07:14:39
བཀའ་ཤག་གསར་པས་སྲིད་གཞུང་གི་དབང་འཛིན་པའི་ལས་སུ་བཞུགས་རྒྱུ་དང། ༧རྒྱལ་བ་རིན་པོ་ཆེ་ཆབ་སྲིད་ཀྱི་དབང་ཆའི་ཐོག་ནས་ཆ་ཚང་ཕྱི་འཐེན་གནང་ཚར་ཞིང།དེ་མིན་གྱི་དམངས་གཙོའི་འགྲོ་ལུགས་སྣ་ཚོགས་འདི་ནས་འགོ་བརྩམས་ཡོད་པ་རེད། ཆོས་སྲིད་ཟུང་འབྲེལ་གྱི་དམངས་གཙོའི་ལམ་ལུགས་དེ་མཚམས་འདི་ནས་མཇུག་བསྡུས་པ་དང་སྒོ་བརྒྱབ་པ་རེད། ད་ནི་ཆོས་སྲིད་ཟུང་འབྲེལ་ཟེར་བ་ཡོད་པ་མ་རེད།
དེ་མིན་ང་ཚོའི་དབང་འཛིན་པའི་སྲིད་གཞུང་གི་མ་འོངས་པའི་འཕེལ་ཕྱོགས་ནི་དམངས་ཀྱིས་ཐད་ཀར་འོས་འདེམས་བྱེད་ཅིང་། རབ་བྱུང་ན་ཆོས་ལུགས་མི་སྣ་རྣམས་སྲིད་གཞུང་གི་ཆབ་སྲིད་གོ་དབང་བརྩོད་ལེན་ནང་མ་བཞུགས་པ་ཡིན་ན་ཡག་ཤོས་རེད། དེ་བཞིན་ཆབ་སྲིད་ཀྱི་བཅོས་བསྒྱུར་ཆེན་མོ་འདི་ང་ཚོའི་མི་རབས་འདི་ནས་འགོ་བརྩམས་པ་ནི་དངོས་གནས་དགའ་འོས་པ་ཞིག་རེད་སྙམ།
དུས་མཚུངས་སུ་ང་ཚོར་དཀའ་ངལ་སྣ་ཚོགས་འཕྲད་རྒྱུ་རེད་ལ་།ཚང་མར་དཀའ་ངལ་མང་པོ་འཕྲད་རྒྱུ་གཏན་འཁེལ་བ་རེད།འོན་ཀྱང་རྩ་བའི་ཆ་ནས་བཤད་ན།གནས་སྟངས་ཆུང་ཆུང་ཞིག་ནི་འདས་སོང་གི་དུས་ཚོད་ནང་༸རྒྱལ་བ་རིན་པོ་ཆེས་གཞུང་གི་ཆོས་སྲིད་གཉིས་ཀྱི་ཆེས་མཐོའི་དབང་ཆ་འཛིན་པ་དང།དེ་རྗེས་ཟམ་གདོང་རིན་པོ་ཆེས་དབང་ཆ་འཛིན་པའི་སྐབས་སུའི་གནས་སྟངས་ཀྱང་འདི་དང་གཅིག་མཚུངས་རེད།
འོན་ཀྱང་སྐབས་རྗེས་མར་བློ་བཟང་སེང་གེ་ལགས་ང་ཚོའི་བཙན་བྱོལ་བོད་གཞུང་གི་བཀའ་ཁྲིར་ཕེབས་པ་ཡིན་ན་ང་ཚོས་སྔོན་མ་ནང་བཞིན་བྱེད་ཀྱི་མ་རེད་ལ།ལས་སྟབས་བདེའི་ངང་ནས་གང་བཤད་ན་དེར་ཉན་རྒྱུ་ལྟ་བུ་མ་རེད།ང་ཚོས་ཁོང་ལ་ནན་ཏན་གྱིས་བསྐུལ་མ་གཏོང་རྒྱུ་རེད་ལ།ཁོང་ལ་བྱ་བ་འདི་དང་གན་བྱེད་དགོས་ཅེས་བཤད་ཆོག་པར་བརྟེན།ང་ཚོས་གནས་སྟངས་ལས་སྟབས་བདེ་རུ་གྱུར་བར་མཐོང་བཞིན་ཡོད།
དེ་སྔོན་ཟམ་གདོང་རིན་པོ་ཆེ་དབང་ཆའི་གོ་གནས་སུ་ཡོད་སྐབས་སུ།ཁྱོད་ཚོས་ཤེས་གསལ་ལྟར་ང་ཚོ་བོད་མི་ཡོངས་ཆོས་ལ་དད་པ་ཡོད་མཁན་ཤ་སྟག་རེད།སོ་སོའི་བླ་མར་སྐྱོན་བརྗོད་བྱེད་པ་དེ་ནི་མ་རངས་པའི་ལས་ཤིག་རེད།དེ་ལྟར་གནས་སྟངས་མག་མོག་ཏུ་གྱུར་ཡོད།གལ་ཏེ་བློ་བཟང་སེང་གེ་ལགས་བཀའ་ཁྲིའི་གོ་དབང་ཐོག་སླེབས་པ་ཡིན་ན་ཁོང་སྐྱ་བོ་ཞིག་ཡིན་པའི་ཐོག་ནས་སྐྱོན་བརྗོད་བྱ་བར་ལས་སྟབས་བདེ་རུ་སོང་ཞིང།ཁྱོད་ཀྱིས་བྱ་བ་འདི་དང་གན་སྒྲུབ་མ་སོང་ཟེར་ཆོག་གི་རེད་ལ།གལ་ཏེ་དབང་ཆའི་ཁྲི་ཐོག་སྲིད་དབང་འཛིན་བཞིན་པའི་སྐབས་སུ་ཁོང་གིས་ནོར་འཕྲུལ་བྱེད་ན་ང་ཚོའི་ངོས་ནས་ཀྱང་དུས་ཚོད་མ་རྫོགས་སྔོན་ནས་ཁོང་དབང་ཆ་ནས་ཕྱི་འཐེན་དགོས་པའི་རེ་བ་བཏོན་ཆོག་གི་རེད།དེ་འདྲ་སོང་ཙང་དངོས་གནས་ཡིན།གནས་སྟངས་ཡོངས་ལས་སྟབས་བདེ་རུ་ཞི་དྲག་སོང་བ་རེད།
༢༠༡༡ལོའི་ཟླ་༤པའི་ཚེས་༢༠ཉིན་འབྲེལ་ཡོད་དྲ་རྒྱའི་ཐོག་སྤེལ་འདུག
http://chinadigitaltimes.net/chinese/2011/04
༼བསྒྱུར་རྩོམ།༽
 |
|
