ཕྱི་ཚེས་༢༥ཉིན་ལོ་སི་ཨན་ཇེལ་གྲོང་ཁྱེར་གྱི་སྨན་ཁང་ཞིག་ནང་འཛམ་གླིང་གི་གཞས་པ་གྲགས་ཅན་མེཀ་ཁལ་རྗེག་སན་འདས་གྲོངས་སུ་གྱུར་ཡོད་པ་རེད། ཁོང་གི་རོལ་དབྱངས་རུ་ཁག་ཚོགས་མི་རཱན་ཌི་རྗེག་སན་གྱིས་བརྗོད་གསལ་ལྟར་ན། ཉིན་གུང་ཙམ་ལ་ཁོང་སྙིང་གི་ཁྲག་རྩ་འགག་ནས་དྲན་མེད་དུ་བརྒྱལ་བ་དང། སྐབས་དེར་མགྱོགས་མྱུར་སྨན་ཁང་དུ་བསྐྱལ་ནས་སྐྱོབ་ཐབས་བྱས་པ་རེད་ཅེས་དང། ཁོང་གི་གཅེན་པོ་ཇེར་མཱན་ནེ་ཡིས་བརྗོད་གསལ་ལ། སྨན་པས་ཆུ་ཚོད་གཅིག་ཙམ་གྱི་རིང་ལ་དྲན་པ་སོས་ཐབས་ཀྱི་འབད་བརྩོན་བྱས་ཀྱང་གསོན་པོར་གནས་ཐུབ་མ་སོང་ཞེས་བརྗོད་ཡོད་པ་རེད།

ང་རང་ཚོ་བོད་པའི་སྤྱི་ཚོགས་ནང་སྐྱེས་ལྷ་ཡུལ་ལྷ་ཟེར་བ་དེ་རྩ་ཆེན་པོར་བརྩིས་ཏེ། སོ་སོའི་སྐྱེ་བོ་དང། འཕགས་པའི་རྣམ་དཔྱོད་ཅན་དབྱེ་བ་ཕྱེ་བའི་རྣམ་དཔྱོད་མེད་ནས། ལྷ་འདྲེ་ཐ་མལ་བ་དེ་འདྲ་བསྟེན་སྡོད་མཁན་ཡོང་གི་འདུག དེ་ནོར་འཁྲུལ་རེད། ྋསྐུ་གོང་མས་རྒྱལ་པོ་ཤུགས་ལྡན་བསྟེན་མཁན་ཚོ་སྐྱབས་འགྲོའི་བསླབ་བྱ་དང་འགལ་གྱི་རེད་གསུངས་པ་དེ་བདེན་པ་རེད། དོལ་རྒྱལ་ལ་ཆ་བཞག་ན་འཇིག་རྟེན་དྲེགས་པ་རེད། དྲེགས་པའི་ནང་ནས་ཀྱང་རྩོད་གཞི་ཅན། ལོ་བཞི་བརྒྱ་ཞིག་ལ་རྩོད་པ་བྱས་ནས་བསྡད་པ་རེད། དེ་ཚོའི་གྲས་ཀྱིས་བོད་ཀྱི་བསྟན་པར་ལྷད་འགྲོ་བ། བསྟན་པ་ཉམས་ཆག་ཏུ་འགྲོ་རྒྱུའི་རྐྱེན་ཆགས་པ་དེ་འདྲ་རེད་ཅེས་ྋགོང་ས་མཆོག་གིས་སྐྱབས་སུ་འགྲོ་བའི་ཡུལ་མ་ནོར་བ་དགོས་སྐོར་གྱི་བཀའ་སློབ་གནང་སོང།