Ragshul Palden
22:09:29There are no translations available.
ངེས་པའི་དཔེ། ཕན་མཛད་ཁྱོད་ཀྱི་བསྟན་པ་གདུགས་དཀར་ཁྱོན།། གསེར་གཞི་ཕོག་པའི་ཁ་བའི་ལྷུན་པོ་ཡི།། རྗེས་སུ་འགྲོ་མོད་དེ་ལས་གཞན་གྱི་དཔེ།། རྗེན་དང་རྗེས་སུ་དཔག་པའི་ཡུལ་ལས་འགོངས།། ངེས་མེད་ཀྱི་དཔེ། དེང་དུས་ཁ་བའི་ལྗོངས་སུ་མནར་སྤྱོད་ཀྱི།། གདུང་བའི་ཚུལ་དེ་དམྱལ་བ་མནར་མེད་བཞིན།། ད་དུང་དེ་བཞིན་མཚན་ཉིད་མཐུན་པའི་དངོས།། མཐོང་ཐོས་གྱུར་ན་དཔེ་རུ་ཅིས་མི་གཟུང་།། བསྡུས་པའི་དཔེ།། ཚེ་དབང་ལྷ་མོ་སྙན་པའི་གླུ་དབྱངས་དང་།། ལྡན་པ་ཁོ་ནས་ཚངས་སྲས་ལྷ་མོ་ཡི།། རྗེས་སུ་འགྲོ་མིན་མཛའ་བའི་འཛུམ་མདངས་དེས།། ཕོ་སྐྱེས་དར་མའི་བརྟན་པ་འཕྲོག་འདིས་ཀྱང་།། ཕུལ་བྱུང་དཔེ། ས་སྐྱ་པཎ་ཆེན་སྔོན་བྱོན་མཁས་པའི་ཏོག ། ཟམ་གདོང་བླ་མ་དེང་དུས་དྲན་དབང་གི ། གཙུག་གི་རྒྱན་དུ་གྱུར་པ་དེ་ཙམ་ལས།། འབྱེད་ཆོས་གཞན་ནི་ནམ་མཁའི་མེ་ཏོག་ཉིད།།
 |
|
