མཁས་དབང་བློ་བཟང་སེངྒེའི་འོས་བསྡུའི་སྐོར་གྱི་ཆེད་རྩོམ།
(བློ་བཟང་སེངྒེ་ཁོང་གིས་ལོ་དྲུག་གི་རིང་ལ་དྷ་རམ་ས་ལ་གཙོ་བྱས་པའི་ས་གནས་ཁག་ནས་ཞིབ་འཇུག་བྱས་མཐར། མཐར་ཕྱིན་ཞིབ་འཇུག་ཆེད་རྩོམ་ཕྱི་ལོ་༡༩༥༩ ནས་༢༠༠༤ བར་གྱི་མང་གཙོ་དང་བཙན་བྱོལ་བོད་གཞུང་གི་ལོ་རྒྱུས་སྐོར་བྲིས་པར། Yong k. Kim 95 Special Award of Excellence ཞེས་པའི་དམིགས་བསལ་ཕུལ་བྱུང་གཟེངས་རྟགས་ཐོབ་ཡོད་པ་དང། དེ་བཞིན་ཁོང་གིས་བོད་ཡིག་ནང་དུ་འགྲོ་བ་མིའི་ཐོབ་ཐང་སྐོར་གྱི་དཔེ་དེབ་ཀྱང་བཏོན་གནང་མཛད་མྱོང་ཡོད་པ་རེད།)

གཡུ་སྒང་དགེ་འདུན།    དྷ་ས།
ངས་འདིར་ང་ཚོའི་སྐྱོན་གླེང་ན། དང་པོ་རང་སྟེང་ལ་མཛུབ་མོ་འཛུགས་དགོས་ལ། ལྷག་པར་རང་གི་ཤེས་འཇོན་དང་གཞན་གྱི་ཤེས་འཇོན་གྱི་ཁྱད་པར་ལ་བརྟག་སྟེ་བཤད་རྒྱུ་ཧ་ཅང་གལ་ཆེ། འོན་ཀྱང་ངས་འདིར་ཤེས་འཇོན་ལ་སྐྱོན་བརྗོད་བྱེད་རྒྱུ་མིན་པར། བསམ་བློའི་ཀུན་སློང་གི་ཐད་བརྗོད་པ་ཡིན། དེ་ལའང་ནང་གསེས་གཉིས་དབྱེ་ཆོག།དང་པོ་རང་ཉིད་ཆབ་སྲིད་ངོ་བོའི་སྐྱབས་བཅོལ་བ་ཞིག་ཡིན་པའི་ཆ་ནས་རྒྱལ་ཁབ་དང་མི་རིགས་བསམ་དགོས་པ་དང། གཉིས་པ་རང་མི་རིགས་ཀྱི་སྐད་ཡིག་ལ་བསམ་དགོས། ངས་འདིར་རང་ཉིད་ཀྱིས་རྒྱུས་ལོན་དང་མྱོང་ཚོར་དངོས་བཤད་པ་ལས། ཧོལ་རྒྱུགས་དང་སྐབས་འཚོལ་སོགས་གཏན་ནས་མིན། འདིར་ངའི་སྐད་ཆའི་བརྒྱུད་རིམ་ཁྲོད་ང་ལ་སྡང་སེམས་དང་འཁོན་སེམས་སློང་མཁན་ཡོང་སྲིད་མོད།