There are no translations available.
ཟླ་འདིའི་ཕྱི་ཚེས་༢༢ ཉིན་གནས་ཚུལ་སྤེལ་བ་ལྟར་ན། རྒྱ་གར་གྱི་མངའ་སྡེ་ཨུ་ཏར་པཱར་དྷེ་ཤི་ནང་ལོ་གཅིག་ལྷག་ཙམ་ཟིན་པའི་ཕྲུ་གུ་ཞིག་ལ་ཁྱོན་བསྡོམས་མཛུབ་མོ་༣༤ ཡོད་པ་དང་། འདི་ཟླའི་ཕྱི་ཚེས་༢༠ ཉིན་གྷེ་ནུའི་སི་འཛམ་གླིང་གི་ཟིན་ཐོ་(Guinness world records)ནང་མཛུབ་མོ་མང་ཤོས་ཀྱི་མིང་ཐོག་ཚུད་ཡོད་པ་རེད།
ཕྲུ་གུའི་ཨ་མས་བརྗོད་པ་ལྟར་ན། རྒྱ་ནག་ནང་མཛུབ་མོ་༣༡ ཡོད་པའི་ཕྲུ་གུ་ཞིག་སྐྱེས་ནས་འཛམ་གླིང་ཟིན་ཐོའི་ནང་ཚུད་པ་དྲྭ་ལམ་བརྒྱུད་གྲོགས་པོ་འགས་ཤེས་རྟོགས་བྱུང་འདུག ཁོང་ཚོར་དང་ཐོག་འཛམ་གླིང་གི་ཟིན་ཐོའི་ནང་ཚུད་རྒྱུར་ཡིད་ཆེས་དེ་ཙམ་མེད་ནའང་ཕྲུ་གུའི་པཱ་ལགས་དང་སྲིང་མོ་གཉིས་ཀྱིས་དྲ་ཐོག་ནས་གྷེ་ནེ་སི་འཛམ་གླིང་གི་ཟིན་ཐོ་ཚོགས་པར་དངོས་ཡོད་ཁུངས་སྐྱེལ་དང་བཅས་སྙན་ཞུ་ཕུལ་བ་བརྒྱུད། རྗེས་སོར་ཕན་ཚུན་ར་ཕྲོད་བྱུང་སྟེ་ཕྲུ་གུའི་མིང་གྷེ་ནུའི་སི་འཛམ་གླིང་གི་ཟིན་ཐོའི་ནང་ཚུད་ཡོད་འདུགཌོག་ཊོར་པཱ་རུལ་གྷུབ་ཏཱས་(Dr. Parul Gupta) གནས་ཚུལ་འདི་ནི་ཧ་ཅང་འབྱུང་དཀའ་བའི་ལྷན་སྐྱེས་ཀྱི་ལུས་སྐྱོན་ཞིག་ཡིན་པ་དང་། མཚམས་རེར་ཨ་མའི་བུ་སྣོད་ལ་སྐྱོན་ཡོད་ན་ཕྲུ་གུར་འགོས་ཏེ་འདི་ལྟར་འབྱུང་སྲིད་པ་དང། གཤག་བཅོས་བཏང་ན་དྲག་བསྐྱེད་ཡོང་རྒྱུའི་གསལ་བཤད་བཅས་བྱས་ཡོད་པ་རེད།།
