༄༅། །སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དགོངས་བཞེད་དང། དགའ་ལྡན་ཕོ་བྲང་གི་ཡིག་ཚང་གིས་སློབ་སྟོན་འོག ལུགས་བཟང་པཎྜི་ཏ་ཆོས་ཚོགས་དང་ས་རྭ་བོད་ཀྱི་མཐོ་སློབ་ཟུང་འབྲེལ་གྱིས་རྒྱ་ཡིག་ནང་བསྟན་ལོ་ཙཱ་བའི་འཛིན་གྲྭ་ཞིག
༢༠༡༡ ལོར་ས་རཱ་བོད་ཀྱི་མཐོ་སློབ་ཁང་དུ་གསར་འཛུགས་བྱས་པ་དེ་ཡི་ཐོག་འདི་ལོར་ཁ་སྐོང་སློབ་མ་གྲངས་ལྔ་གསར་བསྡུ་བྱེད་རྒྱུ་དང་། ཞུགས་བློ་ཡོད་པ་རྣམས་ནས་གཤམ་གསལ་ཆ་རྐྱེན་ཚང་བའི་སྙན་ཞུ། ༢༠༡༢ ཕྱི་ཟླ་༣ ཚེས་༡༠ འགྱངས་མེད་འབུལ་དགོས། ༢༠༡༢ ལོའི་ཟླ་༣ པའི་ཚེས་༡༥ ཉིན་ས་རཱ་མཐོ་སློབ་ཏུ་འབྱོར་ཐོ་འགོད་རྒྱུ་དང་། ཡིག་རྒྱུགས་ཕེབས་སྐབས་ཀྱི་ལམ་གྲོན་དང་། ཟས་དོད་ཐོབ་ཐང་ཡོད། ༢༠༡༢ ལོའི་ཟླ་བ་༣ ཚེས་༡༦ ཉིན་ཡིག་ངག་གཉིས་ཐོག་ནས་རྒྱ་ཡིག་ཚོད་ལྟའི་རྒྱུགས་སྤྲོད་ཅིག་ལེན་རྒྱུ་དང། རྒྱུགས་འཕྲོད་པ་རྣམས་ལ་སློབ་སྦྱོང་གི་དུས་ཡུན་ལོ་གཉིས་རིང་མཐུན་རྐྱེན་ཡོངས་རྫོགས་དང་ཙག་ཙིག་ཉོ་དངུལ་ཟླ་རེར་ཧིན་སྒོར་༡༠༠༠ སོགས་འདི་གའི་ཚོགས་པ་ནས་འགན་ལེན་ཞུ་བཞིན་ཡོད་པས་། རིས་མེད་ཆོས་བརྒྱུད་ཀྱི་དགོན་སྡེ་ཁག་ནས་དགེ་འདུན་པ་ཞུགས་འདོད་ཡོད་པ་རྣམས་ཀྱིས་གཤམ་གསལ་ཁ་བྱང་ཐོག་འབྲེལ་བ་ཡོང་བ་ཞུ།དགོས་ངེས་ཆ་རྐྱེན།
༡ རྒྱ་ཡིག་ཤེས་ཚད་འཛིན་གྲྭ་དགུ་པ་ཐོན་པའམ་དེ་དང་དོ་མཉམ་གྱི་ཤེས་ཚད་ཡོད་པ།
༢ སློབ་སྦྱོང་མུ་མཐུད་ལོ་གཉིས་རིང་རྒྱུན་འཁྱོང་ཐུབ་པའི་ཁས་ལེན་དགོས་པ།
༣ ཉེ་དུས་བརྒྱབ་པའི་(Passport Size)འདྲ་པར་གཉིས།
༤ དབུ་ཕར་རབ་འབྱམས་པ་ཐོན་པའི་ལག་ཁྱེར་འདྲ་བཤུས་།
༥ གཟུགས་པོ་བདེ་ཐང་ཡིན་པའི་སྨན་པ་ཚད་ལྡན་གྱི་ངོ་སྦྱོར་ཡི་གེ།
༦ བོད་མི་ཡིན་ཚེ་(R.C)དང་དཔྱ་ཁྲལ་ལག་དེབ་ཀྱི་འདྲ་བཤུས། དེ་དག་མེད་ཚེ་རང་ཉིད་གང་དུ་ཡོད་པའི་ཚོགས་པའི་འགན་འཛིན་གྱི་ངོ་སྦྱོར་ཡི་གེ་བྱུང་ཡང་འཐུས།
༧ རང་ཉིད་ཡོང་ཁུངས་དགོན་པའི་དགག་བྱ་མེད་པའི་ཡི་གེ་དགོས།
༨ རང་ཉིད་གང་དུ་བཞུགས་སའི་ཁ་བྱང་དང། ཁ་པར་ཨང་། གློག་འཕྲིན་ཁ་བྱང་ཁ་གསལ་དགོས་པ་བཅས།
ས་རཱ་བོད་ཀྱི་མཐོ་སློབ་དང་ལུགས་བཟང་པཎྜི་ཏའི་ཆོས་ཚོགས་ཟུང་ནས་༢༠༡༡ ལོའི་ཕྱི་ཟླ་༡༢ ཚེས་༡༠ ཉིན། །
འབྲེལ་གཏུག་ཁ་བྱང་།
E-mail: 這個 E-mail 地址已經被防止灌水惡意程式保護，您需要啟用 Java Script 才能觀看
