིན་བཀོད་དེ་ཟིན་བྲིས་ཐོག་དེབ་སྐྱེལ་བྱས་ཏེ། མི་སྒེེར་ལ་གནས་ལུགས་གང་ཡང་མེད་པའི་དོན་མེད་བསྙོན་འཛུགས་དང་། དཀྲུག་ཤིང་སྣ་ཚོགས་སྤེལ་མཁན་བྱུང་སོང་།
|
|||
|
2009.04.10
19:34:48
|
|||
|
ཁོ་ཚེ་ཚུལ་ཁྲིམས་ཟེར་བ་ནི་ཨ་མདོ་བླ་བྲང་བཀྲ་ཤིས་འཁྱིལ་གྱི་དགེ་འདུན་པ་ཞིག་ཡིན་པ་དང༌། ཁོ་ནི་བོད་ཀྱི་རིག་གནས་ལ་སྦྱང་བ་ཟབ་མོ་ཡོད་མཁན་ཞིག་ཡིན་འདུག ལོ་མང་བོའི་སྔོན་ནས་<<ཁོས་གངས་ལྗོངས་རིག་བཅུའི་སྙིང་བཅུད་ཆེན་མོ་>>ཞེས་པའི་དེབ་ཕྲེང་ཞིག་རྩོམ་སྒྲིག་པར་སྐྲུན་བྱེད་བཞིན་ཡོད་པ་དང༌། དེབ་དེའི་སྦྱིན་བདག་དོལ་ཚོགས་ཀྱི་འགོ་གཙོ་གངས་ཅན་བླ་མ་རྒྱ་བོ་དང༌། ད་དུང་དོལ་རྒྱལ་བའི་བླ་མ་ཁ་ཤས་ཤིག་ཡིན་འདུག་པ་དང༌། བོད་ནང་དུ་ཁོ་ཚེ་ཚུལ་ཁྲིམས་ལ་སྤྱི་ཚོགས་ནང་དུ་སྐྱོན་བརྗོད་བྱེད་མཁན་ཧ་ཅང་མང་བོ་ཡོད་འདུག་པ་དང༌། དྲ་རྒྱ་ཁག་ཏུའང་སྐྱོན་བརྗོད་བྱེད་མཁན་ཧ་ཅང་མང་བོ་ཡོད་པ་རེད། འོན་ཀྱང་སྔོན་མ་བལ་ཡུལ་དུ་དོལ་ཚོགས་ཀྱིས་གཉེར་བའི་ཚགས་པར་<<དམངས་གཙོའི་དུས་བབ་>>ཟེར་བའི་དགེ་བཤེས་ཆེན་མོ་ཁོ་ཚེ་ཚུལ་ཁྲིམས་ཞེས་ཁོའི་ལོ་རྒྱུས་དང་ཤེས་ཡོན་ལ་བསྟོད་པའི་རྩོམ་ཡིག་མང་བོ་ཞིག་སྤེལ་ཡོད་པ་སོགས། ཁོ་ཚེ་ནི་དོལ་ཚོགས་དང་འབྲེལ་བ་དམ་ཟབ་ཡོད་པའི་མི་ཞིག་ཡིན་པ་ཁོ་ཚེ་གོ་མྱོང་མཁན་ཞིག་ཡིན་ན་ཡོངས་གྲགས་ལྟ་བུར་གྱུར་ཡོད་པ་རེད།
|
|||
|
2009.04.04
00:34:23
|
|||
|
འདི་ན་སེམས་ཁམས་རིག་པ་ཡིན་ནམ་ཅིག་ལ་སློབ་སྦྱོང་བྱེད་མཁན་ཡིན་ཟེར་མཁན་ཁ་ཤས་ཤིག་གིས་བོད་པས་སེམས་དང་ཀླད་པའི་འབྲེལ་བར་འགྲེལ་བཤད་ག་འདྲ་རྒྱག་གི་རེད་ཟེར་ནས་འདུག་འཇུག་གིན་མི་འདུག དེ་ལ་མདོ་སྔགས་ཀྱི་བཞེད་པ་སོ་སོར་མ་འདྲེས་པར་འགྲེལ་སྟངས་འདྲ་ཡོད་པ་ཡིན་ནམ། རྣམ་པ་ཚོས་ནང་ཆོས་ཀྱི་བཞེད་པ་གཞིར་བཞག་ཏེ་ལན་རེ་འདེབས་ཐུབ་ན་ཕན་ཐོགས་འདུག ཐུགས་རྗེ་ཆེ།
|
|||
|
2009.03.26
19:24:41
|
|||
|
བསམ་ཚུལ་འདི་སྔོན་མ་དྲ་གྲོགས་ལྷ་སྨོན་ལགས་ཀྱིས་བཀའ་ཁྲིའི་འོས་གཞི་རུ་བཀའ་ཟུར་གསུམ་བཏོན་པའི་བགྲོ་གླེང་སྐབས་རང་ཉིད་ཀྱིས་བསམ་ཚུལ་བྲིས་པ་ཞིག་ཡིན་མོད། དེང་སྐབས་བརྗོད་གཞི་དེའི་ཐོག་འབྲེལ་མེད་ཀྱི་རྩོད་པ་མང་དག་ཅིག་མུ་མཐུད་དུ་བྲིས་ནས་བརྗོད་གཞི་ངོ་མ་གུད་དུ་ལུས་པ་ལྟ་བུ་ཆགས་འདུག དེར་བརྟེན་རང་ཉིད་ཀྱི་བསམ་ཚུལ་གང་ཡོད་པ་དེ་འདིར་བསྐྱར་དུ་བརྗོད་གཞི་རུ་བཀོད་ཡོད་པ་འདིའི་སྐོར་ལ་ལྟ་ཚུལ་གང་ཡོད་དྲ་གྲོགས་རྣམས་ཀྱིས་ཐད་ཀར་བརྗོད་གཞི་རང་དང་འབྲེལ་བའི་ཐོག་ནས་བགྲོ་གླེང་གནང་རོགས། ངའི་ངོས་ནས་གཤམ་དུ་བཙན་བྱོལ་བོད་པའི་སྤྱི་ཚོགས་ནང་ནས་འབུར་དུ་ཐོན་པའི་འབུམ་རམས་པ་གསུམ་བཀའ་ཁྲིའི་འོས་གཞི་རུ་འཚམས་སྦྱོར་ཞུ་རྒྱུ་ཡིན། གཅིག འབུམ་རམས་པ་(Dr.)དཀོན་མཆོག་བརྩོན་འགྲུས། ཁོང་གསུམ་གྱི་ངོ་སྤྲོད་མདོར་བསྡུས་རེ་གཤམ་དུ་བཀོད་ཡོད་པས་དེར་གཟིགས་རོགས་ཞུ།
|
|||
|
2009.02.12
04:47:32
|
|||
|
གང་ནས་མ་ཡོང་མ་ཤེས་གཞུར་ནས་འོང་བ་ཡིས།། རྟག་ཏུ་མནར་གཅོད་མྱོང་བའི་སེམས་པ་འདི།།
|
|||
|
2008.12.26
17:07:19
|
|||
|
ཁར་སང་དེ་རིང་ཞིག་ནས་མི་མང་པོ་ཞིག་གློ་བུར་དུ་གཉིད་ལས་སད་པ་ལྟ་ག་ས་གང་ལ་དོགས་པ་རྣམ་རྟོག་རེ་སློང་ས་ཨེ་རྙེད་ལྟ་བཞིན་འདུག་ལ། དེའི་གྲས་ནས་ངས་དོ་སྣང་བྱུང་ས་གཅིག་ནི་རང་རེའི་མགོ་མཁས་གྲུབ་དམ་པ་དག་ནས་མཇུག་ལུག་རྫི་རྒན་པོ་ཡན་ཆད་ཀྱིས་གཙུག་གི་ཏོག་ལྟར་བཀུར་བའི་མི་ལ་བཞད་པའི་རྡོ་རྗེ་ཞེས་མཚན་ཡོངས་སུ་གྲགས་པ་དེའི་རྣམ་ཐར་སྤྱི་དང་ལྷག་པར་ཡང་མགུར་འབུམ་གྱི་སྐོར་ལ་དོགས་སློང་འདི་འདྲ་ཞིག་ཡོང་གིན་འདུག དེ་ཡང་མི་ལ་སྐད་གྲགས་ཆགས་པ་དེ་ཡང་ཚུར་གཏུག་དུས་གཙང་སྨྱོན་ཧེ་རུ་ཀ་རུས་པའི་རྒྱན་ཅན་གྱིས་རྩོམ་སྒྲིག་མཛད་པའི་མགུར་འབུམ་རྣམ་ཐར་འདི་ཁོ་ན་ལས་མི་ལའི་ངོ་མཚར་བའི་མཛད་པ་རྣམས་རྟོགས་པ་ཡིན་མོད། རྣམ་མགུར་འདི་ལ་དོགས་གཞི་སྐྱེ་ས་མི་ཉུང་བ་ཞིག་ཡོད་པ་དེར་ཡང་ཁག་མེད། མགུར་དུ་བླངས་པའི་ཚིག་དེ་དག་རྗེ་མི་ལ་རང་གིས་ཡིག་ཐོག་ཏུ་བཀོད་པ་མེད་ལ་དེའི་ཞལ་སློབ་ལྟ་བུ་ཞིག་གིས་བཀའ་བསྡུ་བྱས་ཚུལ་ཡང་མེད། དེ་ཡང་དཔེར་ན་ལྷ་འདྲེ་མི་མ་ཡིན་ལ་བླངས་པའི་མགུར་གླུ་དེ་ཚོ་སུ་ཞིག་གིས་ཐོས་ཤིང་ཡི་གེར་བཀོད་ཚུལ་སོགས་ལ་ཡང་དོགས་གཞི་ཆེ། གཙང་སྨྱོན་གྱིས་བཀའ་བསྡུ་བྱས་ཟེར་ན་གཙང་སྨྱོན་འདི་བ་མི་ལ་འདས་ནས་ལོ་བརྒྱ་ཕྲག་དུ་མའི་རྗེས་སུ་བྱུང་བ་ཡིན་ཞིང་ཁོང་གིས་རྗེ་མི་ལའི་མགུར་འབུམ་བསྒྲིགས་ཚུལ་སྐོར་ཡང་དམངས་ཁྲོད་ནས་བསྡུ་རུབ་གནང་ཚུལ་ཞིག་གསུངས་འདུག དངོས་ཡོད་གནས་སྟངས་གཞིར་བཞག་ནས་བསམ་ན་རྗེ་མི་ལ་ཟེར་བ་ཞིག་འཇིག་རྟེན་འདིར་བྱུང་བར་བསྙོན་དུ་མེད་ཀྱང་རྣམ་ཐར་དུ་བྲིས་པ་ཚང་མ་བདེན་པ་ཡིན་མིན་གྱི་དོགས་གཞི་སྐྱེས་ཡུལ་ཞིག་ཆགས་འདུག་པ་ནི་མགུར་མ་འདི་དག་ལས་ཀྱང་ཤེས་པ་ཞིག་རེད། འོན་ཀྱང་རྣམ་ཐར་རང་ངོས་ནས་སྤྱིར་བཏང་རྩོམ་རིག་གི་སྒྱུ་རྩལ་དང་ནང་དོན་རིག་པའི་རྣམ་བཞག་དང་མཐུན་མིན་གྱི་སྐོར་ལ་བསམ་ཚེ་རྨ་ཐར་འདི་འདྲའི་ཡིད་འཕྲོག་པ་ཞིག་ཕལ་ཆེར་བོད་དུ་མི་འདུག་ཅེས་བརྗོད་ཆོག་པར་འདུག འོན་ཀྱང་དེ་ཡང་རང་རེའི་གེ་སར་གྱི་སྒྲུང་དང་རྒྱ་ནག་གི་ཐང་སིན་བླ་མའི་རྟོགས་བརྗོད་ནུབ་ཕྱོགས་འགྲིམས་པའི་གཏམ་རྒྱུད་ལྟ་བུ་དང་ཁྱད་པར་ཆེར་མེད་པའི་སྒྱུ་རྩལ་གྱིས་མཛེས་རྒྱན་སྤྲས་པའི་རྟོགས་བརྗོད་ཅིག་ཏུ་ཁས་བླངས་ན་མི་རུང་བ་ཡོད་དམ། བརྗོད་གཞི་འདི་ཉེ་སྔོན་བོད་ཡིག་གི་དྲྭ་རྒྱ་གཞན་པ་རེའི་སྟེང་ནས་ཀྱང་གླེང་སློང་རེ་བྱས་སོང་ཡང་སྒྲོ་འདོགས་ཆོད་པ་འདྲ་བྱུང་མ་སོང་བས་འདི་གའི་དྲྭ་གྲོགས་ཚོར་དགོང་ཚུལ་གང་ཡོད་སྙམ་ནས་འདིར་བཀོད་པ་ཡིན།
|
|||
|
2008.12.19
08:23:11
|
|||
|
ཉལ་ཁྲིའི་སྟེང་ནས། ད་དུང་གཞས་པ་གྲགས་ཅན་ཡ་དུང་དང་ཀུན་དགའ་སོགས་ཀྱིས་ཀྱང་གློག་བརྙན་འཁྲབ་ཀྱི་འདུག་ཞེས་གོ་ཐོས་བྱུང་། ངེད་ཀྱི་སེམས་ན་གསལ་ལྷེང་ངེར་ཡོད་པ་ནི་པད་མ་ཚེ་བརྟན་གྱི་འཁྲབ་གཞུང་ལྷིང་འཇགས་ཀྱི་མི་ཎི་རྡོ་འབུམ་ཞེས་པ་དེར་རྒྱལ་ནང་དང་རྒྱལ་སྤྱིར་བྱ་དགའ་རེག་སོང་། ད་དུང་བཀྲ་ཤིས་ཟླ་བས་རི་དྭགས་སྲུང་སྐྱོབ་གྱི་སྐོར་ནས་བཟོས་བའི་་གློག་བརྙན་དེར་ཡང་རྒྱལ་ནང་དང་རྒྱལ་སྤྱི་ནས་བྱ་དགའ་འཐོབ།
|
|||
|
2008.08.29
00:14:17
|
|||
|
བོད་ནི་ཆོས་རིགས་ས་གནས་བཅས་པ་གཅིག་གྱུར་གྱི་མི་རིགས་ཤིག་ཡིན།
|
|||
|
2008.08.14
01:39:40
|
|||
|
ཆོལ་གསུམ་བོད་རིགས་ཡོངས་རྫོགས་ཆབ་སྲིད་ཀྱི་གོང་བུ་ཞིག་ཏུ་བསྐྲུན་དགོས། ཆོལ་གསུམ་བོད་རིགས་ཡོངས་རྫོགས་ཆབ་སྲིད་ཀྱི་གོང་བུ་ཞིག་ཏུ་བསྐྲུན་དགོས། ཆོལ་གསུམ་བོད་རིགས་ཡོངས་རྫོགས་ཆབ་སྲིད་ཀྱི་གོང་བུ་ཞིག་ཏུ་བསྐྲུན་དགོས། ཆོལ་གསུམ་བོད་རིགས་ཡོངས་རྫོགས་ཆབ་སྲིད་ཀྱི་གོང་བུ་ཞིག་ཏུ་བསྐྲུན་དགོས། ཆོལ་གསུམ་བོད་རིགས་ཡོངས་རྫོགས་ཆབ་སྲིད་ཀྱི་གོང་བུ་ཞིག་ཏུ་བསྐྲུན་དགོས།
|
|||
|
