ཧྥ་རན་སི་གྲོས་ཚོགས་གོང་མ་དང་ཡུ་རོབ་མཉམ་འབྲེལ་དང། ཨ་རིའི་སོགས་ཀྱིས་བོད་རྒྱའི་འབྲེལ་མོལ་ལ་དགའ་བསུ་བྱས་ཡོད་ནའང། རྒྱ་ནག་ཕྱོགས་བསྒྲགས་གཏམ་སྤེལ་བའི་ནང་འབྲེལ་མོལ་ལ་གྲུབ་འབྲས་གང་ཡང་མེད་པ་མ་ཟད། རྒྱ་ནག་གཞུང་ལ་དོན་དངོས་ཀྱི་འབྲེལ་མོལ་བྱེད་འདོད་མེད་པ་ཡང་གསལ་པོ་མངོན་ཡོད་པ་རེད།

བོད་ཀྱི་བདེན་དོན་འཐབ་རྩོད་ཆེད་རང་སྲོག་ཤོར་བའི་དཔའ་བོ་དཔའ་མོར་ཚོར་རྗེས་དྲན་དང། མྱ་ངན་མཚོད་ཆེད། བོད་ནང་གི་ས་གནས་ཁག་ཅིག་ཏུ་བོད་ལྕགས་སྟག་ལོའི་ལོ་གསར་སྤྲོ་སྐྱིད་དེ་ཡང་གཏོང་རྒྱུ་མིན་སྐོར་བརྗོད་ཡོད་ནའང། རྒྱ་ནག་གཞུང་གིས་ཐབས་ལམ་འདྲ་མིན་བརྒྱུད་ལོ་གསར་སྤྲོ་སྐྱིད་གཏོང་དགོས་པའི་སྐུལ་མ་བྱེད་བཞིན་ཡོད་པ་རེད། དེ་ཡང་གནས་ཚུལ་ཤེས་རྟོགས་བྱུང་བ་ལྟར་ན། ཁམས་དཀར་མཛེས་ཁུལ་དུ་བོད་མི་རྣམས་ཀྱིས་ཉེས་མེད་བོད་མི་བཙོན་འཇུག་དང། དམར་གསོད་བཏང་བ། སྡུག་སྦྱོང་མནར་གཅོད་མྱོང་བཞིན་པ་རྣམས་ལ་གདུང་སེམས་མཉམ་བསྐྱེད་མཚོན་ཆེད་འདི་ལོ་ཡང་ལོ་གསར་སྤྲོ་སྐྱིད་གཏོང་གི་མིན་ཞེས་ཐག་གཅོད་བྱས་ཡོད་ཀྱང།