03:32:30
There are no translations available.
[རྩོམ་རིག་ལ་མོས་པའི་སློབ་མ་S.N ལ་འདོམས་པ།]
རྒྱ་མཚོའི་རླབས་སྒྲ
ངང་པའི་གཤོག་སྒྲ
ཨེ་མ། སྲིད་པའི་རང་བྱུང་གི་རོལ་དབྱངས།
ཅི་འདྲ་སྙན་ཞིང་ཅི་འདྲ་འཇེབས་པ།
འདི་ནི། ང་ཚོ་ལ་བཏེགས་པའི་དྲིལ་བརྡའི་ཁྲི་ཆེན་ཞིག
འོན་ཀྱང༌། སྙན་འཇེབས་ཀྱི་རོལ་དབྱངས་འདི།
སེམས་ཁམས་ལ་མྱོང་མཁན་ནི།
ཉིན་མོའི་སྐར་མ་དང༌།
དགུན་ཁའི་མེ་ཏོག་བཞིན།
ཆེས་ཉུང་བ་ང་ཡིས་ཤེས།
གང་ལྟར་ཡང༌།
གངས་ལྗོངས་ནི་གླུ་གཞས་གྱི་རྒྱ་མཚོ་ཡིན།
བྷོ་ཊ་ནི་སྙན་ངག་གི་མི་རིགས་ཡིན… …
ཤར་ནུབ་ཀྱི་རྒྱལ་ཁབ་མང་པོའི་བསྟོད་བསྔགས་ཀྱི་རོལ་དབྱངས་འདི།
ང་ཚོས་འཛིན་དགོས་ལ།
ང་ཚོས་སྐྱོང་དགོས།
ང་ཚོའི་སྙིང་ཁམས་ཀྱི་འཕར་སྒྲ་འདི་སྙན་ངག་ལ་ཐིམ་ན།
ད་གཟོད་གངས་ཅན་པའི་ཚེ་སྲོག་ལ་སྨོན་པའི།
ཞབས་འདེབས་ཀྱི་གཞུང་ལམ་དེ་རྙེད་པ་ཡིན། ༡༩༩༨ ལོར་བྲིས།
 |
|
