ཟླ་འདིའི་ཚེས་༡༠ ཉིན་ནི་བོད་མི་རྣམས་ཀྱིས་རང་དབང་སྒེར་ལངས་བྱས་ནས་མི་ལོ་༥༡ འཁོར་ཡོད་པས། ཉིན་དེར་བོད་མི་གནས་སྡོད་བྱེད་སའི་ས་གནས་མང་པོར་རྒྱ་ནག་གཞུང་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་ཡོད་པ་རེད།

ཕྱི་ལོ་༢༠༡༠གསུམ་བཅུའི་དུས་དྲན་ཐེངས་༥༡པའི་སྐབས་བཀའ་ཤག་གི་གསུང་བཤད།
ཕྱི་ལོ་༢༠༡༠ཟླ་༣ཚེས་༡༠འདི་ནི་བོད་མི་རྣམས་ཀྱིས་རྒྱ་ནག་དབང་འཛིན་པར་ཞི་བའི་ངོ་རྒོལ་བྱས་ནས་ལོ་༥༡འཁོར་བའི་དུས་ཚིགས་ཁྱད་པར་ཅན་ཞིག་ཡིན་པས་ད་བར་བོད་བསྟན་སྲིད་ཀྱི་ཆེད་དུ་ལུས་སྲོག་བཏང་བའི་དཔའ་བོ་དང་དཔའ་མོ་རྣམས་ལ་རྗེས་དྲན་དང༌།ད་ལྟའང་མནར་གཅོད་མྱོང་བཞིན་པའི་སྤུན་ཟླ་རྣམས་ལ་གདུང་སེམས་མཉམ་སྐྱེད་ཀྱིས་འཚམས་འདྲི་དང་ཐུགས་གསོ་ཞུ་རྒྱུ་ཡིན།